ايماقتار • 22 مامىر، 2020

شىمكەنتتە 7 مىڭعا جۋىق تۇلەك ۇبت تاپسىرۋعا ونلاين ءوتىنىش بىلدىرگەن

17 رەت كورسەتىلدى

بۇگىن شىمكەنت قالاسىنىڭ اكىمى م.ايتەنوۆتىڭ توراعالىعىمەن ۇلتتىق بىرىڭعاي تەستىلەۋگە دايىندىق بارىسى بويىنشا ونلاين رەجيمدە جيىن ءوتتى. بۇل تۋرالى شىمكەنت قالاسى اكىمىنىڭ ءباسپاسوز قىزمەتى حابارلادى. 
 

ۇبت تاپسىرۋ كەزىندە مەكتەپ تۇلەكتەرىنىڭ دەنساۋلىعى باستى نازاردا ەكەنىن ايتقان قالا باسشىسى تەستىلەۋ وتكىزۋ كەزىندە سانيتارلىق تالاپتار مەن سانيتارلىق-ەپيدەميولوگيالىق شارالاردى كۇشەيتۋگە ايرىقشا نازار اۋدارۋدى تاپسىردى. 
 
جيىندا ۇلتتىق بىرىڭعاي تەستىلەۋدىڭ دايىندىق بارىسى تۋرالى بايانداعان ءبىلىم باسقارماسىنىڭ باسشىسى ج.تاجيەۆا بيىلعى 2019-2020 وقۋ جىلىندا ءبىتىرۋشى 8 885 تۇلەكتىڭ 6 799-ى ۇبت تاپسىرۋعا ءوتىنىش بىلدىرگەنىن ءمالىم ەتتى.
 
«ەلىمىزدەگى توتەنشە جاعدايعا بايلانىستى ۇبت-عا وتىنىشتەردى قابىلداۋدىڭ فورماتىنا وزگەرىستەر ەنگىزىلدى. ياعني، وقۋشىلارىمىز اعىمداعى جىلدىڭ ءساۋىر ايىنىڭ 15-نەن باستاپ مامىر ايىنىڭ 10-ى كۇنى ارالىعىندا ۇبت-عا وتىنىشىتەرىن ونلاين تىركەدى. ال، تەستىلەۋ قالاداعى ءتورت جوعارى وقۋ ورىندارى جانىنان قۇرىلعان ۇلتتىق بىرىڭعاي تەستىلەۋ ورتالىقتارىندا وتكىزىلەدى»،-دەدى باسقارما باسشىسى.
 
ايتا كەتەيىك، بيىلعى جىلى ۇبت تاپسىرۋ فورماتى وزگەرىسسىز قالا بەرەدى. ياعني، ۇلتتىق بىرىڭعاي تەستىلەۋ بۇرىنعىشا 2 بلوكتان تۇرادى. 
 
ءبىرىنشى بلوكتا 3 مىندەتتى ءپان، ارقايسىسى 20 تاپسىرمادان. اتاپ ايتقاندا: ماتەماتيكالىق ساۋاتتىلىق، وقۋ ساۋاتتىلىعى جانە قازاقستان تاريحى . ال ەكىنشى بلوكتا 30 تاپسىرمادان بولاتىن 2 بەيىندى ءپان بولىپ تابىلادى. تەستىلەۋ ۋاقىتى - 3 ساعات 50 مينۋت، ماكسيمالدى بالل – 140.
 
جيىندى قورىتىندىلاعان مۇرات دۇيسەنبەك ۇلى تەستىلەۋ كەزىندە بالالاردىڭ قاۋىپسىزدىگى ءۇشىن ارقايسىسىنىڭ ساقتىق شارالارىن ۇستانۋىن قاداعالاۋدى ايتىپ، بىرقاتار سالا جەتەكشىلەرىنە ۇبت-عا دايىندىقتى كۇشەيتۋ بويىنشا ناقتى تاپسىرمالار جۇكتەدى.
 
 
 
سوڭعى جاڭالىقتار

ءبىلىم – باستى قۇندىلىق

ايماقتار • بۇگىن، 17:10

كوكپەكتىدە ساياباق اشىلدى

ايماقتار • بۇگىن، 15:48

ماڭعىستاۋدا دەلتاپلان قۇلادى

ايماقتار • بۇگىن، 11:24

ەلىمىزدە تاعى 55 ادام ىندەتتەن ايىقتى

كوروناۆيرۋس • بۇگىن، 09:00

الىستان جەتكەن العىس

ايماقتار • كەشە

تازالىق ءبىردىڭ ەمەس، مىڭنىڭ ءىسى

ايماقتار • 18 قىركۇيەك، 2020

قالا كۇنى ونلاين فورماتتا اتالىپ وتەدى

ايماقتار • 18 قىركۇيەك، 2020

بايتۇرسىنوۆ اتىنداعى بايقاۋ ءوتتى

قوعام • 18 قىركۇيەك، 2020

وبلىس اكىمى سىرداريا اۋدانىنا بولدى

ايماقتار • 18 قىركۇيەك، 2020

ءۇش ءتىلدىڭ ۇزدىكتەرى انىقتالدى

ايماقتار • 18 قىركۇيەك، 2020

حالىقارالىق سەمينار-كەڭەس ءوتتى

قازاقستان • 18 قىركۇيەك، 2020

ۇقساس جاڭالىقتار