ايماقتار • 22 مامىر، 2020

جامبىل وبلىسىندا قانت قىزىلشاسىن ەككەندەردىڭ قارىزى وتەلۋدە

23 رەتكورسەتىلدى

قانت قىزىلشاسىن ەگەتىن شارۋالار مەن «مەركى قانت زاۋىتى» كاسىپورنىنىڭ اراسىنداعى قاراجات ماسەلەسىنە بايلانىستى داۋ ءالى شەشىلمەي كەلەدى.

اتالعان ماسەلەگە وراي، جامبىل وبلىسىنىڭ اكىمى بەردىبەك ساپارباەۆ وڭىردەگى قانت قىزىلشاسىن وسىرۋمەن اينالىساتىن شارۋا قوجالىق تاعى دا باسشىلارىمەن كەزدەستى. كەزدەسۋ بارىسىندا «مەركى قانت زاۋىتى» جشس-ءنىڭ اۋىلشارۋاشىلىق تاۋار وندىرۋشىلەرى الدىنداعى بەرەشەگىن وتەۋ، سونداي-اق،  قانت ءوندىرۋ سالاسىن ودان ءارى دامىتۋ جانە قولداۋ ماسەلەلەرى ءوزارا تالقىلاندى.

ء«بىز «مەركى قانت زاۋىتىنىڭ» باسشىلىعىمەن كەلىسسوزدەر جۇرگىزىپ جاتىرمىز. بۇل ماسەلەنى شەشۋ ءۇشىن بيۋدجەتتەن 180 ميلليون تەڭگە ءبولىندى. ءبىزدىڭ العاشقى كەزدەسۋىمىزدە قانت زاۋىتىنىڭ قارىزى 1 ميلليارد تەڭگەدەن اساتىندىعى ايتىلعان.  بۇگىنگە دەيىن سىزدەرگە 640 ميلليون تەڭگەدەن استام قارجى تولەنسە، زاۋىت باسشىلىعى كەلەسى اپتادا تاعى 135 ميلليون تەڭگەنى وتەيتىندىگىنە سەندىرىپ وتىر. بۇل ماسەلە ءبىزدىڭ باقىلاۋىمىزدا بولادى»، دەدى بەردىبەك ساپارباەۆ. سونىمەن قاتار، ول فەرمەرلەردى بىرىگۋگە شاقىرىپ، قىزىلشا وسىرۋشىلەر قاۋىمداستىعىن قۇرۋدى ۇسىندى. ء«بىز سىزدەردى ارقاشان قولداپ كەلدىك، الداعى ۋاقىتتا دا قولدايتىن بولامىز. ءوز كەزەكتەرىڭىزدە سىزدەردىڭ دە بىرىگىپ، قاۋىمداستىق قۇرىپ، ەگىس القابىن كوبەيتۋلەرىڭىز ماڭىزدى. وبلىس اۋداندارىنان بىرنەشە قانت شىعاراتىن شاعىن زاۋىتتاردىڭ قۇرىلىسىن سالۋدى قاراستىرۋ قاجەت. بۇل ىستە سىزدەرگە «تاراز» الەۋمەتتىك-كاسىپكەرلىك كورپوراتسياسى قول ۇشىن بەرەدى. ءبىزدىڭ مىندەتىمىز – بۇكىل قازاقستاندى قانتپەن قامتاماسىز ەتىپ قانا قويماي، سونىمەن قاتار ەكسپورتقا ءونىم شىعارۋ»، - دەدى بەردىبەك ساپارباەۆ.

 

جامبىل وبلىسى

 

سوڭعى جاڭالىقتار

ۇقساس جاڭالىقتار