الماتىدا بيزنەسكە كورسەتىلگەن قولداۋ العاشقى ناتيجەسىن بەرە باستادى

ايماقتار • 22 مامىر، 2020

الماتىدا بيزنەسكە كورسەتىلگەن قولداۋ العاشقى ناتيجەسىن بەرە باستادى

42 رەت كورسەتىلدى

بۇگىن قالا اكىمى باقىتجان ساعىنتاەۆ ناۋرىزباي اۋدانىنداعى شوب-تى قولداۋدىڭ ۇدەمەلى شارالارى شەڭبەرىندە قۇرىلاتىن شاعىن ونەركاسىپتىك پاركتەردىڭ جۇزەگە اسىرىلۋىمەن تانىستى.

ايناش ەسالى

توقتاپ قالعان بازالاردى قايتا جاڭعىرتۋ Almaty Finance كومپانياسىنىڭ جەڭىلدەتىلگەن قارجىلىق قولداۋىمەن جۇرگىزىلەدى. دايىن وندىرىستىك ءۇي-جايلار شاعىن جانە ورتا بيزنەس سۋبەكتىلەرىنە كەيىن ساتىپ الۋ قۇقىعىمەن تومەن باعاعا جالعا بەرىلەدى.

ب. ساعىنتاەۆ Ala Estate جشس ونەركاسىپتىك پاركىندە بولدى. كاسىپكەر 2 مىڭ شارشى مەتر اۋماققا وندىرىستىك ءۇي-جايلار قۇرىلىسىن جۇرگىزۋ ءۇشىن 180 ملن. تەڭگە كولەمىندە ينۆەستيتسيا سالعان. جۇمىس ىستەپ تۇرعان ءۇي-جايلاردا جيھاز تسەحى جانە گالانتەرەيا بۇيىمدارىن وندىرەتىن كاسىپورىن اشىلدى. بۇل جەرلەر اعىمداعى جىلدىڭ شىلدە ايىندا پايدالانۋعا بەرىلەدى دەپ جوسپارلانىپ وتىر.

ناۋرىزباي اۋدانىندا توقتاپ تۇرعان بازارلاردىڭ ورنىندا اۋماعى 7،2 مىڭ شارشى مەتر بولاتىن ەكى پارك سالىنۋدا. مۇندا العاشقى جوبالار دا ىسكە قوسىلدى. الاتاۋ اۋدانىندا اۋدانى 23 مىڭ شارشى مەتر بولاتىن 4 پارك، تاعى بىرەۋى تۇركسىب اۋدانىندا بوي كوتەرەدى. ونىڭ اۋدانى 9،7 مىڭ شارشى مەتر. وسى جوبا اياسىندا 1،3 مىڭعا جۋىق جاڭا جۇمىس ورنى اشىلادى.

«بۇل Almaty Business-2025 باعدارلاماسى بويىنشا ىسكە اسىرىلىپ جاتقان شوب-تى قولداۋ بويىنشا شارالاردىڭ ءبىرى. قالالىق جانە رەسپۋبليكالىق باعدارلامالاردىڭ باستى ماقساتى – كاسىپكەرلىك سالاسىندا 10 مىڭنان استام جۇمىس ورنىن قۇرۋ»، – دەپ اتاپ ءوتتى قالا اكىمى ب. ساعىنتاەۆ.

ەسكە سالساق، بۇعان دەيىن ب.ساعىنتاەۆ شاعىن جانە ورتا بيزنەسكە قولداۋ كورسەتۋ باستى مىندەت بولىپ تابىلاتىنىن تىلگە تيەك ەتكەن ەدى. ويتكەنى الماتىنىڭ ەلىمىزدىڭ قارجى جانە ىسكەرلىك ورتالىعىنا اينالۋى وسىعان تىكەلەي بايلانىستى. اكىمدىكتىڭ ۇيىتقى بولۋىمەن قولعا الىنعان نەگىزى باعدارلاما Almaty Business-2025 بولىپ تابىلادى. وسى ماقساتتا يندۋستريالدى ايماقتىڭ جۇمىسى جاندانىپ، شاعىن ونەركاسىپتىك پاركتەر قۇرىلۋدا.

قالا اكىمى جۇمىس ساپارى بارىسىندا ناۋرىزباي اۋدانىنداعى «جۇمىسپەن قامتۋدىڭ جول كارتاسى» باعدارلاماسىنىڭ ىسكە اسۋىمەن تانىستى. ياعني، ارىق جەلىلەرىن، تروتۋارلاردى جوندەۋ جانە اۋماقتى اباتتاندىرۋ بارىسى قارالدى. جالپى 2020 جىلى ناۋرىزباي اۋدانىندا «جۇمىسپەن قامتۋدىڭ جول كارتاسى» باعدارلاماسى اياسىندا 22 نىساندى اعىمداعى جوندەۋدەن وتكىزۋ جوبالارى جوسپارلانعان. بۇلاردا 341 جۇمىسشى ەڭبەك ەتەتىن بولادى.