نۇر-سۇلتاندا Covid-19 جۇقتىرۋ قاۋپى بار ورىندار زالالسىزداندىرىلىپ جاتىر

قوعام • 23 مامىر، 2020

نۇر-سۇلتاندا Covid-19 جۇقتىرۋ قاۋپى بار ورىندار زالالسىزداندىرىلىپ جاتىر

22 رەت كورسەتىلدى

ەلوردادا ساياباقتار، گۇلزارلار، قوعامدىق كەڭىستىكتەر، الەۋمەتتىك نىساندار اۋماعى، بازارلار، ساۋدا ورتالىقتارى، ايالدامالار، اۆتوبۋستار دەزينفەكتسيالانىپ جاتىر. بۇل تۋرالى قالا اكىمدىگىنىڭ ءباسپاسوز قىزمەتى حابارلادى.

Marzhan Tileubekova

2020 جىلدىڭ 11 مامىردان باستاپ ادامدارعا ساياباقتار، الاڭدار مەن گۇلزارلارعا بارۋعا رۇقسات بەرىلدى. تەك سانيتارلىق نورمالاردى قاتاڭ ۇستانۋ: ماسكا تاعىپ، الەۋمەتتىك اراقاشىقتىقتى ساقتاۋ – باستى تالاپ.

«تج رەجيمى اياقتالدى، بىراق كارانتين ءالى جالعاسىپ جاتىر. ەلوردا تۇرعىندارىنا قوعامدىق ورىندارعا بارۋعا، ساياباقتار مەن گۇلزارلاردا سەرۋەندەۋگە رۇقسات بەرىلدى. الايدا ۆيرۋس جۇقتىرۋ قاۋپى ءالى دە جوعارى. ءبىز دەزينفەكتسيانى تۇراقتى جۇرگىزەمىز. ءبىراز ۋاقىت ۇيدەن شىقپاعان جۇرت تازا اۋادا سەرۋەندەگىسى كەلەدى. سول سەبەپتى كوشەدەگى ورىندىقتار، جولدار، ساتىلار مەن جاقتاۋلاردى زالالسىزداندىرامىز. ادامدار ۇستايتىن زاتتىڭ ءبارىن مۇقيتيات تازارتىلادى. ەلوردا تۇرعىندارىن ماسكا تاعىپ، اراقاشىقتىققا ءمان بەرىپ، سانيتارلىق نورمالاردى ساقتاۋعا شاقىرامىن. بۇل وتە ماڭىزدى»، - دەدى قورشاعان ورتانى قورعاۋ جانە تابيعاتتى پايدالانۋ باسقارماسى باسشىسىنىڭ ورىنباسارى الماز رىساليەۆ.

ەلوردادا 20 ميلليون شارشى مەتردەن استام اۋماق دەزينفەكتسيالاندى. زالالسىزداندىرۋ جاياۋ جانە ارنايى كولىكتەردىڭ كومەگىمەن جاسالادى. الەۋمەتتىك نىساندار، بازارلار، ساۋدا ورتالىقتارى، اۋلالار، بالالار الاڭدارى، بلوك بەكەتتەر، قوعامدىق كولىكتەر، ايالدامالار مەن ادام كوپ جينالاتىن باسقا جەرلەردى زالالسىزداندىرۋعا ەرەكشە كوڭىل بولىنەدى.

ەلوردا تۇرعىندارى سانيتارلىق نورمالاردى ساقتاۋعا: ماسكا كيىپ، اراقاشىقتىقتى ساقتاپ، انتيسەپتيك پايدالانۋعا ءمان بەرگەنى ءجون. ەگەر سانيتارلىق تالاپتار ساقتالماسا قالادا كۇشەيتىلگەن كارانتين رەجيمىن ەنگىزۋگە تۋرا كەلەدى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز