بۇل ارينە, بارشانى الاڭداتارى داۋسىز. وبلىستىڭ باس سانيتارلىق دارىگەرى تەمىربەك مۇساعاليەۆ كارانتين مەرزىمىن ۇزارتۋ تۋرالى قاۋلىعا قول قويدى.
– اتىراۋ وبلىسى اۋماعىندا شەكتەۋ شارالارى, اتىراۋ قالاسى, جىلىوي اۋدانى, ماقات اۋدانى, ماقات كەنتىندە كارانتين رەجيمى 2020 جىلعى 8 ماۋسىم ساعات 07:00-گە دەيىن cوزىلسىن. 2020 جىلعى 25 مامىر ساعات 07:00-دەن 8 ماۋسىم ساعات 07:00-گە دەيىن اتىراۋ وبلىسىنىڭ جەدەل شتابىمەن بەكىتىلگەن بلوك-پوستتاردى كەسىپ ءوتۋ ەرەجەلەرىندە كورسەتىلگەن جاعدايلاردان تىس, اتىراۋ قالاسىنىڭ كارانتيندىك ايماقتارىنا كىرىپ-شىعۋعا تىيىم سالىنسىن, - دەلىنگەن قاۋلىدا.
سونداي-اق ساعات 23:00-06:00 ارالىعىندا اتىراۋ قالاسىندا, ساعات 21:00-06:00 ارالىعىندا جىلىوي اۋدانىندا, ساعات 20:00-6:00 ارالىعىندا ماقات اۋدانىنداعى ماقات كەنتىندە ازاماتتار مەن كولىكتەردىڭ قوزعالىسىنا جاپپاي تىيىم سالىنىپ وتىر.
