الەۋمەتتىك قوردان بۇگىنگى تاڭدا ءتيىستى قاراجات بولىنگەن. وسى اپتانىڭ سوڭىندا قۇرىلىس جۇمىستارى باستالاتىن بولادى. قۇرىلىس كومپانيالارىنا ۇيلەردى ءبىر جارىم ايدا اياقتاۋدى تاپسىردىق. بۇدان بولەك, سۋ باسقان 32 ءۇيدىڭ زاقىمدانعانى تۋرالى كوميسسيا شەشىم شىعاراتىن بولسا, الەۋمەتتىك قوردان قالپىنا كەلتىرۋ جۇمىستارىنا ءتيىستى قاراجات ءبولۋدى قاراستىراتىن بولامىز», - دەدى ب.مامىتاليەۆ.
سونداي-اق, قالا اكىمىنىڭ ورىنباسارى سۋ باسىپ وتكەن اۋلالار مەن كوشەلەردى تازارتۋ جۇمىستارىنىڭ بارىسىن تەكسەردى. ەڭبەكشى اۋدانىنىڭ ەلتاي تۇرعىن الابىندا قازىرگى تاڭدا سۋ تولىعىمەن توقتاپ, اۆاريالىق-قالپىنا كەلتىرۋ جۇمىستارى قارقىندى جۇرگىزىلىپ جاتىر. بۇل جۇمىستارعا شىمكەنت قالاسى تج دەپارتامەنتىنىڭ جەكە قۇرامىندا 48 قىزمەتكەر, 3 تەحنيكا مەن 1 موتوپومپا جۇمىلدىرىلعان.
ء«ۇيىمىزدى ارنايى الەۋمەتتىك قوردان سالىپ بەرەتىنىن ەستىپ, قۋانىپ قالدىق. جەرگىلىكتى بيلىك قولدان كەلگەنشە كومەك بەرىپ جاتىر. توتەنشەلىكتەر مەن اسكەر قىزمەتكەرلەرى دە تاۋلىك بويى جۇمىس اتقارىپ اۋلالار مەن كوشەلەردى تازارتۋدا»,- دەگەن اۋىل تۇرعىندارى قالپىنا كەلتىرۋ جۇمىستارىنا اتسالىسىپ جۇرگەن بارشا ازاماتتارعا العىستارىن جەتكىزدى.
ءورت ءسوندىرۋ بولىمدەرىنىڭ جەكە قۇرامى سۋ باسقان اۋلا اۋماقتاردان, كوشەلەردەن باتپاق لاي مەن تاستاردى شىعارىپ, ارىقتاردى جينالعان قوقىستاردان تازارتۋدا. سونداي-اق ولار بۇگىنگە دەيىن ۇزىندىعى 30 مەتر بولاتىن ەكى كوشە مەن 48 ءۇيدىڭ اۋلاسىن لايدان تازارتتى.
شىمكەنت
