بۇگىن تالدىقورعان قالاسىندا 12 ادام, كەگەن اۋدانىندا 4 ادام, تالعار اۋدانىندا 2 ادام, قاراساي اۋدانىندا 1 ادام وقشاۋلاندى. 16 ناۋقاس بۇعان دەيىن اۋىرعان اداممەن بايلانىستا بولعاندىقتان دارىگەرلەر باقىلاۋىندا بولعان, ال 3 ناۋقاس دەنساۋلىعىنا شاعىمدانىپ, مەديتسينالىق مەكەمەگە وزدەرى جۇگىنگەن ەكەن.
- پتر تالداۋىنىڭ ناتيجەلەرى بويىنشا ناۋقاستاردىڭ بارلىعىنا COVID-19 دياگنوزى قويىلدى. اۋىرعان ادامدار بىردەن وقشاۋلاندىرىلىپ, قازىر جۇقپالى اۋرۋلار بولىمىنە اۋىستىرىلدى. ولارمەن بايلانىستا بولعان ازاماتتار دا وقشاۋلانىپ, كوروناۆيرۋستىڭ بار-جوعىن انىقتاۋعا زەرتحانالىق تەكسەرۋدەن وتۋدە. ەپيدەميولوگيالىق تەكسەرۋ جالعاسىپ جاتىر, - دەپ حابارلايدى الماتى وبلىسى اكىمىنىڭ ءباسپاسوز قىزمەتى.
