قازاقستان • 21 مامىر، 2020

اسحات ايماعامبەتوۆ: اباي مۇراسىن الەم يگىلىگىنە اينالدىرۋ – پارىزىمىز

441 رەت كورسەتىلدى

حالىقارالىق تۇركى اكادەمياسى (TWESCO) ۇلى ويشىل ابايدىڭ 175 جىلدىق مەرەيتويىن حالىقارالىق دەڭگەيدە اتاپ ءوتۋ ماقساتىندا ونلاين كونفەرەنتسيا وتكىزىپ جاتىر. شاراعا ءبىلىم جانە عىلىم ءمينيسترى اسحات ايماعامبەتوۆ قاتىستى. مينيستر اباي مۇراسىن زەرتتەپ، ءتۇبى ءبىر تۇركى جۇرتىنا جانە الەم يگىلىگىنە اينالدىرۋ بارشامىزدىڭ ورتاق پارىزىمىز ەكەنىن اتاپ ءوتتى.

« ۇلى ويشىل، اقىن اباي قۇنانباي ۇلىنىڭ 175 جىلدىعىنا ارنالعان حالىقارالىق ونلاين كونفەرەنتسيا جۇمىسىنا قوش كەلدىڭىزدەر. پرەزيدەنت قاسىم-جومارت توقاەۆتىڭ جارلىعىمەن بيىل ابايدىڭ 175 جىلدىق مەرەيتويى مەملەكەتتىك دەڭگەيدە اتالىپ وتىلۋدە. بۇل مەرەيتوي يۋنەسكو شەشىمىمەن حالىقارالىق كەڭىستىككە شىققان ەدى. سونىمەن قاتار، قاڭتار ايىندا باكۋدە تۇركى اكادەمياسىنا مۇشە مەملەكەتتەردىڭ ءبىلىم مينيسترلەرى بيىل ۇلى ابايدى باۋىرلاس ەلدەردە كەڭىنەن ناسيحاتتاۋ تۋرالى شەشىم قابىلدادى. بۇگىنگى جيىن سونىڭ جارقىن كورىنىسى دەپ ويلايمىن. بارلىق ارىپتەستەرىمە العىس ايتقىم كەلەدى»، - دەدى مينيستر اسحات ايماعامبەتوۆ.

مينيستر اباي قازاق حالقى ءۇشىن رۋحاني ۇستاز، ۇلت مادەنيەتى مەن ادەبيەتىنىڭ بيىك شىڭى ەكەنىن اتاپ ءوتتى. «ادامزاتتىڭ ءبارىن ءسۇي باۋىرىم دەپ» ۇلاعاتتى ۇراندى تۋ ەتىپ كوتەرگەن گۋمانيست اقىن قازاق حالقىنا اداسپايتىن مول مۇرا قالدىردى.

«بۇگىندە اباي شىعارمالارى دۇنيەجۇزىنە تانىمال. اقىن مۇراسى الەم مادەنيەتى قازىناسىنىڭ اجىراماس ءبىر بولىگىنە اينالدى. وسى ورايدا تۇركى اكادەمياسىنىڭ باستاماسىمەن اباي شىعارمالارى ازەربايجان، قىرعىز، وزبەك جانە تۇرىك تىلدەرىنە اۋدارىلدى. وسىلايشا اباي مۇراسى بارشا تۇرىك حالىقتارىنىڭ ورتاق قازىناسىنا اينالدى دەۋگە بولادى. تۇركى اكادەمياسىنا يگى باستاما ءۇشىن ءوز اتىمنان، مينيسترلىك اتىنان العىس بىلدىرگىم كەلەدى. بۇل ورايدا اباي مۇراسىن زەرتتەپ، زەردەلەپ، بولاشاق ۇرپاققا دارىپتەۋ ءتۇبى ءبىر تۇركى جۇرتىنا جانە الەم يگىلىگىنە اينالدىرۋ –  بارشامىزدىڭ ورتاق پارىزىمىز. بيىل باكۋدە باستالعان يگى شارالار جالعاسىن تاۋىپ، تۇركى مەملەكەتتەرىنىڭ استانالارىندا ابايدىڭ 175 جىلدىعىنا ءىس-شارالار جۇيەلى وتەتىن بولادى. بۇل شارالاردىڭ تۇركى اكادەمياسىنىڭ ون جىلدىعىمەن ورايلاس كەلۋى يگىلىكتى ىستەرگە سەرپىن بەرەتىن بولادى دەپ سەنەمىن. اكادەميانى العاشقى بەلەسىمەن قۇتتىقتاي وتىرىپ، كونفەرەنتسيا جۇمىسىنا ساتتىلىك تىلەيمىن»، - دەدى مينيستر.

سوڭعى جاڭالىقتار

75،7 ملن ادام ايتۆ جۇقتىردى

مەديتسينا • كەشە

2021 جىلعى ورازا كەستەسى

رۋحانيات • كەشە

ۇقساس جاڭالىقتار