ايماقتار • 21 مامىر، 2020

قىزدار ۋنيۆەرسيتەتىنىڭ بەس باسىم باعىتى نەدە؟

163 رەت كورسەتىلدى

«قازاق ۇلتتىق قىزدار پەداگوگيكالىق ۋنيۆەرسيتەتىنىڭ الەۋمەتتىك بەس باسىم باعىتى». وسىنداي اتاۋمەن وقۋ ورنىندا رەسپۋبليكالىق ونلاين سەمينار ءوتتى. بۇل تۋرالى قىزپۋ-دىڭ ءباسپاسوز قىزمەتى حابارلادى.

ۋنيۆەرسيتەت ۇجىمى مەن ستۋدەنتتەرى جانە بيىلعى مەكتەپ ءبىتىرۋشى تۇلەكتەر قاتىسقان جيىندا الەمدەگى بىرەگەي ءبىلىم ورداسىنىڭ وزىندىك ەرەكشەلىكتەرى، قىزپۋ-دىڭ 75 جىلدىق ءتول تاريحىنداعى قول جەتكەن ەلەۋلى تابىستارى مەن بۇگىندە جۇزەگە اسىرىلىپ جاتقان جۇيەلى جۇمىستار كوپشىلىك نازارىنا ۇسىنىلدى.

جيىندى قىزدار ۋنيۆەرسيتەتىنىڭ قوعامدىق ۇيىمدارمەن جۇمىس جۇرگىزۋ جونىندەگى ۇيلەستىرۋشىسى ءالىبي نەسىپباەۆ اشىپ، شارانىڭ ءمانى مەن ماڭىزىنا توقتالدى.

– سەميناردىڭ باستى ماقساتى –«ەلباسىنىڭ بەس الەۋمەتتىك باستاماسى» باعدارلاماسىندا كورسەتىلگەن مىندەتتەردى ناقتى ىسكە اسىرۋ. قازىرگى كۇندە الەمدە تەك قانا قىزدار ءبىلىم الاتىن جوعارى وقۋ ورىندارى ساۋساقپەن سانارلىقتاي. وسى ورايدا ۋنيۆەرسيتەت ءوزىنىڭ بىرەگەيلىگىمەن «قىزدار ۋنيۆەرسيتەتى» دەگەن برەندىن قالىپتاستىردى. ءبىزدىڭ كوزدەگەنىمىز – وسى ۋاقىتقا دەيىن قول جەتكىزگەن تابىستاردى ەسەلەي ءتۇسۋ، قازىنالى قاراشاڭىراقتى شىققان بيىگىنەن تۇسىرمەۋ.حالقىمىزدا «ۇلتىڭدى تاربيەلەيمىن دەسەڭ – قىزىڭدى تاربيەلە» دەگەن ۇلاعاتتى ءسوز بار. ۋنيۆەرسيتەت ۇجىمى ءوز قىزمەتىندە وسى ۇستانىمدى باستى باعدار رەتىندە ۇستانادى. بۇل – ىزگىلىككە نەگىزدەلگەن قوعام قۇرۋدىڭ باستاۋى دەپ تۇسىنەمىز، – دەدى ءالىبي نەسىپباەۆ.

سونداي-اق باسقوسۋدا وقۋ ورنىنىڭ الەۋمەتتىك دامۋ جونىندەگى پرورەكتورى جاڭاگۇل سۇلتانوۆا ءسوز سويلەپ، ۋنيۆەرسيتەتتىڭ پاراساتقا تولى تاريحىنا، ءجۇرىپ وتكەن جولىنا شولۋ جاسادى.

– ءبىلىم ورداسىنىڭ اشىلۋىنا مۇحتار اۋەزوۆ، قانىش ساتپاەۆ، ءىلياس وماروۆ، نۇرتاس وڭداسىنوۆ، عابيت مۇسىرەپوۆ سىندى ۇلت زيالىلارى ۇيىتقى بولىپ، قولداۋ كورسەتتى. حالقىمىزدىڭ دارابوز پەرزەنتتەرى وقۋ ورنىنىڭ ودان ارمەن دامۋىنا مۇرىندىق بولدى. وتكەنگە شەگىنىس جاسايتىن بولساق، قىزدار ۋنيۆەرسيتەتىنە قازاقتىڭ داڭقتى عالىمدارى باسشىلىق جاساپ، وقۋ ورنىنىڭ دامۋىندا ءوز قولتاڭبالارىن قالدىرعانىن باعامدايمىز. بۇل ءبىلىم ورداسى كوپتەگەن تۇلەكتەر ءۇشىن الما-ماتەر. وسى ۋاقىت ارالىعىندا وقۋ ورنىن مىڭداعان بىلىكتى پەداگوگتار، تاريحشىلار، مادەنيەت سالاسىنىڭ قىزمەتكەرلەرى مەن ءتىل ماماندارى ءبىتىردى. بۇگىندە كيەلى شاڭىراقتان شىڭدالىپ شىققاندار وتانىمىزدىڭ دامۋى جولىندا جەمىستى قىزمەت اتقارۋدا، –دەپ اتاپ ءوتتى جاڭاگۇل سۇلتانوۆا ءوز سوزىندە.

شارا بارىسىندا جاستار ءىسى جونىندەگى كوميتەت ءتورايىمى ديليارا ناديرحانوۆا «قىزدار ۋنيۆەرسيتەتى ستۋدەنتىنىڭ ءبىر كۇنى»، «ۇلپان» اسحاناسىنىڭ ديرەكتورى ءۇمىت جۇنىساليەۆا «اپتاسىنا 7 كۇن، كۇنىنە 3 مەزگىل»، دەنە شىنىقتىرۋ جانە سپورت كافەدراسىنىڭ اعا وقىتۋشىسى ماقسۇتقان شىنىباەۆ «ۋنيۆەرسيتەتتىڭ سپورت كلۋبتارى»، ء«سان الەمى» ورتالىعىنىڭ جەتەكشىسى ۇلجان الاشاباەۆا «ستيل سانگە قاراعاندا ماڭىزدى» جانە ستۋدەنتتەر ءۇيىنىڭ ستۋدەنتتىك كەڭەس مۇشەسى گۇلبانۋ ديحانباەۆا «ۋنيۆەرسيتەت جاتاقحانالارىنىڭ تىنىس-تىرشىلىگى» تاقىرىپتارىندا تانىمدىق اقپاراتتارىمەن ءبولىسىپ، وسى باعىتتاردا كەڭىنەن مالىمەتتەر بەردى.

ايتا كەتەيىك، قىزدار ۋنيۆەرسيتەتى باكالاۆريات، ماگيستراتۋرا جانە PhD دوكتورانتۋرا ءبىلىم باعدارلامالارى بويىنشا پەداگوگ كادرلارىن دايارلايدى. بۇگىندە وقۋ ورنىندا 400-گە جۋىق جوعارى ساناتتى پروفەسسور-وقىتۋشى قىزمەت اتقارادى. ولاردىڭ باسىم بولىگىن بىلىكتى عىلىم دوكتورلارى مەن پروفەسسورلار، عىلىم كانديداتتارى مەن دوتسەنتتەر، PhD دوكتورلارى مەن ماگيسترلەر قۇرايدى.

ارۋلار ورداسى – قازاق ۇلتتىق قىزدار پەداگوگيكالىق ۋنيۆەرسيتەتىنە تيەسىلى 7 جاتاقحانا بار. وقۋ ورنى قالاشاعىندا ورنالاسقان جاتاقحانالار جانعا جايلى ءارى قولايلى. وندا فيتنەس زالدارى، سۇلۋلىق سالوندارى، وقۋ زالدارى، كىر جۋاتىن بولمەلەر مەن عالامتور جەلىسىنە قوسىلعان كومپيۋتەر سىنىپتارى بار.زاماناۋي ۇلگىدەگى جاتاقحانالاردا ستۋدەنتتىڭ الاڭسىز ساپالى ءبىلىم الۋىنا تولىققاندى جاعداي جاسالعان.

ۋنيۆەرسيتەتتىڭ داڭقى تەك ءبىلىم مەن عىلىمدا عانا ەمەس، سونداي-اق ءتۇرلى دەڭگەيدەگى سپورتتىق جارىستاردا دا ءجيى شىعىپ كەلەدى. قازىرگى تاڭدا وقۋ ورنىنىڭ باسكەتبول، ۆولەيبول، شاعىن فۋتبول قۇراما كوماندالارى كوپتەگەن حالىقارالىق، رەسپۋبليكالىق تۋرنيرلەردە ۇزدىكتەر قاتارىندا، كوش باسىندا.

قىزپۋ-دا ستۋدەنتتەردى ءۇش مەزگىل تاماقپەن قامتاماسىز ەتەتىن «ۇلپان» اسحاناسى، «اققۋ» باسسەينى، سپورت كەشەندەرى، زاماناۋي قۇرالدارمەن جابدىقتالعان زەرتحانالار مەن ءدارىسحانالار بار.

 

 

 

الماتى

سوڭعى جاڭالىقتار

ءدۇبىرلى «دالا ديدارى»

ونەر • بۇگىن، 08:34

تۇيە كوتەرگەن تيمۋر

ايماقتار • بۇگىن، 08:32

جىگەر جانىعان جۇزدەسۋ

ساياسات • بۇگىن، 08:26

ۆاكتسينالاۋ – ماڭىزدى مىندەت

ۇكىمەت • بۇگىن، 08:17

قاراعاندىدا كارانتين كۇشەيتىلدى

ايماقتار • بۇگىن، 08:09

بيزنەستە ايەلدەردىڭ ۇلەسى قانداي؟

ەكونوميكا • بۇگىن، 07:59

URKER ۇسىنعان ۇزدىكتەر

ونەر • بۇگىن، 07:57

كوروناۆيرۋس باسەڭدەر ەمەس

الەم • بۇگىن، 07:56

كەشىرىم ايى كەلدى

رۋحانيات • بۇگىن، 07:50

ءۇشىنشى بەسجىلدىق: مەجە مەن مىندەت

ەكونوميكا • بۇگىن، 07:35

بايراعى بيىك باعزى ونەر

رۋحانيات • بۇگىن، 07:33

ەكى الپاۋىتتىڭ ايقاسى

بوكس • بۇگىن، 07:25

پاۆلوداردا جاعداي كۇردەلەنە ءتۇستى

كوروناۆيرۋس • بۇگىن، 07:21

ورازانىڭ ءار ءساتى ساۋاپ

رۋحانيات • كەشە

ءسوزدىڭ جەتى بوياۋى

تانىم • كەشە

ۇقساس جاڭالىقتار