نۇرلان باقتىباي ۇلى 1976 جىلى 26 مامىردا اتىراۋ قالاسىندا دۇنيەگە كەلگەن. بىرنەشە جوعارى ءبىلىمى بار. اتىراۋ مەملەكەتتىك مۇناي جانە گاز ينستيتۋتىن تاۋ-كەن گەولوگيا ينجەنەرى, قازاقستاندىق ەكونوميكا جانە قۇقىق ينستيتۋتىن زاڭگەر, ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىن ەكونوميست-مەنەدجەر ماماندىقتارى بويىنشا بىتىرگەن.
ەڭبەك جولىن 1995 جىلى اتىراۋ قالاسىندا «ەكسپرەسس-يۋگ» جشس ديرەكتورىنىڭ ورىنباسارى قىزمەتىنەن باستاعان. 1998-2000 جىلدارى «دەنساۋلىق» جانە «يسلام» جاۋاپكەرشىلىگى شەكتەۋلى سەرىكتەستىكتەرىنىڭ ديرەكتورى بولعان.
ال, 2000-2006 جىلدارى اتىراۋ قالالىق تۇرعىن ءۇي-كوممۋنالدىق شارۋاشلىعى, جولاۋشىلار كولىگى جانە اۆتوكولىك جولدارى ءبولىمىنىڭ باستىعى, 2006-2008 جىلدارى قازاقستان رەسپۋبليكاسى يندۋستريا جانە ساۋدا مينيسترلىگى باسەكەلەستىكتى قورعاۋ كوميتەتىنىڭ اتىراۋ وبلىسى بويىنشا مونوپولياعا قارسى باسقارماسىنىڭ باسشىسى, 2008-2012 جىلدارى قازاقستان رەسپۋبليكاسى باسەكەلەستىكتى قورعاۋ اگەنتتىگىنىڭ (مونوپولياعا قارسى اگەنتتىك) اتىراۋ جانە ماڭعىستاۋ وبلىستارى بويىنشا وڭىرارالىق ينسپەكتسياسىنىڭ باسشىسى, 2012-2014 جىلدارى قازاقستان رەسپۋبليكاسى باسەكەلەستىكتى قورعاۋ اگەنتتىگىنىڭ (مونوپولياعا قارسى اگەنتتىك) اتىراۋ وبلىسى بويىنشا مونوپولياعا قارسى ينسپەكتسياسىنىڭ باسشىسى قىزمەتىن اتقاردى.
2014-2015 جىلدارى قازاقستان رەسپۋبليكاسى ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتىنىڭ ستراتەگيالىق تالداۋ باسقارماسىنىڭ باس ساراپشىسى, 2015-2017 جىلدارى قازاقستان رەسپۋبليكاسى ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتى اتىراۋ وبلىسى بويىنشا دەپارتامەنتىنىڭ باسشىسى, 2017-2018 جىلدارى قازاقستان رەسپۋبليكاسى ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ, باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتى اتىراۋ وبلىسى بويىنشا دەپارتامەنتىنىڭ باسشىسى, 2018-2019 جىلدارى اتىراۋ قالاسى اكىمىنىڭ ورىنباسارى, اتىراۋ وبلىسى اكىمىنىڭ ورىنباسارى بولدى.
سونداي-اق, 2008-2012 جىلدارى اتىراۋ وبلىستىق اۋماقتىق سايلاۋ كوميسسياسىنىڭ توراعاسى قىزمەتىن قوعامدىق نەگىزدە اتقارعان. سوڭعى جۇمىس ورنى –قازاقستان رەسپۋبليكاسى ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ كوميتەتى اتىراۋ وبلىسى بويىنشا دەپارتامەنتىنىڭ باسشىسى.
بۇعان دەيىن اتىراۋ وبلىسى اكىمىنىڭ ءبىرىنشى ورىنباسارى بولعان سەرىك جامبىل ۇلى شاپكەنوۆ باسقا قىزمەتكە اۋىسۋىنا بايلانىستى ءوز وتىنىشىمەن قىزمەتىنەن بوساتىلدى.
اتىراۋ وبلىسى
