«ايالا» قورى ءوز كۇشىن 2 قالاعا – نۇر-سۇلتان جانە الماتى قالالارىنا جۇمىلدىردى. ويتكەنى مۇندا COVID-19 جۇقتىرعاندار سانى نەعۇرلىم كوپ جانە جاڭا ۆيرۋستان ءولىم كورسەتكىشى قازاقستاندا ەڭ جوعارى بولىپ وتىر.
قور الدىمەن مەديتسينالىق جوبالارعا باسىمدىق بەردى. سوندىقتان كوروناۆيرۋستىق ينفەكتسيامەن كۇرەسكە كومەك كوبىنەسە اۋرۋحانالار مەن مەديتسينا پەرسونالىنا باعىتتالدى. وسىنىڭ ناتيجەسىندە الماتىنىڭ 200-دەن استام دارىگەرلەرى ازىق-ت ۇلىك تۇرىندە جانە باسقا دا كومەك الدى. الماتىداعى ەرەسەكتەر مەن بالالاردىڭ جۇقپالى اۋرۋ اۋرۋحانالارى جاڭا مەديتسينالىق جابدىقتارعا قول جەتكىزدى. بالالاردىڭ قالالىق كلينيكالىق جۇقپالى اۋرۋلار اۋرۋحاناسى «شەۆرون» كومپانياسىنىڭ دەمەۋشىلىك قولداۋىمەن جاپونيادا جاسالعان 2 جاڭا ءوجد اپپاراتىن جانە ايدان تولەۋتايقىزى سۇلەيمەنوۆانىڭ جەكە قاراجاتىنا ساتىپ الىنعان 10 جاڭا كوپاتقارىمدىق 4 سەكتسيالى رەانيماتسيا كەرەۋەتتەرىن الدى. قالالىق كلينيكالىق جۇقپالى اۋرۋلار اۋرۋحاناسى قور پرەزيدەنتىنەن بەس جاڭا 4 سەكتسيالى رەانيماتسيا كەرەۋەتتەرىن الدى.
قازاقستاننىڭ بۇكىل وقۋ ورىندارى قاشىقتان وقىتۋعا كوشكەن شاقتا «ايالا» قورى ءوز قامقورلىعىنداعى مەكتەپ-ينتەرناتتارى, بالالار ۇيلەرى جانە پسيحولوگيالىق-پەداگوگيكالىق تۇزەتۋ كابينەتتەرىمەن جەدەل بايلانىسقا شىقتى. بۇل مەكەمەلەردىڭ باسشىلارىنان قور قىزمەتكەرلەرى كۇنكورىسى تومەن وتباسىلاردىڭ كوپتەگەن بالالارىنا وقۋىن جالعاستىرۋى ءۇشىن گادجەتتەر كەرەك ەكەنىن ءبىلدى. ناتيجەسىندە نۇر-سۇلتان جانە الماتى قالالارىنىڭ ءبىلىم بەرۋ مەكەمەلەرىنىڭ 40 بالاسى مەن جاسوسپىرىمدەرى ءموبيلدى ينتەرنەت قوسىلعان جاڭا پلانشەتتەر الدى. الماتىنىڭ 3 مەكتەپ-ينتەرناتىنىڭ 12 جاسوسپىرىمىنە بەرىلگەن پلانشەتتەر ارمانىن ىسكە اسىرۋىنا – «ارىستان» ارنايى اسكەري ليتسەيىنە تۇسۋىنە كومەكتەسەدى.
«ايالا» قورى Samsung كومپانياسىنىڭ قولداۋىمەن الماتىداعى 40 ۇوس ارداگەرىنە اي سايىن ازىق-ت ۇلىك پەن ءدارى-دارمەكتى تەگىن جەتكىزىپ بەرۋدى قامتاماسىز ەتتى. ال 9 مامىر كۇنى ولارعا ەرلىگى ءۇشىن شەكسىز العىس ايتىپ, جەمىس-جيدەك سالىنعان سەبەتتەردى قوسىمشا تاراتتى.
جاڭا باستامالاردىڭ ءبىرى – تۇرمىسى ناشار وتباسىلارمەن جۇمىس بولىپ وتىر. نۇر-سۇلتان جانە الماتى قالالارىنىڭ اكىمدىكتەرىمەن ۇيلەسىمدىكتىڭ ارقاسىندا كومەككە وتە مۇقتاج وتباسىلار انىقتالدى. وسىنىڭ ارقاسىندا مۇقتاجدىعى ايرىقشا بالالاردى تاربيەلەپ وتىرعان 150-دەن استام وتباسى جالپى 3,6 ملن تەڭگەدەن اساتىن سوماعا ازىق-ت ۇلىك قورجىندارىن الدى. «ايالا» قورى بۇل قورجىندارعا ءسۇت ونىمدەرىنىڭ, ىرىمشىك, شۇجىق, جەمىستەر مەن گيگيەنا زاتتارىنىڭ, ونىڭ ىشىندە جورگەكتەردىڭ سالىنۋىن قاداعالادى. ەندى وسى وتباسىلارعا جاڭا كيىم-كەشەكپەن قولداۋ كورسەتۋ جوسپارلانىپ وتىر.
«بiز بiرگەمiز – بۇكىل قازاقستاندىقتاردى بىرىكتەرگەن ورتاق يدەيا جانە قۇندىلىق. ىندەتپەن كۇرەسكە ءوز ۇلەسىمىزدى قوسىپ وتىرعانىمىزعا قۋانىشتىمىز. ءبىزدىڭ باستامالارىمىزعا قولداۋ كورسەتكەنى ءۇشىن ءىرى دەمەۋشىلەرىمىزگە – «شەۆرون», Samsung كومپانيالارىنا, ەۋرازيا ورتالىق ازيا قورىنا جەكە العىسىمدى بىلدىرگىم كەلەدى. جانە قالىپتاسقان ەكونوميكالىق قيىن جاعدايعا قاراماستان, «كاسسا24» تەرمينالدارىنداعى اۋدارىم ارقىلى قورعا كومەك بەرۋىن جالعاستىرعان بارلىق قازاقستاندىقتارعا العىس ايتامىن. وسى جۇمىلا جۇمساعان كۇشىمىز نەبارى 2 ايدىڭ ىشىندە 10 ۇلكەن ءارى ماڭىزدى جوبالاردى ىسكە اسىرۋىمىزعا سەبەپشى بولدى. كومەككە وتە ءزارۋ ادامدارعا قولداۋ كورسەتىلدى. ءبىز مەديتسينا مەكەمەلەرىمەن, مەكتەپ-ينتەرناتتارمەن, بالالار ۇيلەرىمەن جانە پپتك جۇمىس جۇرگىزۋدى جالعاستىرامىز. كوروناۆيرۋستىق ينفەكتسيانىڭ سالدارىن بىرگە جەڭۋىمىز ءۇشىن بىزگە جاردەم بەرۋدى جالعاستىرۋلارىڭىزدى سۇرايمىن», – دەدى «ايالا» قورىنىڭ پرەزيزدەنتى ايدان سۇلەيمەنوۆا.
الماتى
