شاھارداعى جول ساپاسىن دامىتۋ ماقساتىندا 2020 جىلى 256 وبەكتىدە قۇرىلىس-جوندەۋ جۇمىستارىنا رەسپۋبليكالىق جانە جەرگىلىكتى بيۋدجەتتەن 26,9 ملرد تەڭگە قارالدى. بۇل 417,3 شاقىرىم جول مەن 7 كوپىر, 2 وتكەل, 1 وڭعا شىعۋ جانە 1 جول وتكەلىن قامتىپ وتىر. ناتيجەسىندە جىل سوڭىنا دەيىن 240 نىساندى, ياعني, 314,7 شاقىرىم جول مەن 6 كوپىر, 1 جول وتكەلىن پايدالانۋعا بەرۋ جوسپارلانۋدا. سونداي-اق «جۇمىسپەن قامتۋدىڭ جول كارتاسى» بويىنشا 260 ايالدامانى ورناتۋعا 536,5 ملن. تەڭگە بولىنگەن. وسى باعدارلاما اياسىندا 3119 ادام جۇمىسقا ورنالاستىرىلادى, ونىڭ 1621-ءى جۇمىسپەن قامتۋ ورتالىعى ارقىلى.
قالاداعى ەڭ ماڭىزدى قۇرىلىسى ءجۇرىپ جاتقان كوشەلەردىڭ ءبىرى رەسپۋبليكا داڭعىلى مەن رىسقۇلوۆ كوشەسى. رەسپۋبليكا داڭعىلىنىڭ جالپى ۇزىندىعى – 5,3 شاقىرىم, ەنى – 2ح14م بولسا, نىساننىڭ جالپى سوماسى – 2 394,0 ملن.تەڭگەنى قۇرايدى. ال, ت.رىسقۇلوۆ كوشەسىنىڭ جالپى ۇزىندىعى – 4,2 شاقىرىم, ەنى – 2ح7م. قۇرىلىس جۇمىستارى ا.بايتۇرسىنوۆ پەن ءال-فارابي كوشەسى ارالىعىندا جۇرگىزىلمەك.
بۇدان بولەك, بادام وزەنى ۇستىنەن وتەتىن وتكەل د.قوناەۆ داڭعىلىمەن جالعاسادى. 99 مەترلىك نىسان مامىر ايىنىڭ اياعىنا دەيىن تاپسىرىلادى دەپ كۇتىلەۋدە.
جالپى شىمكەنت قالاسىنداعى اۆتوموبيل جولدارىنىڭ ۇزىندىعى 297 606 شاقىرىمدى قۇراسا, ونىڭ 56,5%-ى قاناعاتتانارلىق جاعدايدا.
شىمكەنت
