ايماقتار • 22 مامىر، 2020

قاراعاندىدا قازاقتىڭ ءۇش بيىنە ەسكەرتكىش قويىلدى

162 رەت كورسەتىلدى

كەنشىلەر استاناسىنداعى قاراعاندى وبلىستىق سوتىنىڭ جاڭا عيماراتىنىڭ الدىنا تولە، ايتەكە جانە قازداۋىستى قازىبەك بيلەرگە ەسكەرتكىش قويىلدى.

ەسكەرتكىشتىڭ ورناتىلۋىنا وبلىستىق سوتتىڭ توراعاسى نۇرسەرىك ءشارىپوۆ باستاماشى بولعان. ءۇش ءبيدىڭ قولادان قۇيىلعان ءمۇسىنىن حالىق شەبەرى جەڭىس ەركىن ۇلى الماتى قالاسىندا ءتورت ايدىڭ ىشىندە جاساپ شىعارىپتى.

ء«ۇش بي» مۇسىندىك كومپوزيتسياسىنىڭ اشىلۋ سالتاناتىنا وبلىس اكىمى جەڭىس قاسىمبەك قاتىسىپ، قۇتتىقتاۋ ءسوز سويلەدى. «بۇل ەسكەرتكىش سوت تورەلىگىنىڭ نىشانى رەتىندە قازاقستان حالقى الدىنداعى سۋديالاردىڭ جاۋاپكەرشىلىگىن ەسكە سالىپ وتىرادى»، دەدى ول.

قاراعاندى وبلىستىق سوتىنىڭ توراعاسى ەسكەرتكىشتىڭ سوت سارايىنىڭ ارحيتەكتۋرالىق انسامبلىمەن بىرىكتىرىلىپ جوسپارلانعان اتاپ ءوتتى.

– ءۇش ۇلى بي تاريحىمىزعا قوعام جانە ساياسي قايراتكەرلەر رەتىندە ەنگەن. ولار تەك بىتىمگەر سۋديالار عانا ەمەس، حانداردىڭ كەڭەسشىلەرى دە بولدى. بيلەردىڭ كەڭەسىن باسقاردى. ولار باي ومىرلىك تاجىريبەسى بار، قازاق حالقىنىڭ تاريحىن، ءداستۇرىن بىلەتىن دانا ادامدار بولدى. ايگىلى بيلەرىمىزدىڭ نەگىزگى مىندەتى قوعامداعى تۇراقتىلىقتى ساقتاۋ ەدى. ولار ريتوريكا، نانىم شەبەرلىگىنە يە بولعان. ءبىز وسى كۇنگە دەيىن ولاردىڭ ناقىل سوزدەرىنە، وسيەتتەرىنە سۇيەنەمىز، – دەدى ول.

سونىمەن قاتار، وبلىستىق سوتتىڭ توراعاسى ءۇش ءبيدىڭ وسى ۋاقىتقا دەيىنگى تانىمال بولعان وبرازىن قايتالاماۋعا تىرىسقاندارىن ايتادى.

«ديناميكانى كورسەتكىمىز كەلدى. بۇل عاسىرلار بويى كەلە جاتقان داستۇرلەرگە قاراپ، ۇرپاقتار كوزقاراستارىن قالىپتاستىرۋ ءۇشىن جاسالعان دۇنيە»، دەيدى نۇرسەرىك ءشارىپوۆ.

ەسكەرتكىشتىڭ اشىلۋ سالتاناتىنا قاتىسقان ارداگەر-سۋديالار گۇل شوقتارىن قويۋ راسىمىنەن كەيىن، وبلىستىق سوت بىلتىرعى جىلدىڭ قاراشا ايىندا قونىستانعان جاڭا عيماراتتى ارالاپ كوردى.

دانالىق پەن ادىلەتتىلىكتىڭ سيمۆولى بولۋعا قىزمەت ەتۋگە ءتيىس بۇل ەسكەرتكىش قاراعاندى وبلىسىنداعى جەكە تۇلعالارعا ارنالعان تۇڭعىش مۇسىندىك كومپوزيتسيا.

 

قاراعاندى وبلىسى

سوڭعى جاڭالىقتار

ءبىلىم – باستى قۇندىلىق

ايماقتار • كەشە

الىستان جەتكەن العىس

ايماقتار • 19 قىركۇيەك، 2020

تازالىق ءبىردىڭ ەمەس، مىڭنىڭ ءىسى

ايماقتار • 18 قىركۇيەك، 2020

قالا كۇنى ونلاين فورماتتا اتالىپ وتەدى

ايماقتار • 18 قىركۇيەك، 2020

بايتۇرسىنوۆ اتىنداعى بايقاۋ ءوتتى

قوعام • 18 قىركۇيەك، 2020

وبلىس اكىمى سىرداريا اۋدانىنا بولدى

ايماقتار • 18 قىركۇيەك، 2020

ءۇش ءتىلدىڭ ۇزدىكتەرى انىقتالدى

ايماقتار • 18 قىركۇيەك، 2020

حالىقارالىق سەمينار-كەڭەس ءوتتى

قازاقستان • 18 قىركۇيەك، 2020

ۇقساس جاڭالىقتار