ايماقتار • 23 مامىر، 2020

شىمكەنت: 87% تۇرعىن مىندەتتى الەۋمەتتىك مەديتسينالىق ساقتاندىرۋ جۇيەسىنە ەنگىزىلگەن

19 رەت كورسەتىلدى

شىمكەنت قالاسىندا مىندەتتى الەۋمەتتىك مەديتسينالىق ساقتاندىرۋ جۇيەسىن ەنگىزۋ ماسەلەسى قارالدى. 2020 جىلدىڭ 1 قاڭتارىنان باستاپ قازاقستاندا ەنگىزىلگەن مىندەتتى الەۋمەتتىك مەديتسينالىق ساقتاندىرۋ جۇيەسى باعىتىندا جۇرگىزىلىپ جاتقان جۇمىستار تۋرالى قالا اكىمى م.ايتەنوۆكە دەنساۋلىق ساقتاۋ باسقارماسىنىڭ ورىنباسارى ا.بەكباۋوۆا باياندادى، دەپ حابارلايدى قالا اكىمىنىڭ ءباسپاسوز قىزمەتى.

قازىرگى ۋاقىتتا شىمكەنت قالاسىنداعى مىندەتتى الەۋمەتتىك مەديتسينالىق ساقتاندىرۋ جۇيەسىنە بەكىتىلگەن حالىقتىڭ سانى 900 مىڭنان اسادى. ياعني، جالپى تۇرعىنداردىڭ 87 پايىزى ساقتاندىرىلعان. 

بۇدان بولەك، ايگۇل جاقىپقىزى مەملەكەتتىك مەديتسينالىق ۇيىمداردى كومپيۋتەرلىك تەحنيكامەن قامتاماسىز ەتۋ -75 پايىزدى قۇراعانىن ايتىپ، بۇگىندە «يننوۆاتسيالىق زياتكەرلىك تەحنولوگيالار اكادەمياسى» جشس مەملەكەتتىك-جەكە مەنشىك سەرىكتەستىك شەڭبەرىندە 1901 كومپيۋتەر مەن 674 پرينتەر تەحنيكاسىن جەتكىزىپ جاتقانىن ءمالىم ەتتى.

مەديتسينالىق ساقتاندىرۋ جۇيەسىن ەنگىزۋ بويىنشا جۇمىستاردى جانداندىرۋدى ايتقان قالا اكىمى مەديتسينالىق ساقتاندىرۋ – حالىقتىڭ دەنساۋلىعىن قورعاۋ جۇيەسى بولىپ تابىلاتىندىعى تۋرالى اقپاراتتىق-ءتۇسىندىرۋ جۇمىستارىن كەڭىنەن جۇرگىزۋدى تاپسىردى. سونىمەن قاتار دەنساۋلىق ساقتاۋ سالاسىن اۆتوماتتاندىرۋ مەن جاراقتاندىرۋ جانە تسيفرلاندىرۋ باعىتىنداعى جۇمىستاردى شيراتۋدى جۇكتەدى.

جيىندى قورىتىندىلاعان مۇرات دۇيسەنبەك ۇلى جىل سوڭىنا دەيىن دەنساۋلىق ساقتاۋ سالاسىن دامىتۋداعى نىسانالى ينديكاتورلارعا قول جەتكىزۋدى مىندەتتەدى.

 

شىمكەنت 

سوڭعى جاڭالىقتار

ۇقساس جاڭالىقتار