بەلگىلى بولعانداي, باتكەن وبلىسى باتكەن اۋدانى موينوك ەلدىمەكەنىندەگى قىرعىز-تاجىك مەملەكەتتىك شەكاراسىنىڭ ۋچاسكەسىندە تاجىكستاننىڭ «ۆورۋح» انكلاۆىنىڭ تۇرعىندارى قىرعىز اۋماعىندا مال جايماق بولعان. قىرعىز شەكاراشىلارى ولاردىڭ بۇل ارەكەتىنە جول بەرمەگەن.
بۇدان سوڭ بەلگىسىز تاجىكتەر قىرعىز شەكاراشىلارىنا وق اتا باستاعان. كەيىنىرەك بۇل اتىس ساعات 11:40-تاردا قىرعىز-تاجىك شەكاراشىلارىنىڭ قارۋلى قاقتىعىسىنا ۇلاسقان. قىرعىزستاندىقتار اراسىندا زارداپ شەككەندەر جوق.
ساعات 12:20-دا قىرعىزستان مەن تاجىكستاننىڭ شەكارا وكىلدەرى وقيعا ورنىندا كەزدەستى. قازىر قىرعىز-تاجىك شەكاراسىنداعى جاعداي تۇراقتالدى. تاراپتار وقيعا فاكتىسى بويىنشا تالقىلاۋ جۇرگىزەدى.
بۇل شەكاراشىلار اراسىندا مامىر ايىنداعى ەكىنشى قارۋلى قاقتىعىس. بۇعان دەيىن قىرعىز-تاجىك مەملەكەتتىك شەكاراسىندا 8 مامىردا اتىس بولعان ەدى. ول كەزدە چەك باتكەن وبلىسىندا قىرعىزستان مەن تاجىكستاننىڭ شەكارالاس اۋداندارىنىڭ تۇرعىندارى اراسىندا 50 سوتتىق چەك ۋچاسكەسىن پايدالانۋ ماسەلەسىنە قاتىستى ماسەلە تۋىنداعان بولاتىن.
