وسىدان 10 جىل بۇرىن اپاتقا ۇشىراعان قىزىلاعاش سۋ قويماسىن قالپىنا كەلتىرۋ جۇمىسى بيىل اياقتالىپ, قولدانىسقا بەرىلەدى. قازىر اقسۋ اۋدانى اۋماعىنداعى نىساننىڭ نەگىزگى قۇرىلىس اياقتالۋعا جاقىن. قىزىلعاش سۋ قويماسىنىڭ ىسكە قوسىلۋى ايماقتاعى سۋارمالى ەگىس القاپتارىنىڭ كولەمىن كوبەيتۋگا مۇمكىندىك بەرمەك. سۋ قويماسى تولقى ىسكە قوسىلعاننان كەيىن ءبىر عانا اقسۋ اۋدانىنداعى سۋارمالى ەگىستىك القابى بىردەن 7 000 گەكتارعا ارتادى ەكەن. ال تاۋداعى توسپانىڭ سيىمدىلىعى 42 ملن تەكشە مەتر شاماسىندا. جۇمىس ساپارى اياسىندا پرەمەر – مينيستر اسقان مامين اقسۋ اۋدانىنا ارنايى بارىپ, قىزىلاعاش سۋ قويماسىنىڭ قۇرىلىسىن كوزبەن كوردى. قۇرىلىس نىسانىنداعى جۇمىس 90 پايىزعا ورىندالعان. توسپا قۇرىلىسىنڭ ساپاسىنا نازار اۋدارعان ۇكىمەتباسى قاۋىپسىزدىك تالاپتارىنىڭ قاتاڭ ساقتالۋىنا ءمان بەرۋدى ايتتى. سونداي-اق, وڭىردەگى سۋارمالى جەردى ءتيىمدى يگەرىپ وتىرعان جەتىسۋ شارۋالارىنىڭ ەڭبەگىنە ساتتىلىك تىلەگەن اسقار مامين اگروسەكتوردىڭ دامۋىنا قاجەتتى مەملەكەتتىك قولداۋدىڭ ىركىلىسسىز ءجۇرىپ جاتقانىن ايتتى. ونىڭ ناتيجەسى الماتى وبلىسىندا ناقتى ىسپەن كورىنىس تابۋدا. بۇگىندە وڭىردە 356 گيدروتەحنيكالىق قۇرىلعى جۇمىس ىستەپ تۇر. جالپى يرريگاتسيالىق جەلىنىڭ ۇزىندىعى 16,6 مىڭ شاقىرىمعا جەتەدى. ناتيجەسىندە, ايماقتاعى ەگىستىك القاپتارىن سۋسىز قالعان ەمەس. ونىڭ ۇستىنە كانالداردى, توعاندار مەن گيدروتوراپتاردى جوندەۋ جانە رەكونسترۋكتسيالاۋ جۇمىسى كۇن تارتىبىندە تۇر. ەسەسىنە, ەگىس القاپتارىنىڭ كولەمى جىل سايىن ارتىپ كەلەدى. ءىس وسى قارقىنمەن جالعاسسا, 2028 جىلعا قاراي جەتىسۋدا 137,8 مىڭ گەكتار سۋارمالى جەردى اينالىمعا ەنگىزۋ مۇمكىن بولماق. بيىلدىڭ وزىندە سۋ شارۋاشىلىعى نىساندارىن دامىتۋعا وبلىستىق بيۋدجەتتەن 2,1 ملرد تەڭگە ءبولىنىپ, ونىڭ 1,4 ملرد تەڭگەسى 9 نىساندى كۇردەلى جوندەۋگە جۇمسالۋدا. وبلىستا يسلام دامۋ بانكىنىڭ قاراجاتى ەسەبىنەن دە سۋارۋ جەلىلەرىن رەكونسترۋكتسيالاۋ جۇمىستارى ەسكەلدى, اقسۋ, الاكول جانە كوكسۋ اۋداندارىندا ءجۇرىپ جاتىر.
الماتى وبلىسىنىڭ ەلىمىزدىڭ اگروونەركاسىپ كەشەنىندەگى الاتىن ورنى ماڭىزدى ەكەنىن اتاپ ايتۋ كەرەك. جۇمىستى جۇيەلى ۇيىمداستىرۋ مەن مەملەكەتتىك قولداۋ وبلىستىڭ اۋىل شارۋاشىلىعى سالاسىنىڭ قارقىندى دامۋىنا ۇلاسىپ وتىر. بۇعان وسى ساپارىندا پرەمەر-مينيستر بالقاش, ەسكەلدى جانە تالعار اۋداندارىنىڭ جەتەكشى شارۋا قوجالىقتارىنىڭ تاجىريبەلىك دەمونستراتسيالىق الاڭدارىن, تاۋارلى ءسۇت فەرمالارىن جانە ماتەريالدىقتەحنيكالىق بازاسىن ارالاعا نكەزىندە كوز جەتكىزە ءتۇستى. اۋدانداعى شارۋاشىلىقتاردا بولعا نكەزىندە اسقان مامينگە وسىمدىك شارۋاشىلىعى, مال شارۋاشىلىعى جانە ۆەتەريناريا سالالارىنداعى وتاندىق عىلىمي-زەرتتەۋ ينستيتۋتتارىنىڭ ازىرلەمەلەرى, قارقىندى ەگىنشىلىك, اسىل تۇقىمدى جىلقى شارۋاشىلىعى, ەت پەن ءسۇت ءوندىرىسىن كەڭەيتۋ, سونداي-اق اۋىل شارۋاشىلىعى ونىمدەرىن تەرەڭ وڭدەۋدى دامىتۋ جوبالارى تانىستىرىلدى. جالپى, بيىل الماتى وبلىسىنىڭ اگروونەركاسىپ كەشەنىندە 42 ينۆەستيتسيالىق جوبا جۇزەگە اسىرىلماق. وتكەن ءتورت ايدىڭ قورىتىندىسى بويىنشا اۋىل شارۋاشىلىعىنداعى جالپى ءونىم كولەمى 2,3 پايىزعا, ازىق-ت ۇلىك ونىمدەرىن ءوندىرۋ كولەمى 14,2 پايىزعا ءوسىپ وتىر. سونداي-اق, بىلتىرعى جىلدىڭ ەسەپتى كەزەڭىمەن سالىستىرعان وبلىس ونەركاسىبىندەگى دايىن ءونىم ەكسپورتى 27,6 پايىزعا كوبەيگەن.
جەتىسۋ جەرىندەگى قۇرىلىس جۇمىسىنىڭ باسەڭدەمەگىنە ءبىراز جىل بولدى. اسىرەسە, تۇرعىن ءۇي قۇرىلىسى قارقىندى. وتكەن جىلى وڭىردە 894,1 مىڭ شارشى مەتر باسپانا پايدالانۋعا بەرىلگەن. ونىڭ ىشىندە 685 الەۋمەتتىك ءۇي سالىنىپ, از قامتىلعان الەتتەر مەن كوپ بالالى وتباسىلار قونىس تويىن تويلادى. جالپى, قازىرگى ساتتە تۇرعىن ءۇي كەزەگىندە 50,6 000 ادام تىزىمدەۋلى تۇر. بۇل باعىتتاعى جۇمىس جالعاسۋدا. وسى ماقساتتا بيىل 40,8 ملرد تەڭگە يگەرىلىپ, باسپانا قۇرىلىسى سەرپىنمەن داميدى. ونىڭ ىشىندە «نۇرلى جەر» باعدارلاماسى اياسىندا 938,8 مىڭ شارشى تۇرعىن ءۇي سالۋ جوسپارلانعان. ناتيجە بار, مىسالعا جىل باسىنان بەرى 266,9 مىڭ شارشى مەتر باسپانا پايدالانۋعا بەرىلدى. پرەمەر-مينيستر اسقار ءماميننىڭ الماتى وبلىسىنا جاساعان جۇمىس ساپارى بارىسىندا كوزبەن كورىپ, كوڭىل توعايتقانمەن شارۋانىڭ ءبىر وسى قۇرىلىس جايى بولسا كەرەك. ۇكىمەتباسى تالدىقورعان قالاسىنداعى تۇرعىن ءۇي ينفراقۇرىلىمىنىڭ دامۋىنا, ءوڭىردى گازداندىرۋ جۇمىسىنىڭ بارىسىنا, سونداي-اق «نۇرلى جول», «جۇمىسپەن قامتۋدىڭ جول كارتاسى-2020» باعدارلامالارىنىڭ ىسكە اسۋىنا جوعارى باعا بەردى.
ايتپاقشى, الماتى وبلىسىندا ج COVID-19 ينفەكتسياسىن جەدەل انىقتايتىن جەتىنشى زەرتحانا ىسكە قوسىلماق. ۇكىمەت مۇشەلەرىنىڭ ايماققا ساپارى اياسىندا ۆيتسە-پرەمەر ەرالى توعجانوۆ تالدىقورعانداعى ورتالىقتاندىرىلعان مەديتسينالىق زەرتحانانى ارالاپ, كوردى. قۇرىلىسى اياقتالعان عيماراتتى ماۋسىم ايىندا اشۋ جوسپارلانعان. مەديتسينالىق مەكەمە وبلىستاعى جەتىنشى زەرتحانا, سوندىقتان № 7 زەرتحانا رەتىندە جۇمىسقا كىرىسەتىن بولادى. جالپى, وڭىردە جۇمىس ىستەپ تۇرعان التى زەرتحانادا تاۋلىك سايىن 2,5 مىڭ ادامعا COVID-19 ينفەكتسياسىن انىقتاۋعا بايلانىستى قىزمەت كورسەتۋگكە قاۋقارلى. ال قازىرگە دەيىن وبلىستىڭ 38 مىڭنان استام تۇرعىنى سىناما تاپسىرعان ەكەن.
