ايماقتار • 22 مامىر، 2020

شىمكەنت: تۇلەكتەردىڭ ۇبت-دا باعىن سىناۋعا بىرنەشە مۇمكىندىگى بار

74 رەت كورسەتىلدى

شىمكەنت قالاسى ءبىلىم باسقارماسىنىڭ باسشىسى جانات تاجيەۆانىڭ قاتىسۋىمەن وتكەن ءباسپاسوز بريفينگتە ۇلتتىق بىرىڭعاي تەستىلەۋ جايلى جان-جاقتى مالىمەت بەرىلدى. 
 

باسقارما باسشىسىنىڭ سوزىنە سۇيەنسەك، قالامىزداعى 8 885 ءبىتىرۋشىنىڭ 6 799-ى ۇبت-عا قاتىسۋ ءۇشىن ءوتىنىش تاپسىرعان. ال ءوتىنىش بەرۋ ونلاين رەجيمىندە جۇرگىزىلگەن.
 
بيىل قالامىزدا ۇلتتىق بىرىڭعاي تەست 20 ماۋسىم مەن 5 شىلدە ارالىعىندا وتەدى. تالاپكەرلەر تەستىنى 4 جوو-نىڭ عيماراتىندا، ياعني م.اۋەزوۆ اتىنداعى وقمۋ (2 084 وقۋشى)، وقمپي (2 293 وقۋشى)، SILKWAY ۋنيۆەرسيتەتى (1 446 وقۋشى) جانە شىمكەنت ۋنيۆەرسيتەتىندەگى (976 وقۋشى) پۋنكتتەرىندە تاپسىرادى. ولاردىڭ 5559-ى قازاق تىلىندە، 1211-ءى ورىس تىلىندە جانە 29-ى اعىلشىن تىلىندە ءوز باقتارىن سىنايدى.
 
ءوز كەزەگىندە باسقارما باسشىسى تەستىلەۋ كەزىندە سانيتارلىق نورما مەن ءتارتىپ قاتتى ساقتالاتىنىن ايتا كەلە، ء«اربىر اتا-انا بالاسىن تەك ادالدىققا باۋلىپ، وقۋشى ءوز ءبىلىمىن پايدالانۋعا مۇمكىندىك بەرۋىن انا ءارى ۇستاز رەتىندە سۇرانامىن»، – دەدى. ودان بولەك، جانات ارىسبەكقىزى كەي ساتتەرى ءبىلىمدى وقۋشى ءتۇرلى جاعدايعا بايلانىستى از بالل جيناپ قالاتىنىن العا تارتىپ، مۇنداي كەزدە تالاپكەر جىگەرىن قۇم ەتپەۋىن تىلگە تيەك ەتتى. ويتكەنى بۇل سىناقتى تامىز ايىندا تاپسىرۋعا، ەگەر ودان دا وتە الماي قالعان جاعدايدا ارنايى كونكۋرستاردا وقىپ، قاڭتار ايىندا باعىن سىناپ كورۋگە بولاتىنىن ايتتى.   
 
وسى رەتتە قالانىڭ باس پەداگوگى كارانتينگە بايلانىستى جابىلعان بالاباقشالار جايىن ءسوز ەتتى. ەگەر ولاردىڭ اشىلۋىنا جەرگىلىكتى باس سانيتارلىق دارىگەر رۇقسات بەرسە، ارنايى الگوريتم بويىنشا جۇمىس جۇرگىزۋگە دايىن ەكەندىكتەرىن جەتكىزدى. وعان قوسا الداعى وقۋ جىلىندا پەدوگوگتار مەن باسشىلاردىڭ بىلىكتىگىن تەكسەرۋ بارىسى جانە وسىعان وراي جالاقىلارىنىڭ كوتەرىلۋى جايىندا ءسوز قوزعادى. ءوز كەزەگىندە كەلەسى جىلى جاڭادان اشىلاتىن مەكتەپتەردى ايتىپ، قۇرىلىس بارىسىن دا نازاردان تىس قالدىرمادى.
 
سوڭعى جاڭالىقتار

ۇقساس جاڭالىقتار