قوعام • 23 مامىر، 2020

ەلوردادا جۇمىسىن قايتا باستاعان ساۋدا ورتالىقتارىندا ماسكالار تاراتىلدى

26 رەتكورسەتىلدى

بۇل تۋرالى ەلوردا اكىمدىگىنىڭ ءباسپاسوز قىزمەتى حابارلادى.

بۇگىن ءتاپتىپ ساقشىلارى «تۇلپار»، «استانالىق» ساۋدا ۇيلەرى مەن سۋپەرماركەتتەردىڭ اۋماعىندا بولىپ، ءتۇسىندىرۋ جۇمىستارىن جۇرگىزدى. قوعامدىق ورىنداردا ماسكاسىز جۇرگەن ازاماتتارمەن پروفيلاكتيكالىق اڭگىمەدەن سوڭ، پوليتسەيلەر ولارعا ماسكا بەردى. كەلۋشىلەر جەكە قورعانىش زاتتارىن بەرگەن پوليتسيا قىزمەتكەرلەرىنە العىس ءبىلدىردى.

«كارانتين رەجيمى ءالى ساقتالۋدا. ازاماتتارعا جەكە قاۋىپسىزدىك شارالارى تۋرالى ءتۇسىندىرىپ، ۇقىپتى بولىپ دۇكەندەردە اراقاشىقتىق ساقتاۋعا شاقىرۋدامىز. بۇگىن ەسكەرتۋ جۇمىسىن جۇرگىزدىك.  الايدا ساۋدا ۇيلەرى كارانتين تالاپتارىن ساقتاماسا، ولاردى قر اقبك 462- بابى بويىنشا اكىمشىلىك جاۋاپكەرشىلىككە تارتىپ، ءتىپتى كارانتين رەجيمىن بۇزعان نىساندى جابۋ تۋرالى ءوتىنىش جولدايمىز»، - دەدى نۇر-سۇلتاننىڭ پوليتسيا دەپارتامەنتىنىڭ جەرگىلىكتى پوليتسيا قىزمەتىنىڭ باسشىسى گوسمان جاكين.

پوليتسەيلەر تۇرعىنداردى ۇيدەن تەك اسا قاجەتتىلىك بولعان جاعدايعا عانا شىعۋعا شاقىرادى. بۇل پروفيلاكتيكالىق شارالار ازاماتتاردىڭ قاۋىپسىزدىگى ءۇشىن جاسالادى.

ء«بىز تاعى دا ەلوردا تۇرعىندارى مەن قوناقتارىنا  اراقاشىقتىقتى ساقتاپ، قولعاپ، سانيتايزەرلەردى پايدالانۋ قاجەتتىگىن ەسكە سالامىز»، - دەدى جاكين.

سوڭعى جاڭالىقتار

قىرشىن كەتكەن ساڭلاق

سپورت • بۇگىن، 17:35

ۇقساس جاڭالىقتار