قازاقستان • 22 مامىر، 2020

ەل تاۋەلسىزدىگىن العاننان باستاپ 154،4 ملن شارشى مەتر تۇرعىن ءۇي سالىندى

5 رەت كورسەتىلدى

1،4 ميلليوننان استام ازاماتتىڭ تۇرعىن ءۇي جاعدايى جاقسارتىلدى.بۇل تۋرالى يدم ءباسپاسوز قىزمەتى حابارلادى.

تۇرعىن ءۇي باعدارلاماسى شەڭبەرىندە تۇرعىن ءۇيدى پايدالانۋعا بەرۋ تاريحى تۋرالى تولىعىراق ايتا كەتسەك. 2004 جىلدان باستاپ ورتا كلاسس پەن حالىقتىڭ الەۋمەتتىك قورعالاتىن جىكتەرى ءۇشىن تۇرعىن ءۇي سالۋدى ىنتالاندىرۋ جونىندە شارالار قابىلداۋعا باعىتتالعان 2005-2007 جىلدارعا ارنالعان تۇرعىن ءۇي قۇرىلىسىنىڭ ءبىرىنشى باعدارلاماسى ازىرلەندى. ياعني، بۇل كوممۋنالدىق تۇرعىن ءۇي جانە قولجەتىمدى تۇرعىن ءۇي قۇرىلىسى بالالارى بار جاس وتباسىلار، مەملەكەتتىك ورگاندار مەن مەكەمەلەردىڭ قىزمەتكەرلەرى، مەملەكەتتىك كاسىپورىندار، الەۋمەتتىك سالا قىزمەتكەرلەرىنە ارنالدى. 2005-2007 جىلدارى قارجىلاندىرۋدىڭ بارلىق كوزدەرى بويىنشا تۇرعىن ءۇي قۇرىلىسىنا 1113 ملرد تەڭگە ينۆەستيتسيا باعىتتالدى. جوسپار بويىنشا 15،8 ملن شارشى مەتر سالىنۋى كەرەك بولسا، ءىس جۇزىندە 17،9 ملن شارشى مەتر تۇرعىن ۇي پايدالانۋعا بەرىلدى.

وسى باعدارلاما اياقتالعاننان كەيىن تۇرعىن ءۇي قۇرىلىسى ساياساتى 2008-2010 جىلدارعا ارنالعان تۇرعىن ءۇي قۇرىلىسىنىڭ باعدارلاماسى شەڭبەرىندە جالعاستىرىلدى. وندا باسىم ساناتقا جاتقىزىلعان از قامتىلعان ازاماتتاردى تۇرعىن ۇيمەن قامتاماسىز ەتۋ، سونداي-اق الدىن الا قارىزدى پايدالانا وتىرىپ، تۇرعىن ءۇي قۇرىلىس جيناق جۇيەسى ارقىلى ازاماتتاردىڭ باسىم ساناتتارىن كرەديتتەۋ جونىندەگى شارالار جالعاستىرىلدى. اتالعان كەزەڭ قورىتىندىسى بويىنشا 19،7 ملن شارشى مەتر تۇرعىن ءۇي پايدالانۋعا بەرىلدى.

تۇرعىن ءۇي قۇرىلىسىنىڭ كولەمىن ساقتاۋ، جەكە ينۆەستيتسيالاردى تارتۋدى ىنتالاندىرۋ، تۇرعىن ءۇي قۇرىلىس جۇيەسىنىڭ الەۋەتىن نەعۇرلىم كەڭىنەن پايدالانۋ ءۇشىن، سونداي-اق باسقا دا مىندەتتەردى شەشۋ ءۇشىن 2011 جىلعى 31 ناۋرىزدا تۇرعىن ءۇي قۇرىلىسىنىڭ 2011-2014 جىلدارعا ارنالعان باعدارلاماسى بەكىتىلدى. مۇندا قازاقستاننىڭ تۇرعىن ءۇي قۇرىلىس جيناق بانكى ارقىلى ساتا وتىرىپ، جەرگىلىكتى اتقارۋشى ورگانداردىڭ نەسيەلىك تۇرعىن ءۇي قۇرىلىسىنىڭ جاڭا سحەماسى، جتق دامىتۋ، ەكىنشى دەڭگەيدەگى بانكتەردى قورلاندىرۋ ارقىلى كوممەرتسيالىق تۇرعىن ءۇيدى قولداۋ، «قتقجب» اق سالۋ جانە تۇرعىن ۇيگە قولجەتىمدىلىكتى ارتتىرۋدىڭ باسقا دا باعىتتارى قاراستىرىلعان. وسىلايشا، تەك 2011 جىلى 6،5 ملن شارشى مەتر تۇرعىن ءۇي سالىندى.

2012 جىلى 7 مىندەتتى شەشۋگە باعىتتالعان «قولجەتىمدى تۇرعىن ءۇي – 2020» ۇزاق مەرزىمدى باعدارلامالىق قۇجاتى ازىرلەنىپ، تولىققاندى تەڭگەرىمدى تۇرعىن ءۇي نارىعىن قۇرۋ; جەكە ينۆەستيتسيالاردى تارتۋ جانە مەملەكەتتىك جەكەمەنشىك ارىپتەستىكتى ىنتالاندىرۋ; تۇرعىن ءۇي قۇرىلىسى سالىناتىن اۋدانداردى يكك دامىتۋ; جتق دامىتۋ; اپاتتىق تۇرعىن ۇيلەردى بۇزۋ ماسەلەسىن شەشۋ; ازاماتتاردىڭ كوممەرتسيالىق ەمەس بىرلەستىكتەرىنىڭ، ونىڭ ىشىندە تقك، سونداي-اق جەكە قۇرىلىس سالۋشىلاردىڭ تۇرعىن ءۇي قۇرىلىسىن قولداۋى; قۇرىلىس يندۋسترياسىن دامىتۋ كوزدەلدى. ماسەلەن، 2012-2014 جىلدارى جوسپاردا 19،5 ملن شارشى مەتر بولسا، ءىس جۇزىندە 21 ملن شارشى مەتر تۇرعىن ءۇي پايدالانۋعا بەرىلدى.

سودان كەيىن، پرەزيدەنتتىڭ 2012 جىلعى 14 جەلتوقسانداعى «قازاقستان – 2050» ستراتەگياسى: قالىپتاسقان مەملەكەتتىڭ جاڭا ساياسي باعىتى» اتتى جولداۋى شەڭبەرىندە ەلدىڭ ۇتىمدى اۋماقتىق ۇيىمىن قالىپتاستىرۋ ارقىلى وڭىرلەردىڭ الەۋمەتتىك-ەكونوميكالىق الەۋەتىن دامىتۋ ءۇشىن جاعداي جاساۋعا، ەكونوميكالىق ءوسۋ ورتالىقتارىندا حالىق پەن كاپيتالدى شوعىرلاندىرۋدى ىنتالاندىرۋعا باعىتتالعان «وڭىرلەردى دامىتۋدىڭ 2020 جىلعا دەيىنگى باعدارلاماسى» بەكىتىلدى. 2013-2015 جىلدارى ينۆەستيتسيا كولەمى 497،8 ملرد تەڭگەدەن 740 ملرد تەڭگەگە دەيىن ءوستى، بۇل تۇرعىن ءۇي قورىن 340،6 ملن شارشى مەترگە دەيىن ۇلعايتا وتىرىپ، 24 ملن شارشى مەتر جاڭا تۇرعىن ءۇيدى (200 مىڭ شارشى مەتردەن استام) ىسكە قوسۋدى قامتاماسىز ەتتى.

داعدارىسقا قارسى مىندەتتەردى ىسكە اسىرۋ ماقساتىندا 2015-2019 جىلدارعا ارنالعان «نۇرلى جول» ينفراقۇرىلىمدىق دامۋ مەملەكەتتىك باعدارلاماسى ازىرلەنىپ، بەكىتىلدى. وندا ۇلتتىق قور قاراجاتىنان تۇرعىن ءۇيدىڭ قولجەتىمدىلىگىن ارتتىرۋ جونىندەگى مىندەتتەر شەڭبەرىندە تۇرعىن ءۇي جانە ينفراقۇرىلىم قۇرىلىسىن قارجىلاندىرۋ كوزدەلگەن. 2015-2016 جىلدارى 19،4 ملن شارشى مەتر تۇرعىن ءۇي پايدالانۋعا بەرىلدى.

مەملەكەت باسشىسىنىڭ تاپسىرماسى بويىنشا تۇرعىن ءۇي قۇرىلىسى سالاسىنداعى بارلىق رەسۋرستاردى ءبىر باعدارلاما شەڭبەرىندە شوعىرلاندىرۋ ماقساتىندا 2017-2019 جىلدارعا ارنالعان «نۇرلى جەر» ينفراقۇرىلىمدىق دامۋ مەملەكەتتىك باعدارلاماسى ىسكە اسىرىلدى. 2017-2018 جىلدارى 36،8 ملن.شارشى مەتر جاڭا تۇرعىن ءۇي سالىندى. شامامەن 333 مىڭ ازاماتتىڭ تۇرعىن ءۇي جاعدايى جاقسارتىلدى.

سوڭعى جاڭالىقتار

ۇقساس جاڭالىقتار