قوعام • 23 مامىر، 2020

بەلگىلى بلوگەر ماقتاارال تۇلەكتەرىنە 160 نوۋتبۋك سىيلادى

820 رەت كورسەتىلدى

الەۋمەتتىك جەلىدە باسپانالى بولۋدىڭ ءتيىمدى جولدارىن ۇسىنىپ جۇرگەن بەلگىلى بلوگەر داۋلەت مۇقاەۆتىڭ وقىرماندارى ماقتاارال اۋدانىنىڭ تۇلەكتەرىنە 160 نوۋتبۋك سىيلادى.

ماقتاارال اۋدانىندا توتەنشە جاعداي جاريالانعالى قازاقستاندىقتار زارداپ شەككەن ءوڭىر تۇرعىندارىنا گۋمانيتارلىق كومەك جونەلتىپ كەلەدى. بۇل رەتتە بلوگەر داۋلەت مۇقاەۆتىڭ دا وقىرماندارى قالىس قالمادى. جاعدايدى ەستي سالا وقىرماندار داۋلەتكە ماقتاارالدىقتارعا كومەك كورسەتۋ ماقساتىندا اقشا جيناۋىن وتىنگەن. ناتيجەسىندە Dauletten قايىرىمدىلىق قورىنا 24 ساعات ىشىندە 23 ملن 600 مىڭ تەڭگە جينالدى. جينالعان قارجى وڭىردەگى مەكتەپ ءبىتىرۋشى تۇلەكتەر، سونىڭ ىشىندە ۇلتتىق بىرىڭعاي تەستىلەۋگە قاتىساتىن وقۋشىلارعا نوۋتبۋك الۋعا جۇمسالدى.

كەشە ء«بىلىمدىنىڭ كۇنى جارىق» ۇرانىمەن شىققان جۇك كولىگى ماقتاارالعا جەتتى. نوۋتبۋكتار مىرزاكەنت كەنتىندەگى №4 س. راحىموۆ اتىنداعى جالپى ورتا مەكتەبىنىڭ اكت زالىندا وقۋشىلارعا ۇلەستىرىلدى. سونداي-اق داۋلەت مۇقاەۆ وقۋشىلارعا ءوز قولتاڭباسى قويىلعان «بيزنەسكە باعدار» اتتى كىتابىن سىيعا تارتتى. بلوگەردىڭ جەلىدەگى وقىرماندارى بۇل قايىرىمدىلىق ماقتاارالدىق تۇلەكتەرگە ۇبت الدىنداعى مىقتى موتيۆاتسيا بولارى ءسوزسىز ەكەنىن جارىسا جازىپ جاتىر.

9

سوڭعى جاڭالىقتار

ۇقساس جاڭالىقتار