«ەلەكتروندى ۇكىمەت» پورتالىندا جۇرگىزۋشى كۋالىكتەرىن بەرۋ بويىنشا كورسەتىلەتىن قىزمەت جەتىلدىرىلدى. ەندى ونى مەرزىمى وتكەن, تەگىن, اتىن جانە اكەسىنىڭ اتىن اۋىستىرعان, قۇجاتتى جوعالتقان نەمەسە ۇرلاعان كەزدە پايدالانۋعا بولادى. كورسەتىلەتىن قىزمەتتى جەكە تۇلعالار پايدالانا الادى.
ء«بىز تۇراقتى جانە تاۋلىك بويى مونيتورينگ جۇرگىزىپ, كەرى بايلانىس جاسايمىز. ازاماتتاردان كەلىپ تۇسەتىن بارلىق ۇسىنىستار جەكە كەيستەر رەتىندە قارالادى جانە پىسىقتالادى. بۇل سونداي-اق ونلاين رەجيمدە مەملەكەتتىك كورسەتىلەتىن قىزمەتتەردى الۋ پروتسەسىن جاقسارتۋعا جانە جەڭىلدەتۋگە ىقپال ەتەدى», - دەدى «ۇات» اق باسقارما توراعاسى اسەت تۇرىسوۆ.
كورسەتىلەتىن قىزمەتتى الۋ ءۇشىن پورتالعا eGov.kz كىرۋ جانە «كولىك جانە كوممۋنيكاتسيا» قوسىمشا بەتىن تاڭداۋ كەرەك. بۇداڭ سوڭ «اۆتوموبيل كولىگى» بولىمىندە «جۇرگىزۋشى كۋالىكتەرىن بەرۋ» كورسەتىلەتىن قىزمەتىن تاڭداۋ قاجەت. سونداي-اق پورتالدا اۆتورلانۋ جانە «كورسەتىلەتىن قىزمەتكە ونلاين تاپسىرىس بەرۋ» باتىرماسى بويىنشا ءوتىپ, بارلىق مىندەتتى الاڭداردى تولتىرۋ, فوتوسۋرەتتى جانە قول قويۋ ۇلگىسىن جۇكتەۋ كەرەك. بۇدان ءارى 1,25 اەك مولشەرىندە تولەم جاساپ, ەتسق كومەگىمەن قىزمەتكە قويىلۋى ءتيىس.
«تەگىن, اتىن جانە اكەسىنىڭ اتىن وزگەرتۋ» جولىن تاڭداعان كەزدە تەگىن, اتىن, اكەسىنىڭ اتىن اۋىستىرۋ تۋرالى كۋالىكتى جۇكتەۋ قاجەت. ءىس-ارەكەت ەتۋ مەرزىمى وتكەننەن كەيىن 083-ۋ مەديتسينالىق انىقتامانى, جوعالعان نەمەسە ۇرلانعان جاعدايدا اۋداندىق پوليتسيا باسقارماسىنان انىقتامانى تىركەۋ قاجەت. كورسەتىلەتىن قىزمەت قر ءىىم اكىمشىلىك پوليتسيا كوميتەتىمەن بىرگە جەتىلدىرىلگەن.
