ۇكىمەت • 23 مامىر، 2020

اسقار مامين الماتى وبلىسىندا گيدروتەحنيكالىق قۇرىلىستاردىڭ جاي-كۇيىمەن تانىستى

20 رەت كورسەتىلدى

پرەمەر-مينيستر اسقار مامين جۇمىس ساپارى اياسىندا الماتى وبلىسىنداعى اۋىل شارۋاشىلىعى جانە سۋ شارۋاشىلىعىنىڭ، سونداي-اق تۇرعىن ءۇي جانە ينجەنەرلىك ينفراقۇرىلىمنىڭ دامۋىن تەكسەردى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى. 

اقسۋ اۋدانىندا ا. مامين جوبالىق قۋاتتىلىعى 42 ملن كۋب م بولاتىن قىزىلاعاش سۋ قويماسىنىڭ رەكونسترۋكتسياسىمەن تانىستى. الداعى ۆەگەتاتسيا كەزەڭىندە سۋ قويماسى سۋارمالى جەرلەردىڭ اۋماعىن كەڭەيتىپ، سۋمەن قوسىمشا 7 مىڭ گا القاپتى قامتاماسىز ەتۋگە جول اشادى. 

ۇكىمەت باسشىسىنا الماتى وبلىسىنىڭ يرريگاتسيالىق جۇيەسىن جاڭعىرتۋ جوبالارى تۋرالى باياندالدى. وڭىردە 356 گيدروتەحنيكالىق قۇرىلعى جۇمىس ىستەيدى، يرريگاتسيالىق جەلىلەردىڭ ۇزىندىعى — 16،6 مىڭ شاقىرىم.  كانالداردى، توعاندار مەن گيدروتوراپتاردى جوندەۋ جانە رەكونسترۋكتسيالاۋ بويىنشا جوسپارلانعان جۇمىستار 2028 جىلعا قاراي 137،8 مىڭ گا سۋارمالى جەردى اينالىمعا ەنگىزۋگە مۇمكىندىك بەرەدى. بيىل سۋ شارۋاشىلىعى نىساندارىن دامىتۋعا وبلىستىق بيۋدجەتتەن 2،1 ملرد تەڭگە ءبولىندى، ونىڭ ىشىندە 1،4 ملرد تەڭگە 9 نىساندى كۇردەلى جوندەۋگە بولىنگەن. يسلام دامۋ بانكىنىڭ قاراجاتى ەسەبىنەن سۋارۋ جەلىلەرىن رەكونسترۋكتسيالاۋ جۇمىستارى ەسكەلدى، اقسۋ، الاكول جانە كوكسۋ اۋداندارىندا جۇرگىزىلىپ جاتىر. 
پرەمەر-مينيستر الماتى وبلىسىنىڭ بالقاش، ەسكەلدى جانە تالعار اۋداندارىنىڭ جەتەكشى شارۋا قوجالىقتارىنىڭ تاجىريبەلىك دەمونستراتسيالىق الاڭدارىن، ءسۇت-تاۋار فەرمالارىن جانە ماتەريالدىق-تەحنيكالىق بازاسىن ارالاپ كوردى. ا. مامينگە وسىمدىك شارۋاشىلىعى، مال شارۋاشىلىعى جانە ۆەتەريناريا سالالارىنداعى وتاندىق عىلىمي-زەرتتەۋ ينستيتۋتتارىنىڭ ازىرلەمەلەرى، قارقىندى ەگىنشىلىك، اسىل تۇقىمدى جىلقى شارۋاشىلىعى، ەت پەن ءسۇت ءوندىرىسىن كەڭەيتۋ، سونداي-اق اۋىل شارۋاشىلىعى ونىمدەرىن تەرەڭ وڭدەۋدى دامىتۋ جوبالارى تانىستىرىلدى.

بيىل الماتى وبلىسىنىڭ اگروونەركاسىپ كەشەنىندە 42 ينۆەستيتسيالىق جوبانى جۇزەگە اسىرۋ جوسپارلانعان. 2020 جىلدىڭ ءتورت ايىنىڭ قورىتىندىسى بويىنشا 2019 جىلدىڭ وسى كەزەڭىمەن سالىستىرعاندا اۋىل شارۋاشىلىعىندا جالپى ءونىم كولەمى 2،3%-عا، ازىق-ت ۇلىك ونىمدەرىن ءوندىرۋ كولەمى 14،2%-عا، ال اوك وڭدەلگەن ءونىم ەكسپورتى 27،6%-عا ءوستى. 

تالدىقورعان قالاسىندا پرەمەر-مينيستر تۇرعىن ءۇي ينفراقۇرىلىمىنىڭ دامۋىن، ءوڭىردى گازداندىرۋ جۇمىستارىنىڭ بارىسىن، سونداي-اق «نۇرلى جول»، «جۇمىسپەن قامتۋدىڭ جول كارتاسى-2020» باعدارلامالارىنىڭ ىسكە اسىرىلۋىن جانە ت. ب. تەكسەردى.  

سوڭعى جاڭالىقتار

ءبىلىم – باستى قۇندىلىق

ايماقتار • بۇگىن، 17:10

كوكپەكتىدە ساياباق اشىلدى

ايماقتار • بۇگىن، 15:48

ماڭعىستاۋدا دەلتاپلان قۇلادى

ايماقتار • بۇگىن، 11:24

ەلىمىزدە تاعى 55 ادام ىندەتتەن ايىقتى

كوروناۆيرۋس • بۇگىن، 09:00

الىستان جەتكەن العىس

ايماقتار • كەشە

تازالىق ءبىردىڭ ەمەس، مىڭنىڭ ءىسى

ايماقتار • 18 قىركۇيەك، 2020

قالا كۇنى ونلاين فورماتتا اتالىپ وتەدى

ايماقتار • 18 قىركۇيەك، 2020

بايتۇرسىنوۆ اتىنداعى بايقاۋ ءوتتى

قوعام • 18 قىركۇيەك، 2020

وبلىس اكىمى سىرداريا اۋدانىنا بولدى

ايماقتار • 18 قىركۇيەك، 2020

ءۇش ءتىلدىڭ ۇزدىكتەرى انىقتالدى

ايماقتار • 18 قىركۇيەك، 2020

حالىقارالىق سەمينار-كەڭەس ءوتتى

قازاقستان • 18 قىركۇيەك، 2020

ۇقساس جاڭالىقتار