قوعام • 23 مامىر، 2020

ەلوردادا كارانتين رەجيمى جەڭىلدەمەيدى

128 رەت كورسەتىلدى

نۇر-سۇلتاندا كارانتين رەجيمى جەڭىلدەمەيدى، تۇرعىندار سانيتارلىق نورمالاردى قاتاڭ ساقتاۋى ءتيىس. قالانىڭ پەريمەترى بويىنشا بلوك بەكەتتەر جۇمىسىن جالعاستىرۋدا. قالانى پاترۋلدەۋ، كاسىپورىنداردىڭ سانيتارلىق نورمالاردى ساقتاۋى، حالىق اراسىندا تۇسىندىرمە جۇرگىزۋگە پوليتسەيلەردىڭ بارلىق قۇرامى جۇمىلدىرىلدى. دارىگەرلەر مەن ۆولونتەرلەر جانە تاعى باسقالارى كۇشەيتىلگەن رەجيمدە جۇمىس ىستەۋدە. بۇل تۋرالى ەلوردا اكىمدىگىنىڭ ءباسپاسوز قىزمەتى حابارلادى.

بۇگىن ەلوردا اكىمى التاي كولگىنوۆ كوروناۆيرۋس ينفەكتسياسىنىڭ تارالۋىنا قارسى كۇرەس بويىنشا جيىن وتكىزدى.

«كارانتين رەجيمى جەڭىلدەگەننەن كەيىن قازىر كوشەلەردە ادام كوپ. كۇن سايىن جۇرگىزىلىپ جاتقان رەيد قاتاڭ سانيتارلىق نورمالاردى ساقتاۋ قاجەتىن كورسەتىپ وتىر: سانيتارلىق-ەپيدەميولوگيالىق تالاپتاردى بۇزعانى ءۇشىن 26 نىسان جابىلدى، ولار قۇرىلىس كومپانيالارى، ءدامحانالار مەن مەيرامحانالار، قوناقۇيلەر جانە ت.ب.150-دەن استام كاسىپورىن ەسكەرتۋ الىپ، كەيبىرىنە ايىپپۇل سالىندى. رەيد كەزىندە ساياباقتار مەن گۇلزارلاردا ادامدار توپتانىپ، ماسكاسىز جۇرەتىنى انىقتالدى. وسىنىڭ ءبارى ينفەكتسيانىڭ تەز تارالۋىنا اكەلۋى مۇمكىن. دارىگەرلەرگە ۆيرۋستى دەر كەزىندە انىقتاپ، ىندەت وشاعىن جويۋ قيىن بولادى. وسىعان وراي پوليتسەيلەر كۇشەيتىلگەن رەجيمدە جۇمىس ىستەپ، حالىققا تۇسىندىرمەنى كۇشەيتىپ، قىزمەتى رۇقسات ەتىلگەن كومپانيالار جۇمىسىنا كۇندەتىكتى مونيتورينگ جۇرگىزۋى ءتيىس. سانيتارلىق نورمالاردى بۇزعان نىساندار جابىلادى. ۆيرۋس جۇقتىرۋ قاۋپى ءالى بار، سوندىقتان بوساڭسۋعا بولمايدى»، - دەدى التاي كولگىنوۆ.

قالا اكىمى اركىم ءوزىنىڭ جانە جاقىندارىنىڭ دەنساۋلىعى ءۇشىن الەۋمەتتىك جاۋاپكەرشىلىك تانىتۋ كەرەگىن ايتتى. وكىنىشكە قاراي، اۋىرعانداردىڭ 40%-ى 18 بەن 30 جاس اراسىنداعى جاستار، 36%-ى 30 دان 50-گە دەيىگى ادامدار.

كوروناۆيرۋسقا ادەتتەگى تۇماۋ دەپ قاراماۋ كەرەك. بۇل اۋرۋ ساناۋلى كۇننىڭ ىشىندە مىقتى ءارى بۇرىن سوزىلمالى اۋرۋلارى بولماعان ادامنىڭ دەنساۋلىعىن قۇرتا الادى. تەك ءوزىن-ءوزى وقشاۋلاۋ مەن سانيتارلىق تالاپتاردى ۇدايى ساقتاۋ عانا – بۇرىنعى قالىپتى ومىرىمىزگە تەز جەتكىزەتىن جانە ەڭ دۇرىس جول.


سوڭعى جاڭالىقتار

ءبىلىم – باستى قۇندىلىق

ايماقتار • بۇگىن، 17:10

كوكپەكتىدە ساياباق اشىلدى

ايماقتار • بۇگىن، 15:48

ماڭعىستاۋدا دەلتاپلان قۇلادى

ايماقتار • بۇگىن، 11:24

ەلىمىزدە تاعى 55 ادام ىندەتتەن ايىقتى

كوروناۆيرۋس • بۇگىن، 09:00

الىستان جەتكەن العىس

ايماقتار • كەشە

تازالىق ءبىردىڭ ەمەس، مىڭنىڭ ءىسى

ايماقتار • 18 قىركۇيەك، 2020

قالا كۇنى ونلاين فورماتتا اتالىپ وتەدى

ايماقتار • 18 قىركۇيەك، 2020

بايتۇرسىنوۆ اتىنداعى بايقاۋ ءوتتى

قوعام • 18 قىركۇيەك، 2020

وبلىس اكىمى سىرداريا اۋدانىنا بولدى

ايماقتار • 18 قىركۇيەك، 2020

ءۇش ءتىلدىڭ ۇزدىكتەرى انىقتالدى

ايماقتار • 18 قىركۇيەك، 2020

حالىقارالىق سەمينار-كەڭەس ءوتتى

قازاقستان • 18 قىركۇيەك، 2020

ۇقساس جاڭالىقتار