وسىنداي جيىنتىقتار ادام ومىرىنە وتتان, سۋدان, جول اپاتىنان قاۋىپ تونگەن كەزدەردە قۇتقارۋعا كومەك بەرەدى. ماسەلەن, جول اپاتىنان اۋدارىلعان ماشينانىڭ ەسىگى اشىلماي قالعاندا ىشىندەگى ادامدى قۇتقارۋ ءۇشىن قاتتى شىنىنى سىندىراتىن اۋىر بالعانىڭ قاجەتتىلىگى وتە زور. سونداي-اق سۋعا باتىپ بارا جاتقان ادامدى قۇتقارۋدا سۋعا باتپايتىن دوڭگەلەكتىڭ دە پايداسى مول.
وتكەن جىلى سولتۇستىك قازاقستان وبلىسىنىڭ پوليتسەيلەرى توتەنشە جاعدايعا ءتۇسىپ قالعان ونداعان ادامعا قول ۇشىن سوزدى. ءتارتىپ ساقشىلارى كوپ جاعدايدا وقيعا ورنىنا العاشقىلاردىڭ ءبىرى بولىپ بارادى, سوندىقتان ولارعا ءورت كەزىندە, سۋدا جانە باسقا دا توتەنشە جاعدايلار كەزىندە كومەك كورسەتۋگە تۋرا كەلەدى. ماسەلەن, بىلتىرعى تامىزدا پاترۋلدىك پوليتسيا قىزمەتكەرلەرى جەرتولەگە ءتۇسىپ, ەس-ءتۇسسىز جاتقان پەتروپاۆل قالاسىنىڭ ەكى تۇرعىنىن الىپ شىعۋ كەزىندە ارقان مەن شامنىڭ پايداسى زور بولدى.
بيىل پوليتسيا دەپارتامەنتى پاترۋلدىك پوليتسيانىڭ بارلىق ەكيپاجدارىن قوسىمشا قۇتقارۋ قۇرالدارىمەن جابدىقتاۋدى جوسپارلاپ وتىر. «اتالعان قۇرالدار پوليتسيا قىزمەتكەرلەرىنىڭ جۇمىسىنا ەلەۋلى سەپتىگىن تيگىزەدى. قىزمەتكەرلەر جولدا جۇرگىزۋشىلەرگە كومەكتەسىپ تۇرادى, كولىكتەردىڭ ورتەنىپ جاتقان جاعدايلارى دا بولدى. سونداي-اق ينسپەكتورلار جول اپاتى كەزىندە ادام ومىرلەرىن دە قۇتقاردى. بۇنداي جاعدايلاردا قۇتقارۋ جيىنتىقتارى اسا قاجەت», - دەپ اتاپ ءوتتى پوليتسيا دەپارتامەنتى پاترۋلدىك پوليتسيا باتالونىنىڭ كومانديرى پوليتسيا پودپولكوۆنيگى ەرلان ماديەۆ.
پەتروپاۆل
