الدىمەن اقساقالدارعا سالەم بەردى

ايماقتار • 22 مامىر، 2020

الدىمەن اقساقالدارعا سالەم بەردى

527 رەت كورسەتىلدى

عاني نىعىمەتوۆتىڭ سولتۇستىك قازاقستان وبلىسى اكىمىنىڭ الەۋمەتتىك ماسەلەلەر جونىندەگى ورىنباسارى بولىپ تاعايىندالعانىنا كوپ بولا قويعان جوق. قازىر ول حالىقپەن، ەلمەن، جەرمەن تانىسۋ ۇستىندە. الدىمەن وبلىستىڭ ەڭ شالعاي اۋداندارى - اقجار مەن ءۋاليحانوۆ اۋداندارىنا بارىپ قايتتى. العاشقى ساپارىن الاشتىڭ اردا پەرزەنتتەرىنىڭ ءبىرى سماعۇل سادۋاقاسوۆتىڭ تۋعان جەرىنەن باستاعانىنا سولتۇستىكقازاقستاندىقتاردىڭ ءىشى جىلىپ قالدى.

جاقسىباي سامرات

ال بۇگىن ول وبلىستىڭ ارداگەرلەر ۇيىنىڭ وكىلدەرىمەن كەزدەستى. الدىمەن اقساقالدارعا سالەم بەرگەنى دە جاس باسشىنىڭ كورگەندىلىگىن كورسەتتى. وبلىستىق ارداگەرلەر القاسىنىڭ توراعاسى ەسكەندىر ەلەۋسىزوۆ اقساقال ع.نىعىمەتوۆكە وزدەرىنىڭ اتقارىپ جاتقان جۇمىستارى جايلى اڭگىمەلەپ بەردى. سونىڭ ىشىندە كەيبىر ماسەلەلەردىڭ دە بار ەكەندىگى ايتىلدى. ال جەرگىلىكتى ولكەتانۋشى، عالىم زارقىن تايشىباي رۋحاني جاڭعىرۋ باعدارلاماسىنىڭ ورىندالۋ بارىسىن، وسى تاراپتا اتقارىلىپ جاتقان جۇمىستار تۋرالى كەڭىنەن تولعادى. وبلىستىق «سولتۇستىك قازاقستان» گازەتىنىڭ باسشىسى، بەلگىلى قوعام قايراتكەرى جاراسباي سۇلەيمەنوۆ انوماستيكالىق ماسەلەلەر بويىنشا ءوزىنىڭ ويىن ورتاعا سالدى. سونىڭ ىشىندە پەتروپاۆلدىڭ قازاقشا اتاۋىنىڭ قايتارىلۋى تۋرالى دا اڭگىمە قوزعادى.

وبلىستاعى بەلگىلى اقساقالدار، بۇرىن باسشىلىق قىزمەتتەردە بولعان قۇدايبەرگەن قاليەۆ پەن امانگەلدى بالمۇقانوۆ جانە باسقالار ەلدىڭ تاريحىنا تەرەڭىرەك بويلاپ، وسى وڭىردەن شىققان اتاقتى تۇلعالار تۋرالى ايتتى. سونىڭ ىشىندە ماحتاي ساعديەۆكە، كاكىمبەك سالىقوۆقا جانە ت.ب باسقالارىنا كوشە اتىنىڭ بەرىلمەگەندىگىنە وكىنىش ايتىلدى. وتىرىستا وبلىستىق ونوماستيكا، ءماسليحات جاپپاي قولداسا دا ايگىلى جەرلەسىمىز ءسابيت مۇقانوۆتىڭ اتىنا اۋدان اتىنىڭ ءالى كۇنگە بەرىلمەي تۇرعاندىعىنا قىنجىلىس ءبىلدىرىلدى.

عاني نىعىمەتوۆ اتالعان ماسەلەلەردىڭ ءبارىن ىجداھاتپەن تىڭداپ، شەشۋگە بولاتىندارىن دەرەۋ قولعا الاتىندىعىنا ۋادە بەردى.