قازىرگى تاڭدا 31 جاسقا تولىپ وتىرعان بۇل بالۋان وتكەن جىلى كۇزدە كۇرەس تۇرلەرىنەن نۇر-سۇلتان قالاسىندا وتكەن الەم چەمپيوناتىندا كۇمىس مەدالعا قول جەتكىزىپ, توكيو وليمپياداسىنىڭ جولداماسىن جەڭىپ العان بولاتىن.
ول العاشىندا وزىنە «تۇماۋ تيگەن شىعار» دەگەن كۇدىكپەن دەرتكە اسا ءمان بەرمەگەن. بىراق ۋاقىت وتكەن سايىن دەنساۋلىعى تومەندەپ, دەنە قىزۋى قالىپتى كۇيىن جوعالتقان. قازىر بۇل سپورتتى ەم قابىلداپ جاتىر. جاعدايى دا جاقسارىپ كەلەدى.
قىزىق بولعاندا, بۇل ازاماتتىڭ اۋلەتى, ياعني اتا-اناسى, اپايى تاعى باسقا جاقىن تۋىسقاندارى بىرىنەن سوڭ ءبىرى بارلىعى دەرلىك ىندەت جۇقتىرىپ ۇلگەرگەن.
العاشقى بولىپ اناسى «وكپەگە سۋىق ءتيدى» دەگەن اناليزبەن ماقاشقالادا اۋرۋحاناعا جاتقىزىلعان. بىراق ول ىندەتكە اينالىپ, ناتيجەسىندە دەرت بارلىق وتباسى مۇشەلەرىن شارپاعان.
