ءبىلىم • 23 مامىر، 2020

عىلىمي باسىلىمدارعا جاڭا تالاپتار قويىلادى

50 رەت كورسەتىلدى

«عىلىمي قىزمەتتىڭ ناتيجەلەرىن جاريالاۋ ءۇشىن ۇسىنىلاتىن باسىلىمدار تىزبەسىنە قوسۋ ءۇشىن عىلىمي باسىلىمدارعا قويىلاتىن تالاپتاردى بەكىتۋ تۋرالى» بۇيرىققا وزگەرىستەر ەنگىزۋ بويىنشا بعم-ءنىڭ بۇيرىعى تىركەلدى. بۇل تۋرالى ءبىلىم جانە عىلىم ءمينيسترى اسحات ايماعامبەتوۆ Facebook پاراقشاسىندا جازدى.

- قازىرگى ۋاقىتتا بۇل تىزىمگە نەگىزىنەن فورمالدى ولشەمدەر بويىنشا ىرىكتەپ الىنعان 177 باسىلىم كىرەدى. سوندىقتان قولدانىستاعى كريتەريلەردى حالىقارالىق تالاپتارعا بەيىمدەۋ بويىنشا جۇمىس باستالدى. ماسەلەن، 2 رەت سىرتتاي رەتسەنزيالاۋ، ناقتى رەداكتسيالاۋ ساياساتى، جاريالانىم مازمۇنى مەن باسىلىمدارداردىڭ باعىتتىق سايكەستىگى، شەتەلدىك مامانداردىڭ رەتسەنزيالارى، وزگەنىڭ جازباسىن پايدالانۋدى تەكسەرۋ، بارلىق جاريالانىم شاراسىنىڭ اشىقتىعى، مىقتى رەداكتسيا القاسى، جاريالانىمداردى جىبەرۋ جانە رەتسەنزيالاۋدىڭ ونلاين جۇيەسى، ادەپ پەن اكادەميالىق ادالدىق بويىنشا تالاپتار جانە تاعى سول سياقتىلار. كورسەتىلگەن تىزبەگە كىرەتىن وتاندىق باسىلىمدارعا وسى تالاپتار بىرتىندەپ قويىلاتىن بولادى، - دەپ جازدى مينيستر.
 
ونىڭ ايتۋىنشا، مۇنداي جاعدايدا باسىلىمداردىڭ سانى ەمەس، ساپاسىنا ءمان بەرىلەدى، ساپالى كونتەنت ءۇشىن باسەكەلەستىك ارتادى جانە حالىقارالىق دەڭگەيدەگى عىلىمي باسىلىمداردى شىعارۋدىڭ كاسىبي اكادەميالىق مادەنيەتىن قالىپتاستىرۋعا ىقپال ەتەدى. 
 
- وتاندىق جۋرنالداردى Scopus جانە Web of Science حالىقارالىق بازاسىنا ەنگىزۋ ءۇشىن، عىلىمي جۋرنالدارعا قارجىلاي قولداۋ كورسەتىپ، دەمەۋ بەرۋ ماقساتىمەن كونكۋرس جاريالاۋدى جوسپارلاپ وتىرمىز، - دەلىنگەن جازبادا.
سوڭعى جاڭالىقتار

شىعىسقا قار ءتۇستى

ايماقتار • كەشە

ۇقساس جاڭالىقتار