وندا مۇرات دۇيسەنبەك ۇلى كاسىپورىن جۇمىسشىلارىمەن كەزدەسىپ, فابريكانىڭ قالا ونەركاسىبىن دامىتۋدا ايرىقشا ۇلەسى بار ەكەنىن اتاپ ءوتتى.
جاڭا جەلىنىڭ اشىلۋى وتكەن جىلدىڭ ءساۋىر ايىندا قول قويىلعان شىمكەنت قالاسى اكىمدىگى مەن «راحات-شىمكەنت» جشس اراسىنداعى سەرىكتەستىك مەموراندۋمى ناتيجەسىندە ىسكە اسىرىلعان.
بۇل جوبا بارىسىندا قازاقستانداعى ءۇشىنشى مەگاپوليستىڭ وندىرىستىك الەۋەتىنە 1,8 ميلليارد تەڭگە ينۆەستيتسيا تارتىلعان. سونىمەن قوسا, جوبا مەملەكەت تاراپىنان قولداۋ تاۋىپ, 90 ميلليون تەڭگە سۋبسيديا تولەنگەن. جاڭا جەلىنىڭ اشىلۋىنىڭ ارقاسىندا 80 ازامات جۇمىسپەن قامتاماسىز ەتىلەدى. بۇل فابريكا ءبىر ساعات ىشىندە 1 توننا, ءبىر جىلدا 3,5 مىڭ توننا مارمەلاد شىعاراتىن بولادى.
فابريكا زاماناۋي قۇرالدارمەن جابدىقتالعان. بۇگىندە 30 اتالىم بويىنشا 6 ءونىمنىڭ ءتۇرى وندىرىلەدى. 2019 جىلعى كورسەتكىش بويىنشا فابريكادا 20 مىڭ توننا ءونىم شىعارىلعان.
