ايماقتار • 21 مامىر، 2020

جامبىلدىق مەكتەپ ينسپەكتورلارىنىڭ جۇمىسى دۇرىس ۇيىمداستىرىلماعان

25 رەت كورسەتىلدى

جامبىل وبلىسىنىڭ اكىمى بەردىبەك ساپارباەۆ پەن وبلىس پروكۋرورى نۇرعالىم ءابدىروۆتىڭ توراعالىعىمەن قۇقىق بۇزۋشىلىقتىڭ الدىن الۋ ماسەلەلەرى جونىندەگى كوميسسيانىڭ جانە زاڭدىلىقتى، قۇقىقتىق ءتارتىپ پەن قىلمىسقا قارسى كۇرەستى قامتاماسىز ەتۋ جونىندەگى ۇيلەستىرۋ كەڭەسىنىڭ بىرلەسكەن وتىرىسى ءوتتى. جيىندا جامبىل وبلىستىق پوليتسيا دەپارتامەنتى باستىعىنىڭ ورىنباسارى تەمىربەك ورازىمبەتوۆ بيىلعى جىلى وڭىردە قىلمىس دەڭگەيى ايتارلىقتاي تومەندەگەنىن جەتكىزدى.

وسى جىلدىڭ العاشقى 4 ايىنىڭ قورىتىندىسى بويىنشا قۇقىق بۇزۋشىلىقتار سانى وتكەن جىلدىڭ سايكەس كەزەڭىمەن سالىستىرعاندا 33 پايىزعا كەمىگەن. سونىڭ ىشىندە ۇرلىق، توناۋ جانە زورلاۋ كورسەتكىشى ازايعان. سونداي-اق جول-كولىك وقيعالارى مەن ودان زارداپ شەگۋشىلەردىڭ سانى دا تومەندەگەن. سونىمەن قاتار ول اسىرەسە ۇرلىق فاكتىلەرىن اشۋعا ەرەكشە نازار اۋدارىلىپ وتىرعانىن ايتتى. سوڭعى ۋاقىتتا قىلمىستىڭ بۇل ءتۇرىن اشۋ وڭ جولعا قويىلا باستاعان. جەدەل الدىن الۋ شارالارى بارىسىندا پوليتسيا قىزمەتكەرلەرى تەلەفون كابەلدەرىن ۇرلاۋمەن اينالىسىپ كەلگەن قىلمىستىق توپتى انىقتاعان بولسا، وتكەن جىلى مال ۇرلىعىمەن اينالىسىپ كەلگەن 15 قىلمىستىق توپتىڭ جولى كەسىلگەن. ناتيجەسىندە 500-دەن استام مال يەلەرىنە قايتارىلعان. ال، اعىمداعى جىلدىڭ 4 ايىندا ۇرلىققا قاتىستى 10 قىلمىستىق توپ انىقتالعان.

سونداي-اق پوليتسەيلەر كامەلەتكە تولماعاندار اراسىنداعى قۇقىقبۇزۋشىلىقتىڭ الدىن الۋ ماقساتىندا كوپتەگەن جۇمىستار جۇرگىزۋدە. الايدا جالپى وڭ كورسەتكىشتەرمەن بىرگە وبلىس اۋماعىندا قوعامدىق رەزونانس تۋدىرعان اسا اۋىر قىلمىستار دا ورىن العان. بۇل رەتتە بەردىبەك ساپارباەۆ پوليتسيا قىزمەتىندەگى بىرقاتار ماڭىزدى باعىتتار بويىنشا جۇمىستاردىڭ جۇيەلەنبەگەنىن اتاپ ءوتتى.

ء«بىزدىڭ جۇمىسىمىزدىڭ باسىم باعىتتارىنىڭ ءبىرى – ادامداردىڭ قاۋىپسىزدىگى. وكىنىشكە قاراي، قۇقىق قورعاۋ ورگاندارىنىڭ جۇمىسىندا قوعامدىق قاۋىپسىزدىكتى قامتاماسىز ەتۋدەگى بىرقاتار ۇستانىم بويىنشا ەلەۋلى كەمشىلىكتەر بار. ولاردىڭ كەيبىر ءتيىستى بولىمشەلەرى ءوز مىندەتتەرىن ورىنداي الماي وتىر. ماسەلەن، يۋۆەنالدى پوليتسيا، مەكتەپ ينسپەكتورلارىنىڭ جۇمىسى ءتيىستى دەڭگەيدە ۇيىمداستىرىلماعان. ءوزىنىڭ كۇندەلىكتى قىزمەتىندە قۇقىق قورعاۋ ورگاندارى كومەككە ۇكىمەتتىك ەمەس ۇيىمدار مەن قوعامنىڭ بەلسەندى وكىلدەرىن تارتا وتىرىپ، ارەكەت ەتۋ كەرەك. ايتپەسە، ءاربىر ءۇيدىڭ تۇسىنا پوليتسيا قىزمەتكەرلەرىن قويىپ قويۋ مۇمكىن ەمەس. وسىنداي ءوزارا ىنتىماقتاستىق اياسىندا جۇمىس ىستەۋ قالالار مەن اۋىلداردىڭ مادەني جانە ەستەتيكالىق كەلبەتىنە نۇقسان كەلتىرەتىن ۇرىلار مەن قىلمىسكەرلەردى انىقتاۋدا دا وڭ ناتيجە بەرەر ەدى»، -  دەدى بەردىبەك ساپارباەۆ.

سونداي-اق جيىندا جول قاۋىپسىزدىگى ماسەلەسى دە ايتىلدى. كەمشىلىكتەردىڭ باسىم بولىگىنىڭ قالالىق بيلىك پەن جەرگىلىكتى پوليتسيا قىزمەتى تاراپىنان ورىن الىپ وتىرعاندىعى دا ەسكەرتىلدى. سونداي-اق «تاراز – قاۋىپسىز قالا» باعدارلاماسى بويىنشا پروفيلاكتيكالىق ءىس-شارالار جوسپارىنىڭ جانە وبلىس ورتالىعىنداعى قىلمىس دەڭگەيىن تومەندەتۋ ماقساتىندا وبلىس پروكۋراتۋراسىمەن ازىرلەگەن «Taraz city» ءموبيلدى قوسىمشاسىنىڭ جوباسى تالقىلاندى. اتالعان جوبالار مەملەكەت باسشىسىنىڭ «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ شەڭبەرىندە تۇرعىنداردىڭ ءوز شاعىمدارى مەن سۇراقتارىنا دەر كەزىندە جاۋاپ الۋىنا، قالا ومىرىنە بەلسەندى قاتىسۋىنا مۇمكىندىك بەرەدى. جيىندا تاراز قالاسىنىڭ پروكۋرورى جامبىل سماتوۆتىڭ مالىمدەۋىنشە، وتكەن جىلى وبلىس اۋماعىندا جاسالعان ءاربىر 10 قىلمىستىڭ التاۋى تاراز قالاسىنا تيەسىلى ەكەن. سوعان سايكەس، قىلمىس سالدارىنان كەلتىرىلگەن زالالدىڭ 70 پايىزى وبلىس ورتالىعىنا قاتىستى. 2019 جىلدىڭ قورىتىندىسى بويىنشا 2435 قالا تۇرعىنى قىلمىستىق جاۋاپكەرشىلىككە تارتىلعان. كامەلەتكە تولماعاندار اراسىنداعى قىلمىس جانە ەسىرتكى قىلمىسى بويىنشا تاراز رەسپۋبليكانىڭ باسقا قالالارى اراسىندا الدىڭعى قاتاردا. سونداي-اق قالانىڭ 7 مىڭعا جۋىق تۇرعىنى ماسكۇنەمدەر مەن ناشاقورلار رەتىندە ارنايى تىركەۋگە الىنعان. «تاراز – قاۋىپسىز قالا» جوباسىن ازىرلەۋشىلەر ونى ىسكە اسىرۋ قالاداعى مورالدىق-ادامگەرشىلىك احۋالدى جاقسارتىپ، قىلمىستىق كورىنىستەردى بارىنشا ازايتۋعا كومەكتەسەتىنىن ايتادى. سوندىقتان دا جيىنعا قاتىسۋشىلار ۇسىنىلعان جوبانى قۇپتادى.

جيىندا وبلىس پروكۋرورى نۇرعالىم ءابدىروۆ بارلىق قۇقىق قورعاۋ، ارنايى جانە مەملەكەتتىك ورگاندار شەكتەۋ شارالارى كەزىندە زاڭدىلىقتى، قۇقىقتىق ءتارتىپتى جانە قىلمىسقا قارسى كۇرەستى قامتاماسىز ەتۋگە جانە كۇندەلىكتى تىرشىلىكتى قالىپتاستىرۋدىڭ كەلەسى كەزەڭدەرىنە باعىتتالۋى ءتيىس ەكەندىگىن اتاپ ءوتتى. ال، بەردىبەك ساپارباەۆ جاستاردى قوعامدىق پايدالى ءىس-شارالارعا بەلسەندى تۇردە تارتۋ كەرەكتىگىنە توقتالدى. ء«بىز جاستاردىڭ سالاۋاتتى ءومىر سالتىن ۇستانۋىن، بىلىمگە ۇمتىلۋىن، وزدەرىنىڭ بىلىكتىلىگى مەن مادەنيەتتىلىگىن ارتتىرۋىن، قىلمىستىق ارەكەتتەرگە نەمەسە جامان ادەتتەرگە بوي ۇرماۋىن قامتاماسىز ەتۋىمىز كەرەك»، دەدى بەردىبەك ساپارباەۆ.

 

جامبىل وبلىسى

 

 

سوڭعى جاڭالىقتار

ەلگە كەرەك ەكى كىتاپ

رۋحانيات • بۇگىن، 08:52

«عارىشقا اپارار جول»

رۋحانيات • بۇگىن، 08:50

العاشقى عارىش ايلاعى

وقيعا • بۇگىن، 08:48

تاريحي جەرلەردىڭ تاعىلىمى بولەك

رۋحانيات • بۇگىن، 08:30

شيرەك فينالدا ءسۇرىندى

تەننيس • بۇگىن، 08:11

ەل-كلاسيكودا جەڭىسكە جەتتى

فۋتبول • بۇگىن، 08:06

رۋحى بيىك ەل ەشقاشان جەڭىلمەيدى

رۋحانيات • بۇگىن، 08:05

يزرايلدەن باسىم ءتۇستى

سپورت • بۇگىن، 08:04

عىلىمنىڭ جاڭا بەلەسى

عىلىم • بۇگىن، 08:01

ۇلتتىق ۇردىستەر ۇزىلمەيدى

قازاقستان • كەشە

ۇقساس جاڭالىقتار