ءبىلىم • 23 مامىر، 2020

قازاتۋ ۇلتتىق رەيتينگتە ەكىنشى ورىندا

108 رەتكورسەتىلدى

قازاتۋ قازاقستاندا سۇرانىسقا يە جوعارى وقۋ ورىندارى اراسىندا ۇلتتىق رەيتينگ كورسەتكىشى بويىنشا جوعارعى 2 ورىنعا يە بولدى. بۇل تۋرالى بۇگىن اتالمىش ۋنيۆەرسيتەتىڭ رەكتورى اقىلبەك قاجىعۇل ۇلى ANTIKOR.LIVE جوباسى الاڭىندا ايتتى، دەپ حابارلادى ۇلتتىق اگرارلىق عىلىم-ءبىلىم ورتالىعىنىڭ ءباسپاسوز قىزمەتى.

«استانا – ادالدىق الاڭى» جوباسىنىڭ جەتەكشىسى، نۇر-سۇلتان قالاسى اكىمىنىڭ كەڭەسشىسى، قالالىق ءماسليحات دەپۋتاتى ميراس ەرعالي ۇلىمەن بولعان سۇحبات بارىسىندا بۇگىنگى اگرارلىق ءبىلىم مەن اۋىلشارۋاشىلىعى سالاسىنىڭ مۇمكىندىكتەرى توڭىرەگىندە ءسوز بولدى. 

«قازىرگى ۋاقىتتا ءبىلىم بەرۋدىڭ جاڭا جوباسىنا كوشۋىمىز كەرەك. ۋنيۆەرسيتەتتەر ديپلوم بەرىپ قانا وتىرماي، ساپالى مامان دايارلاۋ ىسىنە كوشكەنى ابزال. سول سەبەپتى ءبىز ادالدىق ماسەلەسىن 1-ورىنعا قويۋىمىز كەرەك. ستۋدەنت ءوزى ادال بولسا جانە ءبىلىم مەن عىلىمنىڭ ەشقانداي اقشاعا ساتىلمايتىندىعىن تۇسىنگەن كەزدە ناعىز ساپالى مامان بولىپ شىعادى. الدىمەن وسى ماسەلەنى ءتۇسىنىپ الۋىمىز كەرەك»، دەدى اقىلبەك كۇرىشباەۆ. 

سۇحباتتا كوتەرىلگەن تاعى ءبىر ماسەلە، اۋىلشارۋاشىلىعى سالاسى بويىنشا مامان دايارلاۋ ءىسى بولدى. بۇل جونىندە رەكتور «ەلىمىز اگرارلىق مەملەكەت. سوندىقتان سالاعا مامان دايارلاۋ ءىسى ەش توقتاماۋى كەرەك. ءبىز زاماناۋي تەحنولوگيا نەگىزىندەگى ماماندار مەن عالىمداردى وزىمىزدە دايارلاۋىمىز قاجەت. وسىعان بايلانىستى ءبىزدىڭ قازاتۋ عىلىميزەرتتەۋ ۋنيۆەرسيتەتى باعىتىنا اۋىسىپ جاتىرمىز. بۇل ۇلكەن جۇمىس. جوبانى ىسكە اسىرۋ ۇشىن دامىعان ەلدەردەگى ءوزىمىزدىڭ سەرىكتەستەردى شاقىرىپ وتىرمىز. اتاپ ايتقاندا ەۋروپانىڭ اگرارلىق ۋنيۆەرسيتەتتەرى اراسىندا 2 ورىنعا يە بولعان AgroParisTech، اقش-تىڭ دەۆيس تەگى كاليفورنيا ۋني ۆەرسيتەتتەرى. سونىمەن قوسا قوس ديپلوم بەرۋ مۇمكىندىگىنە يە بولىپ وتىرمىز»، دەدى.

ەلىمىزدەگى ەڭ نەگىزگى سالا اۋىلشارۋاشىلىعى بولىپ وتىرعاندىقتان سالانى جان جاقتى دامىتۋ بۇل تەك ءبىر عانا ءبىلىم ورداسىنىڭ ەمەس ۇكىمەتتىڭ دە كۇن تارتىبىنەن ەش تۇسپەيتىن ماسەلە بولۋى كەرەك. 

سوڭعى جاڭالىقتار

قىرشىن كەتكەن ساڭلاق

سپورت • بۇگىن، 17:35

ۇقساس جاڭالىقتار