قازاقستان • 24 مامىر، 2020

قازاقستاندا كوروناۆيرۋسقا قاتىستى شەكتەۋ شارالارى كۇشەيدى

1354 رەت كورسەتىلدى

باس مەملەكەتتىك سانيتارلىق دارىگەر ايجان ەسماعامبەتوۆا قازاقستان حالقى اراسىندا كوروناۆيرۋس ينفەكتسياسىنىڭ الدىن الۋ جونىندەگى شارالاردى ودان ءارى كۇشەيتۋ تۋرالى قاۋلى قابىلدادى. بۇل تۋرالى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ ءباسپاسوز قىزمەتى حابارلادى.

قازاقستاننىڭ ۇكىمەتتىك دەلەگاتسيالارىن، قازاقستان رەسپۋبليكاسى سىرتقى ىستەر مينيسترلىگىنىڭ شاقىرۋى بويىنشا ەلىمىزگە كەلەتىن شەت مەملەكەتتەردىڭ جانە حالىقارالىق ۇيىمداردىڭ رەسمي دەلەگاتسيالارىنىڭ مۇشەلەرىن، قازاقستان رەسپۋبليكاسىندا اككرەديتتەلگەن ديپلوماتيالىق وكىلدىكتەردىڭ، كونسۋلدىق مەكەمەلەردىڭ جانە حالىقارالىق ۇيىمدار وكىلدىكتەرىنىڭ قىزمەتكەرلەرىن جانە ولاردىڭ وتباسى مۇشەلەرىن، اۆياكومپانيالار ەكيپاجدارىن جانە لوكوموتيۆ بريگادالارىنىڭ مۇشەلەرىن قوسپاعاندا، قازاقستانعا شەتەلدەن كەلەتىن بارلىق ادامداردى، سونداي-اق ەاەو ەلدەرىنەن جانە وزبەكستان رەسپۋبليكاسىنان قازاقستان رەسپۋبليكاسىنىڭ مەملەكەتتىك شەكاراسى ارقىلى تەمىرجول كولىگىندە جانە اۆتووتپە جولدارىندا وتكىزۋ پۋنكتتەرى ارقىلى كەلەتىن ادامداردى 2 تاۋلىككە دەيىن COVID-19-عا زەرتحانالىق تەكسەرۋ جۇرگىزۋ ءۇشىن كارانتيندىك ستاتسيوناردا وقشاۋلاۋلانادى.

COVID-19 اۋرۋىن جوققا شىعارمايتىن بەلگىلەرى بار ادامدار كارانتيندىك ستاتسيونارعا ەمەس، پروۆيزورلىق ستاتسيونارعا ەمدەۋگە جاتقىزىلادى.

قازاقستان رەسپۋبليكاسىنىڭ مەملەكەتتىك شەكاراسىن كەسىپ ءوتۋدىڭ 5 كۇنىنەن كەشىكتىرىلمەي بەرىلگەن پتر ادىسىمەن زەرتحانالىق تەكسەرۋدىڭ تەرىس ناتيجەسى بار COVID-19-عا تەكسەرىلگەنى تۋرالى انىقتاما بەرگەن، اۆيارەيسپەن شەت ەلدەن كەلگەن ادامدار ۇيدە ء(ۇي كارانتين) 14 تاۋلىك بويى وقشاۋلانادى. ۇيدە وقشاۋلاۋ ءۇشىن جاعداي بولماعان جاعدايدا كارانتيندىك ستاتسيوناردا وقشاۋلاۋ ۇسىنىلادى. بۇل رەتتە بۇل ادامدار COVID-19-عا زەرتحانالىق تەكسەرۋ جۇرگىزۋ ءۇشىن 2 تاۋلىككە دەيىن كارانتيندىك ستاتسيوناردا وقشاۋلانبايدى.

COVID-19-عا زەرتحانالىق تەكسەرۋ ناتيجەلەرىن العاننان كەيىن وڭ ناتيجەلى ادامدار ەمدەۋ ءۇشىن ينفەكتسيالىق ستاتسيونارعا اۋىستىرىلادى، COVID-19-عا تەرىس ناتيجەلى ادامدار 12 تاۋلىك بويى ۇيدە ء(ۇي كارانتينى) وقشاۋلانادى. ۇيدە وقشاۋلاۋ ءۇشىن جاعداي بولماعان كەزدە جەرگىلىكتى اتقارۋشى ورگاندار ايقىنداعان ءۇي-جايلاردا وقشاۋلاۋ ۇسىنىلادى; 

قازاقستانعا شەتەلدەن كەلگەن قازاقستان رەسپۋبليكاسىندا اككرەديتتەلگەن ديپلوماتيالىق وكىلدىكتەردىڭ، كونسۋلدىق مەكەمەلەردىڭ جانە حالىقارالىق ۇيىمدار وكىلدىكتەرىنىڭ قىزمەتكەرلەرى جانە ولاردىڭ وتباسى مۇشەلەرى COVID-19-عا زەرتحانالىق تەكسەرۋگە جانە 14 تاۋلىك بويى ۇيدە ءوزىن-ءوزى وقشاۋلاۋعا ء(ۇي كارانتينى) جاتادى.

اۆياكومپانيالاردىڭ ەكيپاجدارى، لوكوموتيۆ بريگادالارىنىڭ مۇشەلەرى قوڭىراۋ شالۋ ارقىلى (مۇمكىندىگىنشە بەينەقوڭىراۋ شالۋ) تۇرعىلىقتى (كەلگەن) جەرى بويىنشا مەديتسينالىق باقىلاۋعا جاتادى.

ەاەو ەلدەرىنەن جانە وزبەكستان رەسپۋبليكاسىنان قازاقستان رەسپۋبليكاسىنىڭ مەملەكەتتىك شەكاراسى ارقىلى تەمىرجول كولىگىندە جانە اۆتووتپە جولدارىندا وتكىزۋ پۋنكتتەرى ارقىلى كەلگەن ادامدار COVID-19-عا زەرتحانالىق تەكسەرۋگە جانە 12 تاۋلىك بويى ۇيدە ءوزىن-ءوزى وقشاۋلاۋعا ء(ۇي كارانتينى) جاتادى.

تەمىرجول، تەڭىز كولىگىندەگى تاسىمالداۋ قىزمەتىمەن بايلانىستى ادامدار جانە جۇكتەردى اۆتوموبيلمەن حالىقارالىق تاسىمالداۋدى جۇزەگە اسىراتىن جۇرگىزۋشىلەر، سونداي-اق ترانزيتتىك جۇرگىزۋشىلەر شەكارانى كەسىپ وتكەن ورىندارىندا COVID-19-عا زەرتحانالىق تەكسەرۋگە جاتقىزىلادى.

ۆاحتالىق ادىسپەن جۇمىس ىستەيتىن، «تەڭىزشەۆرويل» جشس وبەكتىلەرىنەن دەموبيليزاتسيالانعان ادامدار COVID-19-عا زەرتحانالىق تەكسەرۋ جۇرگىزۋ ءۇشىن كەلگەن ورنى بويىنشا كارانتيندىك ستاتسيوناردا 2 تاۋلىككە دەيىن وقشاۋلاۋعا جاتادى، وڭ ناتيجەلى ادامدار ەمدەۋ ءۇشىن ينفەكتسيالىق ستاتسيونارعا اۋىستىرىلادى، COVID-19-عا تەرىس ناتيجەلى ادامدار 12 تاۋلىك بويى ۇيدە ء(ۇي كارانتينى) وقشاۋلانادى. ۇيدە وقشاۋلاۋ ءۇشىن جاعداي بولماعان كەزدە جەرگىلىكتى اتقارۋشى ورگاندار ايقىنداعان ءۇي-جايلاردا وقشاۋلاۋ ۇسىنىلادى.

ءتيىستى اۋماقتىڭ، كولىكتەگى باس مەملەكەتتىك سانيتاريالىق دارىگەرى وڭىردەگى جانە الەمدەگى قالىپتاسقان ەپيدەميولوگيالىق جاعدايدى ەسكەرە وتىرىپ، شەت ەلدەردەن كەلگەن جولاۋشىلاردى كارانتيندەۋ تۋرالى شەشىم قابىلداۋعا قۇقىلى.

قاۋلىنىڭ تولىق ءماتىنى كوميتەتتىڭ سايتىندا جاريالانعان.

سوڭعى جاڭالىقتار

ۇقساس جاڭالىقتار