23 مامىر، 2020

پاۆلودار وبلىسىندا 1609 اۋىل شارۋاشىلىعى تاۋارىن ءوندىرۋشى ءتيىمدى سۋبسيدياعا قول جەتكىزگەن

15 رەتكورسەتىلدى

ەلىمىزدىڭ اگروونەركاسىپتىك كەشەنىن دامىتۋدىڭ 2017-2021 جىلدارعا ارنالعان مەملەكەتتىك باعدارلاماسىندا سۋبسيديالاۋ ىسىنە ەرەكشە ءمان بەرىلگەن.

وبلىستىق اۋىل شارۋاشىلىعى باسقارماسىنىڭ مالىمەتىنشە، وڭىردەگى جەرگىلىكتى شارۋالارعا سۋبسيديا ءبولۋ قاراستىرىلۋدا.

بۇعان دەيىن اسىل تۇقىمدى مال شارۋاشىلىعى جانە تۇقىم شارۋاشىلىعى سالاسىنا عانا  تولەنىپ كەلگەن.

بىلتىر وبلىستىڭ اگروكەشەنىن دامىتۋعا 23،4 ملرد تەڭگە ءبولىنىپتى. ونىڭ 14،4 ملرد تەڭگەسى-رەسپۋبليكالىق بيۋدجەتتەن.

ال قاراجاتتىڭ باسىم بولىگى-شارۋاشىلىقتاردى سۋبسيديالاۋعا جۇمسالعان. ينۆەستيتسيالىق سۋبسيديا باعدارلاماسى شەڭبەرىندە بىلتىر 32 شارۋا 1،9 ملرد تەڭگە قاراجاتقا شەتەلدەن 2759 باس اسىل تۇقىمدى ءىرى قارا جەتكىزدى. ونىڭ 454،5 ميلليون تەڭگەسى سۋبسيديالاندى.

سونىمەن بىرگە، تەحنيكا ساتىپ العانى ءۇشىن 300 شارۋانىڭ 10 پايىزدىق شىعىنى وبلىستىق بيۋدجەت ەسەبىنەن وتەلگەن.

گەربيتسيد پەن تىڭايتقىشتاردىڭ شىعىنىن وتەۋگە وبلىستىق بيۋدجەتتەن 766 ميلليون تەڭگە قاراجات جۇمسالعان. وسىمدىك شارۋاشىلىعىن دامىتۋعا 628 ميلليون تەڭگە قاراستىرىلىپ، 256 ديقان ەليتالىق تۇقىم ساتىپ العانى ءۇشىن سۋبسيدياعا قول جەتكىزدى.

ءسويتىپ، جەرگىلىكتى 1609 اۋىل شارۋاشىلىعى تاۋارىن ءوندىرۋشى ءتيىمدى سۋبسيدياعا قول جەتكىزدى.

سونداي-اق، بىلتىر سۋبسيديا الۋ ءۇشىن Qoldau.kz ەلەكتروندى جۇيەسىنە ءوتىنىش جولداۋ ءتارتىبى ەنگىزىلىپ، ينتەرنەت جىلدامدىعى از، ءتىپتى عالامتور جوق جەردە وتىرعان شارۋالار دەمەۋقارجى الۋعا ۇلگەرمەي قالدى.

وتكەن جىلى 1 ملرد 200 ميلليون تەڭگە قاراجات ۇلەستىرىلمەي قالعان. 

جاڭا جۇيە سۋبسيديا ءبولۋدىڭ اشىقتىعىنا كوز جەتكىزۋگە مۇمكىندىك بەرگەنىمەن، شارۋالاردىڭ كوبى العان جوق.

سوندىقتان بىلتىر سۋبسيديا الا الماي قالعان شارۋالارعا بيىل ءبىرىنشى كەزەكتە قاراجات بەرىلمەكشى.  

پاۆلودار وبلىسى

 

سوڭعى جاڭالىقتار

ۇقساس جاڭالىقتار