22 مامىردا ايەل ادام پاۆلودار وبلىسىنىڭ كارديولوگيالىق ورتالىعىنا جوسپارلى كونسۋلتاتسيا الۋعا جۇگىنگەن. قارالۋ كەزىندە پاتسيەنت السىزدىككە, ەنتىگۋگە, جوتەلگە, كەۋدەنىڭ اۋىرسىنۋىنا, جىلىنشىگى مەن تابانىنىڭ ىسىنۋىنە شاعىمدانعان.
قويىلعان دياگنوز: ەكىجاقتى پلەۆروپنەۆمونيا, دەم جەتىسپەۋشىلىگىنەن جاعدايى شامامەن ورتاشا اۋىر, جۇرەك قىزمەتىنىڭ دەكومپەنساتسياسى.
انامنەزدەن بەلگىلى بولعانداي, 13 مامىردان 21 مامىرعا دەيىن ايەل ادام ەكىباستۇز قالاسىنىڭ جەكە مەديتسينالىق ورتالىعىندا ستاتسيونارلىق ەم العان, ول جەردە 2-تيپتەگى قانت ديابەتى انىقتالعان.
22 مامىردا پتر زەرتتەۋ ناتيجەسى بۇل كىسىنىڭ COVID-19 ۆيرۋسىن جۇقتىرعانىن كورسەتتى. ەمدەلۋشى وبلىستىق اۋرۋحانانىڭ جۇقپالى اۋرۋلار گوسپيتالىنە جاتقىزىلدى.
قازىر ناۋقاسپەن بايلانىستا بولۋى مۇمكىن ادامدار توبى انىقتالىپ, ەپيدەمياعا قارسى شارالار جۇرگىزىلىپ جاتىر.
بۇگىنگى كۇنگە پاۆلودار وبلىسىندا كوروناۆيرۋس ينفەكتسياسىمەن اۋىرعان 177 ادام تىركەلگەن.
