ايماقتار • 21 مامىر، 2020

باتىس قازاقستاندا كوروناۆيرۋس اۋىلدان دا شىعا باستادى

832 رەت كورسەتىلدى

21 مامىر كۇنى تاڭدا باتىس قازاقستان وبلىسى اۋماعىندا كوروناۆيرۋس ىندەتىنىڭ 352 وقيعاسى 78 وشاقتا تىركەلدى. اۋىرعاندار سانى 100 مىڭ تۇرعىنعا شاققاندا 53،6 ادام بولدى. 20 مامىرداعا ىندەتتىڭ ءوسىم قارقىنى - 3،8%-دى قۇرادى.

بۇل تۋرالى باتىس قازاقستان وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى باسشىسىنىڭ ورىنباسارى نۇرلىبەك مۇستاەۆ ايتىپ بەردى.

جالپى COVID-19 دياگنوزىمەن تىركەلگەندەردىڭ 261-ءى – باتىس قازاقستان وبلىسىنىڭ ءوز تۇرعىندارى. 84 ادام ەلىمىزدىڭ باسقا ايماقتارىنان، ال 7 ادام شەتەلدىك. ولاردىڭ كوبى ەكارادا انىقتالعان. ياعني وبلىس بويىنشا سىرقاتتانعانداردىڭ 70،4%-ى، ياعني 245 جاعداي وبلىستىڭ سىرتىنان اكەلىنگەن. سونىڭ ىشىندە رەسەي فەدەراتسياسىنان – 176 ادام، اتىراۋ وبلىسىنان – 68 ادام، گەرمانيادان – 1 ادام سىرقاتتانىپ كەلگەن. اتىراۋدان كەلگەندەردىڭ دەنى، ياعني 67 ادام – تشو كومپانياسىنىڭ قىزمەتكەرى.

- اۋىرعانداردىڭ ىشىندە 105 ادام ىندەتتى ناۋقاستارمەن قارىم-قاتىناستا جۇقتىرىپ العان. ولاردىڭ 62-ءسى – مەديتسينا قىزمەتكەرى، ۇشەۋى – پوليتسيا قىزمەتكەرى. تاعى 40 ادام اۋەلى ءوز ۇيىنە وقشاۋلانۋعا جىبەرىلىپ، سودان باقىلاۋدا بولعان 14 كۇن ىشىندە اۋرۋ بەلگىسى انىقتالعاندار. 78 وشاقتا – 999 قارىم-قاتىناس انىقتالدى، ونىڭ ىشىندە جاقىن بايلانىس – 528، الەۋەتتى بايلانىس – 471 ادام بولدى. ولاردىڭ ءبارى دە دەر كەزىندە وقشاۋلانىپ، ارنايى باقىلاۋعا الىندى، - دەيدى نۇرلىبەك ەرمەك ۇلى.

كۇنى بۇگىن وبلىستا ىندەتتەن جازىلعاندار سانى – 189 ادامعا جەتتى. قازىر وبلىستىق جۇقپالى اۋرۋلار اۋرۋحاناسىندا – 163 ادام ەم الۋدا. سونداي-اق كارانتيندىك ستاتسيوناردا - 140، پروۆيزورلىق ستاتسيوناردا - 7، ءۇي وقشاۋلاۋىندا -1400 دارىگەرلەر باقىلاۋىندا.

ءبىر الاڭداتارلىق جاعداي، وسى كەزگە دەيىن اۋرۋ وشاعى – وبلىس ورتالىعى جانە مەملەكەتتىك شەكارا بەكەتى بولاتىن. سوڭعى كۇندەرى اۋىلداردان ىندەت جۇقتىرعان ناۋقاستار تىركەلە باستاعانى حالىقتى الاڭداتىپ وتىر. ماسەلەن، جاقىندا سىرىم اۋدانىنىڭ تۇرعىنى دەنە قىزۋىنىڭ كوتەرىلۋىنە بايلانىستى اۋداندىق اۋرۋحاناعان ەكەن. دارىگەرلەر زەرتحانالىق سىناما العان كەزدە COVID-19 دياگنوزى قويىلىپ، وبلىستىق جۇقپالى اۋرۋلار اۋرۋحاناسىنا جەتكىزىلگەن.

- ناۋقاستارمەن قارىم-قاتىناستا بولعان ادامدار انىقتالىپ، اۋرۋ وشاقتارىندا دەزينفەكتسيالىق جۇمىستار جۇرگىزىلدى. مەديتسينالىق باقىلاۋعا الىنعان جانداردىڭ ىشىنەن 2 ادامنان اۋرۋ بەلگىسى انىقتالدى. تەكسەرۋ ودان ءارى جۇرگىزىلۋدە، - دەيدى نۇرلىبەك ەرمەك ۇلى.

 

باتىس قازاقستان

سوڭعى جاڭالىقتار

ءدۇبىرلى «دالا ديدارى»

ونەر • بۇگىن، 08:34

تۇيە كوتەرگەن تيمۋر

ايماقتار • بۇگىن، 08:32

جىگەر جانىعان جۇزدەسۋ

ساياسات • بۇگىن، 08:26

ۆاكتسينالاۋ – ماڭىزدى مىندەت

ۇكىمەت • بۇگىن، 08:17

قاراعاندىدا كارانتين كۇشەيتىلدى

ايماقتار • بۇگىن، 08:09

بيزنەستە ايەلدەردىڭ ۇلەسى قانداي؟

ەكونوميكا • بۇگىن، 07:59

URKER ۇسىنعان ۇزدىكتەر

ونەر • بۇگىن، 07:57

كوروناۆيرۋس باسەڭدەر ەمەس

الەم • بۇگىن، 07:56

كەشىرىم ايى كەلدى

رۋحانيات • بۇگىن، 07:50

ءۇشىنشى بەسجىلدىق: مەجە مەن مىندەت

ەكونوميكا • بۇگىن، 07:35

بايراعى بيىك باعزى ونەر

رۋحانيات • بۇگىن، 07:33

ەكى الپاۋىتتىڭ ايقاسى

بوكس • بۇگىن، 07:25

پاۆلوداردا جاعداي كۇردەلەنە ءتۇستى

كوروناۆيرۋس • بۇگىن، 07:21

ورازانىڭ ءار ءساتى ساۋاپ

رۋحانيات • كەشە

ءسوزدىڭ جەتى بوياۋى

تانىم • كەشە

ۇقساس جاڭالىقتار