كوروناۆيرۋس ىندەتى ادامزات ءۇشىن ۇلكەن سىناققا اينالدى. سوڭعى ءجۇز جىلدا العاش رەت بارلىق ەلدەردىڭ ادامدارى جۇقپالى اۋرۋدىڭ جاپپاي تارالۋى تەك ءوز دەنساۋلىعىنا عانا ەمەس, سونداي-اق ومىرىنە دە ناقتى قاۋىپ توندىرەتىنىنە كوز جەتكىزدى. ءالى تولىق زەرتتەلمەگەن جانە قاۋىپتى ۆيرۋسپەن تەڭ ەمەس كۇرەسكە ءبىرىنشى بولىپ دارىگەرلەر مەن مەديتسينا قىزمەتكەرلەرى ءتۇستى.
جانە جۇقتىرۋ ستاتيستيكاسىندا دارىگەرلەر ىندەتكە شالدىققانداردىڭ ۇشتەن ءبىر بولىگىن قۇراۋى مۇمكىندىگى بەلگىلى بولىپ وتىر. قاۋىپتى ۆيرۋستىڭ تارالۋى ءبىزدىڭ مەديتسينا قىزمەتكەرلەرىمىز ءۇشىن باستى قاتەر بولىپ وتىر. سەبەبى مەديتسينا قىزمەتكەرلەرى ەمدەلۋشىلەرمەن, ونىڭ ىشىندە كوروناۆيرۋس جۇقتىرۋى مۇمكىن ناۋقاستارمەن, تۇراقتى بايلانىستا بولادى. ياعني, اۋرۋحانالاردا قورعانىس زاتتارىنا قاجەتتىلىك جوعارى بولعاندىقتان, ولاردىڭ تاپشىلىعى پايدا بولدى. سوندىقتان SANTO كومپانياسى دەنساۋلىق ساقتاۋ جۇيەسىنىڭ سەنىمدى سەرىكتەسى بولا وتىرىپ, مەديتسينا قىزمەتكەرلەرىنە قورعانۋ قۇرالدارىن جەتكىزۋدى ءوز باسىمدىقتارىنىڭ ءبىرى رەتىندە تاڭدادى.
SANTO كومپانياسى نۇر-سۇلتان, الماتى جانە شىمكەنت قالالارىنىڭ مەديتسينا قىزمەتكەرلەرىنە جەكە قورعانىس قۇرالدارىن (ۆيزور ماسكالارى, وباعا قارسى كوستيۋمدەر, مەديتسينالىق قولعاپتار مەن ماسكالار) جانە شىمكەنت قالاسىنداعى اسكەري ءبولىم ءۇشىن انتيسەپتيكالىق قۇرالداردى جەتكىزدى. سونداي-اق كومپانيا شىمكەنت قالالىق كارديولوگيالىق ورتالىعىنا جانە الماتى عيباداتحانالارىنىڭ بىرىندەگى قارتتار ۇيىنە ءدارى-دارمەكتەردى تاپسىردى.
«COVID-19 ادامداردىڭ ءومىرىن تۇبەگەيلى وزگەرتتى. ۆيرۋس قازاقستاننىڭ بارلىق ايماقتارىنا تارادى. مەملەكەت حالىقتى قورعاۋعا بارلىق كۇش-جىگەردى جۇمسادى جانە ءبىز وڭ ناتيجەلەردى كورىپ وتىرمىز. SANTO كومپانياسى دا شەتتە قالمادى جانە ەمدەلۋشىلەردىڭ دەنساۋلىعىنا جاۋاپتى بولا وتىرىپ, بارلىق قاجەتتى شارالاردى قابىلدادى, ءدارى-دارمەك ءوندىرىسىن جالعاستىردى جانە ءوندىرىس كولەمىن ارتتىردى. بارلىق ەلدەر ءوزىن-ءوزى وقشاۋلاۋعا تاپ بولعان جاعدايدا, قازاقستان پاتسيەنتتەرىنىڭ وتاندىق ءتيىمدى جانە ساپالى ءدارى-دارمەكتەرمەن قامتاماسىز ەتىلۋى وتە ماڭىزدى. سونىمەن قاتار SANTO كومپانياسى زامانا باتىرلارىنا – دارىگەرلەر مەن مەديتسينا قىزمەتكەرلەرىنە كومەك رەتىندە 100 000 اقش دوللارىن ءبولدى. وسىلايشا, ءبىز دارىگەرلەر مەن بارلىق مەديتسينا قىزمەتكەرلەرىنە العىس بىلدىرگىمىز كەلەدى. ولار ادامداردىڭ ءومىرىن ساقتاپ, ەلدىڭ ساۋىعۋىنا بارىن سالىپ وتىر. بۇگىن ءوزارا كومەك جانە ءبىر-بىرىمىزگە قولداۋ كورسەتۋ وتە ماڭىزدى, كۇش بىرىكتىرگەندە عانا ۆيرۋستى جەڭە الامىز», - دەيدى Santo كومپانياسىنىڭ باس ديرەكتورى يجي ۋربانەتس.
