ايماقتار • 23 مامىر، 2020

شىمكەنتتە پوليتسيا قىزمەتكەرىنە قاتىستى قىلمىستىق ىستەر بويىنشا ۇسىنىستار قارالدى

371 رەت كورسەتىلدى

سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالاسى بويىنشا دەپارتامەنتى قالالىق پوليتسيا دەپارتامەنتىنىڭ جەكە قۇرامىمەن كەزدەسۋ وتكىزدى.

ونلاين شاراعا دەپارتامەنت باسشىسى ا.جۇماعالي مەن ونىڭ ورىنباسارلارى ت.سەرىكباەۆ، ب.ۇزىنجاس جانە پوليتسيا دەپارتامەنتىنىڭ باستىعى ە.جۇماحانبەتوۆ جانە جەكە قۇرام قاتىستى.
 
كەزدەسۋ بارىسىندا پوليتسيا دەپارتامەنتىنىڭ لاۋازىمدى تۇلعالارىنا قاتىستى سوتقا دەيىنگى تەرگەۋ شەڭبەرىندە قر قپك 200-بابى تارتىبىندە بىرقاتار ۇسىنۋلار تالقىلاندى.
 
اتاپ ايتقاندا، قالا تۇرعىنىنان اكىمشىلىك قۇقىقبۇزۋشىلىق حاتتاماسىن تولتىرماۋ ءۇشىن اقشا تالاپ ەتىپ، 25 مىڭ تەڭگە پارا الدى دەپ كۇدىكتەلگەن پوليتسيا دەپارتامەنتىنىڭ پاترۋلدىك پوليتسيا پولكىنىڭ پوليتسەيىنە، سونىمەن قاتار، قالالىق پوليتسيا دەپارتامەنتىنىڭ كريمينالدى پوليتسيا باسقارماسىنىڭ قىزمەتكەرلەرىنە قاتىستى ارىز نەگىزىندەگى جانە جەرگىلىكتى پوليتسيا قىزمەتكەرلەرى وكىلىنىڭ ارىزدانۋشىنىڭ ارىزىن دەر كەزىندە تىركەمەگەندىگى تۋرالى قىلمىستىق ىستەر قارالدى.
 
ءىس-شارادا قىلمىستىق ىستەردىڭ ءمان-جايى تالقىلانىپ، سىبايلاس جەمقورلىق قىلمىستارىنا جول بەرەتىن بىرقاتار سەبەپتەر مەن جاعدايلار تالقىلاندى.
 
وسى رەتتە الداعى ۋاقىتتا پوليتسيا قىزمەتكەرلەرىنىڭ اراسىندا سىبايلاس جەمقورلىقتى بولدىرماۋ ماقساتىندا الدىن الۋ جۇمىستارىن تۇراقتى تۇردە جۇرگىزۋ، ۇجىمدا پاراساتتىلىق قاعيدالارىن قالىپتاستىرۋ مەن قىلمىستىق ىسكە قاتىستى قىزمەتكەرلەر مەن ولاردىڭ تىكەلەي باسشىلارىنىڭ اتقارىپ وتىرعان لاۋازىمىنان بوساتۋعا دەيىن جاۋاپكەرشىلىگىن قاراۋ ۇسىنىلدى.
 
سونىمەن قاتار سىبايلاس جەمقورلىقتىڭ الدىن الۋداعى بىرلەسكەن شارالاردىڭ ءبىرى -  سىبايلاس جەمقورلىققا قارسى قىزمەت وكىلدەرىنىڭ قاتىسۋىمەن جول پوليتسياسىنىڭ تاڭعى جيىندارىندا ءتۇسىندىرۋ شارالارىن وتكىزۋ بولىپ تابىلاتىندىعى ايتىلدى.
 
ايتا كەتەيىك، قازىرگى تاڭعا دەيىن پوليتسيا دەپارتامەنتىنە قىلمىستىق قۇقىقبۇزۋشىلىقتار جانە باسقا دا زاڭ بۇزۋشىلىقتار جاساۋعا ىقپال ەتكەن ءمان-جايلاردى جويۋ جونىندە 19 ۇسىنىس جولدانىپ، 22 پوليتسيا قىزمەتكەرى جاۋاپكەرشىلىككە تارتىلعان. ونىڭ ىشىندە، 3 قىزمەتكەر «قاتاڭ ەسكەرتۋ» السا، 8 قىزمەتكەر اتقارىپ وتىرعان لاۋازىمىنان، 2 قىزمەتكەر جۇمىستان شىعارىلعان.
 
 
شىمكەنت 
سوڭعى جاڭالىقتار

ۇقساس جاڭالىقتار