كوروناۆيرۋس • 23 مامىر، 2020

جەزقازعاندا 13 ادام كوروناۆيرۋس جۇقتىردى

129 رەتكورسەتىلدى

بۇگىن جەزقازعان قالاسىندا 13 ادامنىڭ كوروناۆيرۋس ينفەكتسياسىن جۇقتىرعانى زەرتحانالىق نەگىزدە راستالدى، دەپ حابارلادى جەزقازعان ايماعى بويىنشا دەنساۋلىق ساقتاۋ باسقارماسىنىڭ باسشىسى ءلاززات رانوۆا.

سونداي-اق ول COVID-19 ىندەتىنىڭ تارالۋىنا كىمنىڭ سەبەپكەر بولعانىن ءمالىم ەتتى.

– تەمىرتاۋ قالاسىنىڭ تۇرعىنى جەزقازعانعا قىدىرىپ كەلىپ، تۋىستارىنىڭ اۋىزاشار راسىمىنە قاتىسقان. كەيىن سول جەردە بولعان 13 ادامنان كوروناۆيرۋس ينفەكتسياسى انىقتالدى. ولاردىڭ اراسىندا ءۇش بالا بار، – دەدى ءلاززات رانوۆا.

قازىرگى ۋاقىتتا پاتسيەنتتەر ساتباەۆ قالاسىنداعى ينفەكتسيالىق بولىمشەگە وقشاۋلاندىرىلعان. ولاردىڭ تۇرعىلىقتى جەرى بويىنشا ءتورت  پودەزد كارانتينگە جابىلدى. 

سوڭعى جاڭالىقتار

ۇقساس جاڭالىقتار