كوروناۆيرۋس • 22 مامىر، 2020

باتىس قازاقستان وبلىسىندا تاعى 8 ادام كوروناۆيرۋس جۇقتىرعان

241 رەت كورسەتىلدى

كوروناۆيرۋس ينفەكتسياسى انىقتالعان 3 ادام رەسەي فەدەراتسياسىندا جۇمىس ىستەيتىن باتىس قازاقستان وبلىسىنىڭ تۇرعىندارى ەكەنى انىقتالدى. بۇل تۋرالى مەملەكەتتىك كوميسسيانىڭ شۇعىل شتابى Telegram ارناسىندا حابارلادى.

- رەسەي فەدەراتسياسىمەن شەكاراداعى سىرىم اۆتووتكەلىندەگى سانيتارلىق-كارانتيندىك بەكەتتە ەپيدەميولوگ ماماندار بايلانىسسىز تەرمومەتريا جاساپ، ساۋالناما جۇرگىزۋ كەزىندە ازاماتتاردىڭ دەنساۋلىققا شاعىمدارى بولماعان. الگوريتمگە سايكەس، سكپ ەپيدەميولوگتارى جەدەل جاردەم شاقىرىپ، ولار كارانتيندىك ستاتسيونارعا جاتقىزىلدى. سونىمەن قاتار، 5 پاتسيەنت وزدەرىنە دەيىن كوروناۆيرۋس ينفەكتسياسىن جۇقتىرعان ادامدارمەن قارىم-قاتىناستا بولعانى ءۇشىن زەرتحانالىق سىناما الىنعان، - دەلىنگەن حابارلامادا.

بەلگىلى بولعانداي، پتر دياگنوستيكالىق زەرتتەۋ قورىتىندىسى بويىنشا بارلىعىندا COVID-19 دياگنوزى ناقتىلانىپ، وبلىستىق جۇقپالى اۋرۋلار اۋرۋحاناسىنا ورنالاستىرىلعان. ناۋقاستارمەن قارىم-قاتىناستا بولعان ادامدار انىقتالىپ، بارلىعى مەديتسينالىق باقىلاۋعا الىندى. اۋرۋ وشاقتارىندا دەزينفەكتسيالىق جۇمىستار جۇرگىزىلدى. قازىر ەپيدەمياعا قارسى شارالار جالعاسۋدا. وتكەن تاۋلىكتەگى جاعداي بويىنشا وبلىستا كوروناۆيرۋستى جۇقتىرعان جالپى 360 ادام تىركەلدى.

سوڭعى جاڭالىقتار

ۇقساس جاڭالىقتار