- ەل پرەزيدەنتىنىڭ تاپسىرماسىمەن بۇگىن الماتى وبلىسىنا جۇمىس ساپارىم بارىسىندا ق.توقاەۆتىڭ اتىنان وبلىستىق جانۋارلار مەن وسىمدىكتەر دۇنيەسى ينسپەكتسياسى ءبولىمىنىڭ باسشىسى لەونيد سيدورەنكوعا العىس حات تاپسىردىم. مەملەكەت باسشىسى ينسپەكتوردىڭ رەسپۋبليكامىزدىڭ تابيعي بايلىعىن ساقتاۋعا قوسقان ايرىقشا ۇلەسىن اتاپ ءوتتى. لەونيد پاۆلوۆيچ 30 جىلعا جۋىق ۋاقىتتان بەرى ينسپەكتسيادا تاباندى ەڭبەك ەتە ءجۇرىپ, براكونەرلىكپەن ىمىراسىز كۇرەس جۇرگىزىپ كەلەدى. قىلمىستىق ىستەردى اشۋعا دا قاتىسۋدا, - دەپ جازدى م.مىرزاعاليەۆ ءوزىنىڭ Twitter-دەگى پاراقشاسىندا.
ەكولوگيا مينيسترلىگىنىڭ باسشىسى ينسپەكتورعا قازاقستاندىقتاردىڭ باي تابيعاتىمىزدىڭ كورىكتى كەلبەتىن تاماشالاۋىنا مۇمكىندىك تۋعىزىپ جۇرگەن ايرىقشا ەڭبەگى ءۇشىن ريزاشىلىق ءبىلدىردى.
