الەم • 23 مامىر، 2020

ساردوبا سۋ قويماسىنا قاتىستى قىلمىستىق ءىس بويىنشا ەكى كۇدىكتى قاماۋعا الىندى

22 رەتكورسەتىلدى

وزبەكستان رەۋسپۋبليكاسىنىڭ باس پروكۋراتۋراسى Telegram ارناسىندا ساردوبا سۋ قويماسىنا قاتىستى قىلمىستىق ءىستى تەرگەۋ بارىسى جونىندە رەسمي مالىمەت حابارلادى.

«سىرداريا وبلىسىنىڭ ساردوبا سۋ قويماسىنا قاتىستى قىلمىستىق ءىس بويىنشا تەرگەۋ شارالارى جۇرگىزىلىپ جاتىر. اتالعان قىلمىستىق ءىس بويىنشا ەكى ادام كۇدىكتى دەپ تانىلدى. ولارعا قاتىستى «قاماۋعا الۋ» بۇلتارتپاۋ شاراسى قولدانىلدى. شىندىقتى انىقتاۋعا كەدەرگى تۋىنداماس ءۇشىن ءىس بويىنشا وعان قاتىستى باسقا دا ءمان-جايلارى ايتىلمايدى. تەرگەۋ امالدارى جالعاسىپ جاتىر»، دەلىنگەن حابارلامادا.

ەسكە سالا كەتەيىك، 2 مامىردا وزبەكستاندا ساردوبا سۋ قويماسىنىڭ بوگەتى جارىلعان بولاتىن.  سالدارىنان تۇركىستان وبلىسىنىڭ 4 اۋىلى سۋ استىندا قالدى. وسى اپاتقا بايلانىستى قىلمىستىق ءىس 3 مامىردا قوزعالعان ەدى.



سوڭعى جاڭالىقتار

ۇقساس جاڭالىقتار