جەتىسۋ اۋدانىندا Jasyl Almaty جوباسى بويىنشا 20 مىڭ اعاش وتىرعىزىلادى.
جانە جەتىسۋ اۋدانىندا 12 گۇلزار اباتتاندىرىلادى.
قالا اكىمى «كوكجيەك» جانە «كوكمايسا» شاعىناۋداندارىنداعى سكۆەرلەردە, قازىباەۆ كوشەسىندەگى جاياۋ جۇرگىنشىلەر ايماعىندا, سونداي-اق №169 جانە №171 بالاباقشالاردا جۇرگىزىلىپ جاتقان جوندەۋ جۇمىستارىنىڭ ساپاسىنا باعا بەردى. اباتتاندىرۋ جانە كوگالداندىرۋ جۇمىستارى – قالا اكىمىمەن وتەتىن كەزدەسۋلەردە تۇرعىنداردىڭ ءجيى كوتەرەتىن ماسەلەلەرىنىڭ ءبىرى بولاتىن.
باقىتجان ساعىنتاەۆ قالا تۇرعىندارىنىڭ دەمالىسى مەن ەكولوگيانى ساۋىقتىرۋ ءۇشىن قولايلى جاعداي جاساۋ قاجەتتىگىنە نازار اۋداردى. جەتىسۋ اۋدانىندا كوپتەگەن قويمالار, ونەركاسىپتىك كاسىپورىندار ورنالاسقان. وسىعان وراي, تۇرعىنداردىڭ وتىنىشتەرىنە سايكەس, كوگالداندىرۋ جانە بەلسەندى دەمالۋعا ارنالعان ورىندار قۇرۋ بويىنشا شارالار كۇشەيتىلدى. ەگەر 2019 جىلى 7 سكۆەر مەن 1 ساياباق اۋدان تۇرعىندارىنىڭ يگىلىگىنە بەرىلسە, اعىمداعى جىلى 12 سكۆەردى اباتتاندىرۋ جوسپارلانۋدا.
باقىتجان ساعىنتاەۆ رەكرەاتسيالىق ايماقتاردى عانا ەمەس, سونداي-اق وعان ىرگەلەس اۋماقتارعا دا كوڭىل ءبولۋدى, ياعني, كەشەندى ءتاسىلدى قامتاماسىز ەتە وتىرىپ, رەتكە كەلتىرۋدى تاپسىردى. بۇل رەتتە وتاندىق ءوندىرىستىڭ زاماناۋي ۇلگىدەگى ۇزاق مەرزىمدى ماتەريالدارىن پايدالانۋعا تيىستىگىن اتادى.
«تۇرعىنداردىڭ سۇرانىستارىنا سايكەس ءومىر ءسۇرۋ, ناتيجەلى جۇمىس جانە بەلسەندى دەمالىس ءۇشىن جاعدايدى جاقسارتۋدى جالعاستىرامىز. بۇل ەرەكشە ميكروكليمات, قالالىقتاردىڭ ءومىر ءسۇرۋى مەن كوڭىل-كۇيىنە وڭ اسەر ەتەدى», - دەپ اتاپ ءوتتى قالا اكىمى.
جاڭا جوبالاردى قاراۋ كەزىندە جەتىسۋ اۋدانىنىڭ اكىمى ماقسات قيقىموۆ قالا اكىمىنىڭ Jasyl Almaty باستاماسىن جۇزەگە اسىرۋ اياسىندا جاسىل قوردىڭ جاعدايىن جاقسارتۋ ءۇشىن ميلليونعا جۋىق اعاش وتىرعىزۋ بويىنشا جۇرگىزىلىپ جاتقان جۇمىستار تۋرالى باياندادى.
اۋداندا 220 مىڭ اعاش بار, ونىڭ 5 مىڭى سوڭعى 3 جىلدا وتىرعىزىلدى. تەكسەرۋ ناتيجەسىندە وتكەن جىلى وتىرعىزىلعان 1 مىڭعا جۋىق كوشەتتىڭ وسپەي قالعانى انىقتالدى. سوندىقتان كەلىسىم-شارت تالاپتارىنا سايكەس مەردىگەر ۇيىمدار كۇزدە 2 مىڭ كوشەت وتىرعىزادى. سونىمەن قاتار, Jasyl Almaty باعدارلاماسى اياسىندا كۇزدە جەتىسۋ اۋدانىندا تاعى 20 مىڭ اعاش وتىرعىزىلادى.
جالپى, جەتىسۋ اۋدانىندا 2019 جىلى اۋلا اۋماقتارىن جارىقتاندىرۋ جۇمىستارى 60%-دان 88%-عا دەيىن ورىندالدى. بيىلعى جىلى بۇل جۇمىستىڭ كورسەتكىشىن 100% جەتكىزۋ جوسپارلانۋدا. پوليتسيانىڭ پاترۋلدىك-بەكەتتىك قىزمەتىن جانداندىرۋمەن قاتار اۋماقتاردى اباتتاندىرۋ جانە جارىقتاندىرۋ بويىنشا قابىلدانىپ جاتقان شارالار قوعامدىق قاۋىپسىزدىكتىڭ جاي-كۇيىنە جاعىمدى اسەر ەتتى. جەتىسۋ اۋدانىندا تىركەلگەن قۇقىق بۇزۋشىلىق دەڭگەيى 45,9%-عا نەمەسە 993 قىلمىسقا تومەندەدى.
