جەدەل وپەراتسيا كەزىندە مەملەكەتتىك ءنومىرى رەسەيلىك «نيسسان», «نيۆا شەۆرولە» اۆتوكولىكتەرى جانە موتوتسيكل, 5 مىلتىق, ونىڭ ىشىندە وپتيكالىق كوزدەگىشى بار قارۋ, 300-گە جۋىق پاترون, تۇندە كورۋگە ارنالعان قۇرال, راديوستانسا, GPS ناۆيگاتور, 7 ءموبيلدى تەلەفون, 2 پلانشەت, ارا مەن پىشاقتار – قىسقاسى زاڭسىز اڭشىلىققا ساقاداي سايلانعان ۇيىمداسقان توپ قولعا تۇسكەن. ولاردان كيىكتىڭ 434 ءمۇيىزى الىنعان.
«بۇل وقيعا بويىنشا قىلمىستىق كودەكستىڭ 339 بابى بويىنشا قىلمىستىق ءىس كوتەرىلدى, قازىر تەرگەۋ جۇرگىزىلۋدە» دەيدى ءتيىستى ورگان وكىلدەرى.
ەلىمىزدە «اقبوكەن» جەدەل-الدىن الۋ وپەراتسياسى 15 مامىردا باستالعان. قازىر براكونەرلەرگە قارسى كۇرەستە «وحوتزووپروم» مەكەمەسىنىڭ 200 ينسپەكتورى جانە اۋماقتىق ينسپەكتورلار جول تالعامايتىن 64 كولىك, 5 موتوتسيكلدىڭ كۇشىمەن كۇنى-ءتۇنى رەيدتە ءجۇر. اكتسيا باستالعالى زاڭسىز كيىك اۋلاعان 6 وقيعا اشكەرەلەنىپ, كيىكتىڭ 24 تۋشاسى, 697 ءمۇيىزى الىنعان.
ايتا كەتەيىك, باتىس قازاقستان وبلىسى اۋماعىندا 12 مامىر كۇنى دە ەكى ادام ۇستالىپ, ولاردان 15 دانا اقبوكەن تۋشاسى, 30 دانا ءمۇيىز, مىلتىق تاركىلەنگەن بولاتىن.
باتىس قازاقستان
