رۋحانيات • 22 مامىر، 2020

اقتوبەلىكتەر كومەگى

18 رەت كورسەتىلدى

اقتوبە وبلىسىنىڭ «جۇرەكتەن – جۇرەككە» قايى­رىم­دىلىق توبىنىڭ مۇشەسى الىشەر سادىقتىڭ سوزىنە قاراعاندا، ماقتاارالعا كومەككە كەلگەن اقتوبەلىك ۆو­لونتەرلەردىڭ جۇمىسى ۇلگى الارلىقتاي.

– «جۇرەكتەن – جۇرەككە» قا­يى­­رىمدىلىق توبىنىڭ قۇرىل­عا­نىنا 5 جىل بولدى. باسىندا 17 اداممەن وڭىردەگى مۇقتاج وت­با­سى­لارعا كومەكتەسەتىنبىز. بۇگىندە قاتارىمىزدا 120-عا جۋىق ادام بار. بۇعان دەيىن قاراعاندى وبلىسىندا سۋ تاسقىنى، ارىستا جارىلىس بولعاندا اقتوبەلىكتەردىڭ اتىنان كومەكتەستىك. اقتو­بە­دە دە سۋ تاسقىنى بولىپ، قولى­مىز­دان كەلگەنشە جاردەم بەر­دىك. ماقتاارالداعى اعايىننىڭ جاع­دا­يىن ەستىگەندە دە كومەكتەسۋدى مىن­دەتىمىز دەپ ساناپ، جولعا قامداندىق. وبلىس بويىنشا ءتۇرلى اكتسيالار جاريالاپ، كيىم-كەشەك، قاراجات، ازىق-ت ۇلىك جيناۋدى باستاپ كەتتىك. وڭىردەگى جۇك ماشينالارى بار ازاماتتار ورتالىق مەشىتتىڭ الدىنا جينالىپ، تۇرعىندار اكەلگەن كومەك قورىن سوندا تيەدىك، – دەيدى ءا.سادىق.

ونىڭ ايتۋىنشا، اقتوبە قالاسىنان – 22، ارال قالاسىنان 3 جۇك كولىگى جول­عا شىققان. ولار 2 كۇن ءجۇرىپ، 3-ءشى كۇنى دىتتەگەن جەر­لە­رى­نە جەتكەن.

– ونداعى حالىقتىڭ جاع­دا­يىن كوزىمىزبەن كورىپ، قولى­مىز­دان كەلگەنشە قولعابىس ەتۋگە تىرىستىق. توپتىڭ ءتورت مۇشەسى زاتتاردى قويماعا تاسۋعا جاردەمدەسىپ، اۋىلداردى ارالاپ، ونداعى ەڭبەككە ارالاستىق. اقتوبە وبلىسىنان 3 ملن تەڭگەگە جۋىق، العا اۋدانىنان 2،5 ملن تەڭگەگە جۋىق اقشا جينالدى. ودان بولەك، قايىرىمدىلىق توبى 500 مىڭ تەڭگە جيناي الدى. بارلىق اقشا يمامدارعا تاپسىرىلدى، – دەيدى اقتوبەلىك ۆولونتەر.

سوڭعى جاڭالىقتار

ۇقساس جاڭالىقتار