ايماقتار • 22 مامىر، 2020

باقىتجان ساعىنتاەۆ: «شەتسىز قالا» باعدارلاماسىنىڭ باستى قاعيداسى - جايلىلىق

20 رەت كورسەتىلدى

بۇگىن الماتى قالاسىنىڭ اكىمى ناۋرىزباي اۋدانىنداعى تۇرعىن ءۇي قۇرىلىسىنىڭ بارىسىن تەكسەردى

بۇگىن قالا اكىمى باقىتجان ساعىنتاەۆ «نۇرلى جەر» باعدارلاماسى اياسىندا سالىنىپ جاتقان تۇرعىن ۇيلەر قۇرىلىستارىنىڭ قارقىنىمەن جانە الماتىنىڭ ناۋرىزباي اۋدانىنداعى الەۋمەتتىك  ماقساتتاعى نىسانداردىڭ قۇرىلىسىمەن تانىستى.

جۇمىس ساپارى بارىسىندا ب. ساعىنتاەۆ 1440 پاتەرلى 20 ءۇي قۇرىلىسىنىڭ العاشقى كەزەڭى سالىنىپ جاتقان  «شۇعىلا» تۇرعىن كەشەنىنىڭ قۇرىلىس الاڭىندا بولدى. «نۇرلى جەر» باعدارلاماسى بويىنشا ينجەنەرلىك كوممۋنيكاتسيالار جۇرگىزىلدى.

قالا اكىمى قۇرىلىس جۇمىستارىنىڭ ساپاسىمەن كورىپ، الەۋمەتتىك ينفراقۇرىلىمداردىڭ قادامدىق قولجەتىمدىلىگىنە، اۋماقتى اباتتاندىرۋ  مەن كوگالداندىرۋعا ايرىقشا نازار اۋدارۋدى تاپسىردى. قالانىڭ باتىس بولىگىندە تۇرعىن ءۇي قۇرىلىسى كولەمىنىڭ ارتۋىنا وراي جولداردىڭ وتكىزۋ قابىلەتىن جوسپارلاۋعا قاتىستىستى بولەك تاپسىرما بەرىلدى.

«جايلى جاعداي جاساۋ – «شەتسىز قالا» قاعيداتىنىڭ باستى ماقساتى، ونىڭ اياسىندا كوممۋنالدى ينفراقۇرىلىمداردى  جانە  ايماقتاردى اباتتاندىرۋ بويىنشا اۋقىمدى مودەرنيزاتسيالاۋ باستالدى»، -دەدى قالا اكىمى.

ەسكە سالساق، وتكەن جىلدىڭ سوڭىندا «شۇعىلا» تك تۇرعىندارىنىڭ ءوتىنىشى بويىنشا پايدالانۋعا بەرىلگەن 14 ۇيگە گاز بەرىلگەن ەدى، سول  جىلدىڭ قاراشا ايىندا وسى تۇرعىن كەشەنىنىڭ تاعى 16 ۇيىنە گاز تارتىلدى. سونىمەن قاتار اۋلالار اباتتاندىرىلدى.

اۋداندا شامامەن 1،5 مىڭ  وقۋشى ورنى جەتىسپەيدى. اعىمداعى جىلدىڭ سوڭىندا بۇگىنگى كۇنى جۇكتەمەسى ەكى ەسە ارتقان  №186 مەكتەپتىڭ جانىنان 600 ورىندى قوسالقى  نىسان سالۋ جوسپارلانعان. سونىمەن قاتار، «قالقامان» ىقشام اۋدانىندا 1200 ورىندى جانە «شۇعىلا» ىقشاماۋدانىندا 1500 ورىندى مەكتەپتەر سالۋ جوسپارلانعان. «اقجار» جانە «تاۋسامالى» ىقشاماۋداندارىندا ارقايسىسى 120 ورىندى بالا باقشالاردى كۇزدە پايدالانۋعا بەرۋ جوسپارلانعان.  بيزنەستىڭ الەۋمەتتىك جاۋاپكەرشىلىگى اياسىندا زاماناۋي سپورت جانە بالالاردىڭ ويىن الاڭدارى سالىندى.

سوڭعى جاڭالىقتار

ۇقساس جاڭالىقتار