ولار اۋدان پوليتسەيلەرىمەن جانە مەديتسينا قىزمەتكەرلەرىمەن بىرگە بلوك-بەكەتتەردە قىزمەت ەتىپ, ەلدى مەكەندى پاترۋلدەۋگە قاتىسىپ, وقشاۋلانۋدى ساقتاۋ قاجەتتىلىگىن ءتۇسىندىرىپ جانە ونىڭ ورىندالۋىن قامتاماسىز ەتتى. 15 كۇن بويى وسىنداي ءتارتىپ ورناتىلعان سوڭ ىندەت تاراماي, وشاعى بولعان تۇرعىندار ەمدەلىپ جاتتى.
اۋىلدى وقشاۋلاۋ اياقتالعاننان كەيىن اۋدان اكىمى اعزام تاستەمىروۆ پەن اۋداندىق پوليتسيا ءبولىمىنىڭ باستىعى ايدوس ىدىرىسوۆ كورسەتكەن كاسىبي شەبەرلىكتەرى مەن كومەكتەرى ءۇشىن جەدەل توپتىڭ مۇشەلەرىنە العىس ءبىلدىردى. اۋدان اكىمى اعزام احمەتجان ۇلى ءوزىنىڭ سوزىندە: ء«بىز سىزدەردىڭ اۋدان تۇرعىندارىنىڭ قاۋىپسىزدىگىن قامتاماسىز ەتۋگە قوسقان ۇلەستەرىڭىزدى جوعارى باعالايمىز. كارانتيندىك شەكتەۋلەردى قاتاڭ ساقتاعاننىڭ ارقاسىندا قاۋىپتى ىندەتتىڭ تارالۋىنا جول بەرىلمەدى», دەدى ول. جەدەل توپ مۇشەلەرىمەن قاتار پوليتسيا ءبولىمى باستىعىنىڭ ورىنباسارى رۋسلان ءبىرجانوۆ, ۋچاسكەلىك پوليتسيا ينسپەكتورلارى داۋرەنبەك مولداحمەتوۆ, دميتري سمولا, اعا دانيار ساۋلەنبەكوۆ, جەدەل ۋاكىل ايدارحان شارشەنوۆ تە ماراپاتتالدى.
سولتۇستىك قازاقستان وبلىس
ع.مۇسىرەپوۆ اۋدانى
