ايماقتار • 22 مامىر، 2020

مۇمكىندىگى شەكتەۋلى جاندارعا قولايلى جاعداي جاساۋ ءاربىر مەكەمەنىڭ مىندەتى

15 رەت كورسەتىلدى

شىمكەنت قالاسىندا قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ ەرەكشە قاجەتتىلىگى بار ادامدارعا تەڭ مۇمكىندىكتەر جاساۋ تۋرالى تاپسىرماسىنىڭ ورىندالۋى بويىنشا قالا اكىمى مۇرات ايتەنوۆتىڭ قاتىسۋىمەن ونلاين ءماجىلىس ءوتتى.

 
مۇگەدەكتەرگە قولايلى ورتا قۇرۋ ماسەلەسى بويىنشا اتقارىلعان جۇمىستار جايىن بايانداعان قالالىق جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى قاسىمبەك سايلاۋوۆ وسى جىلى قالادا 37014 مۇگەدەك ازاماتتار ەسەپتە تىركەلگەنىن ايتىپ ءوتتى.
ونىڭ ايتۋىنشا، ەرەكشە قاجەتتىلىگى بار ادامدارعا تەڭ مۇمكىندىكتەر جاساۋ ماقساتىندا بۇگىنگى تاڭدا قالا بويىنشا 931 نىساندا مۇمكىندىگى شەكتەۋلى جانداردىڭ ءجۇرىپ-تۇرۋىنا بەيىمدەلگەن جانە ەسىكتەردىڭ اراقاشىقتىعى مەن دارەتحانانى سايكەستەندىرۋ جۇمىستارى جاسالعان. سونداي-اق، بەيىمدەۋگە جاتاتىن 55 نىساننىڭ 23-ءى بەيىمدەۋدەن وتسە، قالعان نىساندارداعى بەيىمدەۋ جۇمىستارى جىلدىڭ سوڭىنا دەيىن اياقتاۋ جوسپارلانۋدا.
«كولىكتىك ينفراقۇرىلىمدى دامىتۋ بويىشا قالا كوشەلەرىندە 246 دانا – «زاعيپ جاياۋ جۇرۋشىلەر» جول بەلگىلەرى، باعدارشام نىساندارىندا قوسىمشا 80 دانا – دىبىس قۇرالدارى ورناتىلعان. ال قالانىڭ 45 جەرىندە ارنايى تۇراقتار ۇيىمداستىرىلىپ، «مۇگەدەكتەر» جول بەلگىلەرى ورناتىلعان جانە جول تاڭبالارى سىزىلعان»،-دەدى باسقارما باسشىسى.
مۇمكىندىگى شەكتەۋلى جاندارعا كەدەرگىسىز ورتا قۇرۋ باعىتىندا بىرقاتار پروبلەمالىق ماسەلەلەردىڭ بار ەكەنىن ايتقان مەكەمە باسشىسى عيماراتتاردا مۇگەدەكتەرگە ارنالعان نىسانداردىڭ ستاندارتقا ساي جابدىقتالماي جاتقانىن نازارعا الدى.
بايانداماشىنى مۇحيات تىڭداعان مۇرات دۇيسەنبەك ۇلى مۇگەدەكتەرگە قولايلى جاعداي جاساي الماساق، ولاردىڭ كۇندەلىكتى ومىرىندە كەزدەسەتىن قيىندىقتاردىڭ شەشىمى تابىلمايتىنىن ايتتى. ولاردىڭ قوعامعا ارالاسىپ، قاجەتتى نىساندارعا ەمىن-ەركىن كىرىپ شىعۋىنا قولايلى جاعداي جاساۋ ءاربىر مەكەمە، ۇجىم باسشىلارىنىڭ باستى مىندەتى. سوندىقتان قولايلى ورتا جاساۋ جۇمىستارىنا بارشا مەكەمەلەر جۇمىلا كىرىسۋى قاجەت دەدى،-قالا اكىمى.
بۇدان بولەك، شاھار باسشىسى مۇگەدەكتەرگە جاسالعان قولايلى جاعدايدىڭ تالاپقا ساي جۇرگىزىلۋىن باقىلاۋ ماقساتىندا اۋديتپەن بىرگە رەيدكە شىعۋدى تاپسىردى. ونىڭ قورىتىندىسى بويىنشا بايانداپ، ناتيجەگە قول جەتكىزۋ ءۇشىن ارنايى جۇمىس جوسپارىن ازىرلەۋدى ايتتى.
 
 
شىمكەنت 
سوڭعى جاڭالىقتار

ۇقساس جاڭالىقتار