كوميسسيانىڭ قازاقستاندىق بولىگىن قازاقستان رەسپۋبليكاسىنىڭ ەكولوگيا, گەولوگيا جانە تابيعي رەسۋرستار ۆيتسە-ءمينيسترى س.ن. گروموۆ, ال قىرعىز بولىگىن – قىرعىز رەسپۋبليكاسى ۇكىمەتى جانىنداعى سۋ رەسۋرستارى مەملەكەتتىك اگەنتتىگى ديرەكتورىنىڭ ورىنباسارى ا.ش. دجايلووباەۆ باسقاردى.
كوميسسيا جۇمىسىنا ەكولوگيا, گەولوگيا جانە تابيعي رەسۋرستار, سىرتقى ىستەر مينيسترلىكتەرىنىڭ, جامبىل وبلىسى اكىمدىگىنىڭ, سۋ شارۋاشىلىعى مەكەمەلەرى مەن ۇيىمدارىنىڭ وكىلدەرى قاتىستى.
وتىرىس قورىتىندىسى بويىنشا كوميسسيا شۋ جانە تالاس وزەندەرىندەگى سۋ قويمالارىنىڭ جۇمىس رەجيمدەرىن كەلىستى جانە 2020 جىلعى ۆەگەتاتسيالىق كەزەڭگە مەملەكەتارالىق ارنالار ارقىلى سۋ بەرۋ كەستەسىن بەكىتتى.
تاراپتار سونداي-اق ۆەگەتاتسيالىق كەزەڭ اياقتالعاننان كەيىن مەملەكەتارالىق پايدالانۋداعى سۋ شارۋاشىلىعى قۇرىلىستارىندا جوندەۋ-قالپىنا كەلتىرۋ جۇمىستارىن جۇرگىزۋ جانە ترانسشەكارالىق وزەندەردىڭ باسقا دا سۋ شارۋاشىلىعى ماسەلەلەرىن تالقىلادى.
سونىمەن قاتار, وتىرىستا كوميسسيا حاتشىلىعى حالىقارالىق ۇيىمداردىڭ قولداۋىمەن «شۋ جانە تالاس وزەندەرى باسسەيندەرى ءۇشىن ءىس-قيمىلدىڭ ستراتەگيالىق باعدارلاماسى» جوباسىن ازىرلەۋ بارىسى تۋرالى باياندادى.
وزبەكستان اۋماعىنداعى ساردوبا سۋ قويماسى بوگەتىنىڭ بۇزىلۋىمەن بولعان قايعىلى وقيعالاردى نازارعا الا وتىرىپ, كوميسسيا ورتو-توقوي جانە كيروۆ سۋ قويمالارىن ولاردىڭ جۇمىسىنىڭ قاۋىپسىزدىگى تۇرعىسىنان بىرلەسىپ كوزبەن شولىپ قاراۋ تۋرالى شەشىم قابىلدادى.
تاراپتار 2020 جىلدىڭ قازان ايىندا تاراز قالاسىندا كوميسسيانىڭ كەلەسى وتىرىسىن وتكىزۋگە كەلىستى.
وتىرىس قورىتىندىسى بويىنشا حاتتاماعا قول قويىلدى.
