ايماقتار • 22 مامىر، 2020

الماتىلىق جاس عالىمدار اراسىندا بايقاۋ ءوتتى

124 رەت كورسەتىلدى

قازاق ۇلتتىق قىزدار پەداگوگيكالىق ۋنيۆەرسيتەتىنىڭ ۇزدىك جاس عالىمدارى انىقتالدى. بۇل تۋرالى قىزپۋ-دىڭ قوعاممەن بايلانىس ءبولىمى حابارلادى.

العاش رەت ۇيىمداستىرىلعان بايقاۋدا ىزدەنۋشىلەردىڭ عىلىمي ەڭبەكتەرى مەن ماقالالارى، عىلىمي كونفەرەنتسيالارعا قاتىسۋى، يننوۆاتسيالىق پاتەنتتەرى، ولاردىڭ قاتىسۋىمەن ورىندالعان جوبالار، ستۋدەنتتەردىڭ عىلىمي جۇمىسىنا جەتەكشىلىك ەتۋى جانە قوعامدىق ىستەرى سارالاندى.

«عىلىم اپتالىعى» اياسىندا ۇيىمداستىرىلعان سايىستا ءبىرىنشى ورىنعا  ينفورماتيكا جانە قولدانبالى ماتەماتيكا كافەدراسىنىڭ اعا وقىتۋشىسى جۇلدىز بازاەۆا، ەكىنشى ورىنعا گەوگرافيا جانە تۋريزم كافەدراسىنىڭ مەڭگەرۋشىسى شاحيسلام لايسحانوۆ جانە ءۇشىنشى ورىنعا ۋنيۆەرسيتەت عىلىمي كەڭەسىنىڭ باس عالىم حاتشىسى جانار تۇرسىنوۆا مەن قازاق ادەبيەتى كافەدراسىنىڭ قاۋىمداستىرىلعان پروفەسسورى مىندەتىن اتقارۋشى نارگيزا بالتاباەۆايە بولدى.

سونىمەن قاتار بايقاۋدا فيزيكا كافەدراسىنىڭ اعا وقىتۋشىسى لاۋرا بايقاداموۆا، كەشەندى حيميا-بيولوگيالىق عىلىمي-زەرتتەۋ ورتالىعىنىڭ عىلىمي قىزمەتكەرى اقبوتا قۋاندىقوۆا، فيزيكا كافەدراسىنىڭ وقىتۋشىسى ارداق وتەباەۆا، جالپى پەداگوگيكا كافەدراسىنىڭ اعا وقىتۋشىسى دينارا سادىربەكوۆا، بيولوگيا كافەدراسىنىڭ اعا وقىتۋشىسى داريعا باتاەۆا جانە  حيميا كافەدراسىنىڭ وقىتۋشىسىنۇرگۇل امانگەلدى العاشقى ۇزدىك توعىزدىقتىڭ ساپىنا ەندى.

– الماتى قالاسى – قازاقستاننىڭ نەگىزگى عىلىمي ورتالىعى. شاھارداعى عىلىمي-زەرتتەۋ سالاسىنداعى قىزمەتكەرلەر سانى 8،8 مىڭ ادامدى قۇرايدى. بۇل –ەلىمىزدىڭ بارلىق عالىمدارىنىڭ 40 پايىزى. عىلىمي زەرتتەۋلەر مەن ازىرلەمەلەردىڭ 36،8 پايىزى اتالعان قالاعا تيەسىلى. مەگاپوليستەگى زەرتتەۋلەردى جۇزەگە اسىراتىن ۇيىمدار سانى 131-ءدى قۇرايدى. سولاردىڭ ءبىرى – قازاق ۇلتتىق قىزدار پەداگوگيكالىق ۋنيۆەرسيتەتى. بۇگىندە وقۋ ورنىندا ءبىلىم الۋشىلار مەن جاس عالىمداردىڭ عىلىمي-زەرتتەۋشىلىك پەن وقۋ-تانىمدىق ءىس-ارەكەتىن ىنتالاندىرۋ بويىنشا بىرقاتار جۇمىستار قولعا الىنىپ، جۇيەلى جۇرگىزىلىپ جاتىر. سونىڭ ءبىرى – تۇڭعىش رەت ۇيىمداستىرىلعان وسى بايقاۋ، – دەپ اتاپ ءوتتى قىزدار ۋنيۆەرسيتەتىنىڭ رەسمي وكىلى جاندار اسان.

 

 

 

الماتى

سوڭعى جاڭالىقتار

اراق اۋرۋدان ايىقتىرمايدى

كوروناۆيرۋس • 10 شىلدە، 2020

پنەۆمونياعا باسقا اتاۋ بەرىلۋى مۇمكىن

كوروناۆيرۋس • 10 شىلدە، 2020

كوروناۆيرۋس ىندەتى 3 كەزەڭنەن تۇرادى

كوروناۆيرۋس • 10 شىلدە، 2020

ۇقساس جاڭالىقتار