«بيىل قاسيەتتى رامازان ايى كارانتين جاعدايىندا وتكەنىن جاقسى بىلەسىزدەر. بۇل جاعداي ساۋاپتى امالدار مەن يگى شارالارعا كەدەرگى كەلتىرمەدى. مەشىت تاراپىنان كومەككە مۇقتاج وتباسىلارعا قايىرىمدىلىق جاسالدى. اۋىزاشار اسى تەگىن تاراتىلدى. ماقتاارال اۋدانىنداعى جەرلەستەرىمىزگە گۋمانيتارلىق جانە قارجىلاي كومەك كورسەتتىك. ساۋاپتار ەسەلەنىپ جازىلاتىن بەرەكەلى ايدا يگى ىسكە اتسالىسقان بارشا ازاماتقا ايرىقشا العىسىمدى بىلدىرەمىن», دەدى باس ءمۇفتي.
سونداي-اق ول قازاقستان مۇسىلماندارى ءدىني باسقارماسىنىڭ توتەنشە جاعداي كەزىندە قابىلداعان شەشىمىنە تۇسىنىستىك تانىتقان قازاقستاندىقتارعا العىس ايتتى.
«قازاقستان مۇسىلماندارى ءدىني باسقارماسىنىڭ توتەنشە جاعداي كەزىندە قابىلداعان شەشىمىنە تۇسىنىستىك تانىتىپ, ورازانى وقشاۋ تۇردە وتكىزىپ, ۇيدە قۇلشىلىق جاساعان جاماعاتقا ءوز اتىمنان تاعى دا العىسىمدى جەتكىزەمىن. اللا قابىل ەتسىن!
ورازا ايت مەرەكەسى قۇتتى بولسىن! راببىمىز دۇعا-تىلەگىمىزدى, قاسيەتتى ايدا جاساعان قايىرلى امالىمىزدى, بەرگەن زەكەت پەن ءپىتىر ساداقامىزدى قابىل ەتكەي! ءار وتباسىنا اماندىق, جاقسىلىق تىلەيمىن. ورازادان ورازاعا دەيىن امان-ەسەن جەتە بەرەيىك! جەر بەتىنەن جۇقپالى دەرت جويىلىپ, مەرەكەلى, بەرەكەلى ساتتەردە جۇزدەسۋدى جازعاي! ەلىمىز امان, جۇرتىمىز تىنىش بولعاي!» دەدى ول.
