سۋدا شومىلۋعا رۇقسات ەتىلگەن ورىندار:
1) سايران وزەنىنىڭ باتىس بولىگى تولە بي كوشەسىنەن وڭتۇستىك باعىتقا قاراي پيرسقا دەيىن 300 مەتر;
2) سايران وزەنىنىڭ شىعىس بولىگى تولە بي كوشەسىنەن وڭتۇستىك باعىتقا قاراي;
3) ۇاك بويىنداعى د.قوناەۆ اتىنداعى جاعاجاي ايماعى- «باۋم» توعايى;
4) ۇاك بويىنداعى د. قوناەۆ اتىنداعى جاعاجاي ايماعى- «گۇلدەر» دەمالىس ورنى.
قالعان سۋ قويمالارى مەن تاۋ وزەندەرى (ەسەنتاي, كىشى جانە ۇلكەن الماتى) قاۋىپسىز بولىپ سانالعانمەن شومىلۋعا تىيىم سالىنعپن. بۇل جەرلەردە شومىلۋعا تىيىم سالىنعان ارنايى بەلگىلەر ورناتىلعان! الماتى قالاسىنىڭ پد, الماتى قالاسىنىڭ تجد قىزمەتكەرلەرى سۋداعى (ادامداردىڭ سۋعا باتۋى) وقىس وقيعالاردى ازايتۋ, بولدىرماۋ جانە الدىن الۋ ماقساتىندا ادامدار كوپ دەمالاتىن ورىندارعا كۇندەلىكتى رەيدتىك شارالار وتكىزەدى, ال سۋداعى دەمالىس ايماقتارىن كۇندەلىكتى پاترۋلدەۋدى قازاقستان رەسپۋبليكاسى ۇلتتىق ۇلانىنىڭ اسكەري قىزمەتشىلەرى جۇرگىزەتىن بولادى.
بيىل مامىر ايىندا دەپارتامەنت رجقج مەن بىرلەسىپ 60-تان استام وسىنداي رەيدتەر جۇرگىزىلدى, «سۋداعى قاۋىپسىزدىك شارالارىن ساقتاۋ» تاقىرىبىندا 1 مىڭعا جۋىق ەسكەرتپەلەر تاراتىلدى.
2019 جىلعى سۋعا باتۋ وقيعالارىنىڭ الدىن الۋ ءۇشىن 287 رەيد جۇرگىزىلىپ, 7 مىڭنان استام جادىنامانى تاراتۋمەن دەمالۋشىلار اراسىندا ءتۇسىندىرۋ جۇمىستارى جۇرگىزىلدى; ادامدار تۇرمايتىن جەرلەردە سۋعا شومىلعانى ءۇشىن 21 ادام. سۋعا تۇسۋگە رۇقسات ەتىلمەگەن ورىندارعا شومىلعان 21 ادام الماتى قالاسى پد جپقب قىزمەتكەرلەرىمەن اكىمشىلىك جاۋاپكەرشىلىككە تارتىلدى.
2019 جىلى الماتى قالاسىنىڭ سۋ قويمالارىندا 8 ادام قايتىس بولدى (3 جازاتايىم وقيعا, 1 سۋيتسيد, 1 قىلمىستىق سيپاتتاعى جاعداي, رۇقسات ەتىلمەگەن ورىندارعا شومىلۋ 1 وقيعا, بالانى ەرەسەكتەردىڭ قاراۋىنسىز قالدىرۋ وقيعاسى-1, 1 وقيعا ماس كۇيىندە شومىلۋ). سونىمەن بىرگە قۇتقارۋشىلار سۋداعى اپات كەزىندە 65 ادامدى قۇتقاردى, ولاردىڭ 36-سى بالالار.
شومىلۋ ماۋسىمىنىڭ قارساڭىندا دەپارتامەنت قىزمەتكەرلەرى بۇقارالىق اقپارات قۇرالدارى ارقىلى كەڭ كولەمدى ۇگىت-ناسيحات جۇمىستارىن جۇرگىزۋدى جانە قىزىل جارتى اي ۇيىمى مەن ەرىكتىلەر ليگاسىنىڭ قاتىسۋىمەن فلەش-موب وتكىزۋدى جوسپارلاپ وتىر, ويتكەنى سۋ وبەكتىلەرىندە مىنەز-ق ۇلىق ەرەجەلەرى تۋرالى ءبىلىمدى تاراتۋ اسىرەسە جاس ۇرپاق اراسىندا وزەكتى بولىپ تابىلادى. سوندىقتان نەمقۇرايلىلىق نەمەسە بىلمەستىك ارقىلى جاسالعان قاتەلىك اۋىر زارداپتارعا اكەلۋى مۇمكىن.
سونداي-اق, اتا-انالارعا بالالارعا سۋدا سۋداعى قاۋىپسىز ءجۇرىس-تۇرىس ەرەجەلەرى تۋرالى, بەلگىلەنگەن جەرلەردە شومىلۋ تۋرالى, سۋدا قۇتقارۋدىڭ نەگىزگى ادىستەرى مەن تاسىلدەرىن ءتۇسىندىرۋدى سۇرايمىز. وسىنداي پروفيلاكتيكالىق جۇمىستاردىڭ ارقاسىندا بالالار سۋدا دۇرىس ءجۇزۋ مادەنيەتىن قالىپتاستىرۋ داعدىلارىن دامىتادى.
وسىعان بايلانىستى, تج دەپارتامەنتى تۇرعىندار مەن قوناقتارعا قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە سايكەس, ارنايى بەلگىلەنبەگەن جەرلەردە شومىلعانى ءۇشىن اكىمشىلىك جاۋاپكەرشىلىككە تارتىلاتىنىن ەسكەرتەدى.
